VaEfeso 1:17 - ULufingwi uLupwa

¹⁷ Nkulaavha kuuti, uMulungu uwa Mwene wiitu uYeesu Chilisiti we wu Taata uwa Vhushindamu, aavhape uvhushindamu uvhwa njeele nu kuvhalolesya vwe ali, inga mumumanye ahinza nkaani.

Tesitamenti Umupwa 1965

¹⁷ ukuti uMulungu wa Mwene witu uYesu Chilisiti, uTata wa vumwamu vwonti, avapanjʼimwe umupepo wa vumanyinsanyi nuwa kuzikupula izya vuzigizigi,

VaEfeso 1:17 ပူးပေါင်းရင်းမြစ်များ

Matayi 11:25

Ahavhaliilizyo iho uYeesu ahajendeelela kuyanga kuuti, “We Taata, Mwene wa ku mwanya na pa nsi, nkukusalifwa. Nkukusalifwa, mwe pe imbombo izi uvhazyisile avhantu vhe vhakuyilola kuuti vhali nu vhushindamu uvhwa njeele nu kuuti vhasambiilile, ileelo uvhalolesiizye apazelu avhantu vhe vhakuyiisya inza avhaana avhansi.

Matayi 11:27

“UTaata waane ampiiye ivintu vwonti. Ataliipo we amumanyile uMwana, nkandi we Taata weeka. Havhili, ataliipo we amumanyile uTaata, nkandi we Mwana weeka, nu muntu wonti we uMwana asungwilwe kumulolesezya.

Matayi 16:17

UYeesu ahamwamula ahati, “Ulosiitwe iwe Siimoni we mwana wa Yoona, mwe pe izi te muntu we akulolesiizye, nkandi wu Taata waane uwa ku mwanya.

Matayi 20:33

Pe vhahamwamula vhahati, “We Mwene, tukulaavha utuponie tutalishe kulola havhili.”

Matayi 6:13

Utulongole inga tutahinjile mu ndingo, havhili utuposhe nu Muvhiivhi ula, mwe pe uvhumwene na maha nu vhushindamu vwaho shiima! Amina!’”

uLuuka 12:12

Ahavhaliilizyo iho uMupepo uMufinjile alivhamanyisya zye mukwanzilwa kuyanga.”

uLuuka 2:14

“Ashindikwaje uMulungu uMupiti uwa ku Mwanya, vhwope uvhutehamu vhuvhanje mu nsi ku vhantu vhe avhitisile.”

uLuuka 21:15

Nkuvhavhuuzya isho, mwe pe ine ndiivhapa amazwi aga kuyanga nu vhushindamu uvhwa njeele, vhwe avhalugu vhiinyu vhatangatumvanya navhwo, poosye kuvhudinda.

Yohani 14:17

UMutuuli uyo we Mupepo we alivhalolesya avhantu uvhwanalyoli. Avhantu vhe vhakumuhaana uMulungu vhatangamuposheela uMupepo uyo, mwe pe vhatakumulola, havhili vhatamumanyile. Ileelo imwe mumumanyile, mwe pe akuvha pooka niimwe, woope alitendama muhati zyinyu.

Yohani 14:26

Ileelo uMutuuli uyo, kwe kuuti uMupepo uMufinjile, we uTaata kwe amutume kuli imwe kwi izina lyane, we alivhasambiilizya nu kuvhakumbusya zyonti zye nkavhavhuzyaga.

Yohani 16:3

Vhalivhavhombelaga vhwevhulo, mwe pe vhatamumanyile uTaata, havhili niine vhweleele vhatamanyile.

Yohani 17:3

Uvhulanzi uvhwa shiima uvhwo vhukuposheelwa kwi idala ilya vhantu kukumanya kuuti iwe we Mulungu weeka uwa nalyoli, havhili kumanya niine kuuti ne Yeesu Chilisiti ne untumile ku kwavho.

Yohani 20:17

UYeesu ahamuvhuuzya uMaliiya ahati, “Utahandeme, mwe pe nshiili kusogola ku mwanya kwa Taata. Ileelo sogoola uvhavhuuzye avhamwitu, kuuti nkuzuvha ku mwanya kwa Taata waane we wu Taata wiinyu, havhili kwa Mulungu waane we wu Mulungu wiinyu.”

iMbombo izya Vhatumwa 6:10

Ileelo ahavhapootaga, mwe pe ahayangaga amazwi aga vhushindamu uvhwa njeele ku maha aga Mupepo uMufinjile.

iMbombo izya Vhatumwa 7:2

USiteefani ahaamula ahati, “Mwe vhamwitu na mwe vhataata vhaane, tejeelezyi! UMulungu uwa Vhushindamu ámulolesheeye utaata wiitu uAabulahamu, lwe áali mu nsi iya Vhamesopotaamiya, lwe ashiili kusaamila mu nkaaya iya Haalani.

VaLoma 1:28

Mwe pe avhantu ivho vháhaanile uvhumanyi uvhwa nalyoli uvhwa nongwa izya Mulungu, woope uMulungu ahavhaleha vhazilandataje insiivho zyavho imbiivhi. Pe vhahavha vhakuvhomba inongwa zye zitakwanzilwa kuvhombwa.

VaLoma 15:6

Ipo pe imwe mwenti kwe mumutiimaje uMulungu, uTaata uwa Mwene wiitu uYeesu Chilisiti ku mwoyo wooka na ku lumili lwoka.

1 VaKolinti 12:8

UMupepo uyo akuumupa umuntu wumo ishikunjilwa isha kuyanga amazwi aga vhushindamu uvhwa njeele, uwamwavho akuumupa amazwi aga vhumanyi inza vwe akasiime wuuyo.

1 VaKolinti 14:6

Ishi vhamwitu, inga ninza kuli imwe, nanda kuyanga injango injeni, vhuli, mungalyaga lilonka vhuli? Mutangalyaga ilonka naalimo, nkandi inga navhavhuuzya zye uMulungu andolesiizye, poosye inga nayanga izya vhumanyi, poosye inga naakuvhwa, poosye inga nasambiilizya, ipo pe mungalyaga ilonka.

1 VaKolinti 2:10

Ileelo iswe uMulungu átulolesiizye zyenezyo kutuushila kwa Mupepo uMufinjile. Yeenya, uMupepo uMufinjile we akupenza zyonti, poosye izya kukwilu izya Mulungu.

1 VaKolinti 2:8

Havhili ataliipo inga wooka mu vhapiti avha mu nsi umu we avhumanyile uvhushindamu uvhwa njeele uvhwo, mwe pe inga vhavhumanyaje, nkandi vhatámuhomeleeye pa shihovhenkanyo uMwene uwa Vhushindamu.

2 VaKolinti 12:1

Nkwanzilwa kuyitumvwa, poosye inga kuyitumvwa ukwo kutakumpa ilonka naalimo. Ishi nkwanza kuyitumvwa kuzya njozi iya pa minso amazelu ni zinji zye andolesiizye uMwene uYeesu.

VaEfeso 1:3

Ashindikwaje uMulungu, uTaata uwa Mwene wiitu uYeesu Chilisiti! Uweene atuloosite nu vhuloote vhwonti uvhwa ku mwanya. Uvhuloote uvhwo tukuvhuposheela kwi idala ilya kusopenkana nu Chilisiti.

VaEfeso 3:5

Amanda gonti aga hali, uMulungu atávhamanyisiizye avhantu uvhuzigizigi uvhwo. Ileelo pisinda ahavhamanyisya avhafinjile vhaakwe avhatumwa na vhakuvhwi, kwi idala ilya Mupepo waakwe.

VaEfeso 4:13

Ishivhanza shizengwe, kufishila pe ulwitiho lwitu swenti lwavha lwoka na pe twamumanya uMwana wa Mulungu, kwe kuuti, kufishila pe twakula nu kugoma nu kuvhufishila uvhulunjisu uvhupiti inza uvhwa Chilisiti.

Filipi 3:15

Ishi iswe twe tusimfile mu lwitiho, tusiivhaje ziniizyo. Poosye inga mukusiivha izinji ku nongwa yonti, yoope iyo uMulungu alivhalolesezya apazelu.

2 Timoti 2:25

Inga avhantu vhakudalinkana nawo, avhasohaje ku vhutonsu. Lumo uMulungu angaavhapa kuvhuleha uvhutalamalandu vhwavho vhwonti, nu kuvhumanya uvhwanalyoli.

uTiiti 1:1

Ukalaata uno nsimvile neene ne Paavhuli, ne muvhomvi uwa Mulungu, havhili ne mutumwa uwa Yeesu Chilisiti. Antumile kuzya vhantu avha Mulungu vhe avhasavhuuye wuuyo, kuuti vhavhe nu lwitiho. Havhili vhavhumanye uvhwanalyoli vhwonti vhwe vhukuleeta ulujendo ulwinza pilongolela ilya Mulungu.

Yakobu 2:1

Mwe vhamwitu, mutavhanje mwe vhakusavhulanya, mwe pe mumwitisile uMwene wiitu uYeesu Chilisiti uwa Vhushindamu.

2 Peteli 1:3

UMulungu ku maha gaakwe atupiiye ivintu vwonti vwe tukuvwanza mu vhulanzi vhwitu, nu kuvha nu lujendo ulwinza pilongolela lyakwe. UMulungu atupiiye vwonti ivwo kwi idala ilya kumumanya uweene we atwisite ku vhushindamu na ku vhwinza vhwakwe wuuyo.

2 Peteli 3:18

Ileelo mujendeelele kukula mu vhwila nu kumumanya uMwene wiitu nu Muposhi uYeesu Chilisiti. Uvhushindamu vhuvhanje nu weene ishi na shiima! Amina.

Ishitushizya 7:12

vhahati, “Amina! Intiimo nu vhushindamu nu vhushindamu uvhwa njeele, havhili insalifwo nu mushinzi na maha amasisya na maha, vili nu Mulungu wiitu shiima shiima. Amina!”