VaEfeso 1:13 - ULufingwi uLupwa

¹³ Niimwe vhweleele mwe te mwe Vhayuuda, mwívuuye izwi ilya nalyoli, kwe kuuti Izwi iLyinza ilya kuvhapoha. Lwe mwivwa muhamwitiha uChilisiti, woope uMulungu ahavhalemezanya ni shilemezanyo kulolesya kuuti mwe vhaakwe. Ishilemezanyo isho, wu Mupepo uMufinjile we áfinzile kuutupa.

Tesitamenti Umupwa 1965

¹³ Namwe muli wuyo mwiṿu-yʼizwi lya nalyoli, intumʼinyinza ya vupokwa vwinyu, havili mumwitisile wuyo nukuposhelʼishimanyilo sha MupepʼuMufinjile we pe pakuti ayinzaje,

VaEfeso 1:13 ပူးပေါင်းရင်းမြစ်များ

uLuuka 11:13

Pe ishi, inga imwe mwe vhatalamalandu mumanyile kuuvhapa avhaana vhiinyu ivintu ivwinza, pe uTaata wiitu uwa ku mwanya aliivhapa uMupepo uMufinjile vhaala vhe vhakumulaavha!”

uLuuka 24:49

“Tejeelezyi! Ishi ine kuuti imuleete kuli imwe uMupepo uMufinjile we uTaata waane áfinzile kuuti aliivhapa. Ishi, mutendame mu nkaaya ino iya Yelusaleemu, kufishila pe muliposheela amaha kufuma ku mwanya.”

Yohani 1:17

Nkuyanga vhwevhulo, mwe pe uMulungu áfumwizye indajizyo zyakwe kwi idala ilya Moose, ileelo uvhwila nu vhwanalyoli atupiiye kwi idala ilya Yeesu Chilisiti.

Yohani 14:26

Ileelo uMutuuli uyo, kwe kuuti uMupepo uMufinjile, we uTaata kwe amutume kuli imwe kwi izina lyane, we alivhasambiilizya nu kuvhakumbusya zyonti zye nkavhavhuzyaga.

Yohani 15:26

“Nkumutuma uMutuuli we wu Mupepo uMufinjile uwa kuvhalolesya avhantu vhonti uvhwanalyoli. Akufuma kwa Taata, havhili lwe aafiha kuli imwe, alivhahomeshezya uvhwanalyoli vhwane.

Yohani 3:33

Umuntu wonti we akumwitiha uweene, akuhomeshezya kuuti zye uMulungu akuyanga zya nalyoli,

Yohani 6:27

Mutavhombaje imbombo ku nsiivho izya kushaaga ishaakulya she shikunanjiha, nkandi muvhombaje ku nsiivho izya shaakulya she shitakunanjiha, she shikuvhavhiiha kuvha nu vhulanzi uvhwa shiima. Ine ne Mwana wa Aadamu nkuuvhapa avhantu ishaakulya isho, mwe pe uTaata uMulungu ampiiye amaha aga kuvhomba izyo.”

iMbombo izya Vhatumwa 1:4

Isiku limo lwe uYeesu ahalyanga pooka navho, ahavhalajizya ahati, “Mutaheepe mu nkaaya iya Yelusaleemu, muguliilile munuumu, kufishila ahavhaliilizyo he muliposheela ishikunjilwa, kwe kuuti uMupepo uMufinjile. Isho she shikunjilwa she uTaata uMulungu áfinzile, ulufingwi ulwo lwe nkavhavhuzyaga.

iMbombo izya Vhatumwa 13:26

UPaavhuli ahajendeelela kuyanga kuuti, “Mwe vhamwitu, mwe vhaana avha luho ulwa Aabulahamu, niimwe mwe vhanji mwe mukumunyila uMulungu, iswe swenti swe uMulungu atuleteeye izwi ili ilya vhuposhi.

iMbombo izya Vhatumwa 2:33

Lwe uMulungu amuzyusya, ahamuzuvwa nu kumuvhiiha ku luvhazu lwakwe ulwa kundiilo pa vhushindamu uvhupiti nkaani. Pe ahaposheela uMupepo uMufinjile kufuma kwa Taata, we áfinzile, ahatwitila wenewo ku vhwinji, izyo zye mukuzilola, nu kuzyivwa.

VaLoma 1:16

Ntakulola insoni kulumbiilila Izwi iLyinza ilyo, mwe pe ilyenelyo maha ga Mulungu aga kuvhapoha avhantu vhonti vhe vhakumwitiha uYeesu, kwandila ku Vhayuuda kufishila ku vhantu vhe te Vhayuuda.

VaLoma 4:11

Kutahiililwa kwakwe sháali shilolesyo ku kwakwe isha kumulolesya kuuti uMulungu ámuvhaziizye kuuti mugolosu kufumiilana nu lwitiho, lwe áamile nalwo lwe ashiili kutahiililwa. Kwi idala ilyo, uAabulahamu wu taata waavho vhonti vhe vhakwitiha, poosye she vhatatahiliilwe, inga vhoope vhavhaazilwe kuuti vhagolosu.

VaLoma 6:17

Ishi nkumusalifwa uMulungu. Mwáli mwe vhazya avha vhutalamalandu, ileelo ishi mwitisile insambiilizyo izya Shichilisiti zye muposheleeye, havhili mukuzilandata ku mwoyo wonti.

2 VaKolinti 1:22

nu kutuvhiiha ishilemezanyo kuvha swe vhantu vhaakwe, nu kumuvhiiha mu mooyo giitu uMupepo uMufinjile, inga avhe wu hapinjiha ku zye áfinzile kuutupa.

2 VaKolinti 6:7

Havhili tukulolesya kwi idala ilya kulumbiilila izwi ilya nalyoli, tukuvhomba izyo zyonti ku maha aga Mulungu. Uvhugolosu she shilwilo shiitu, uluvhazu ulwa kundiilo nu lwa kumongo.

VaGalati 3:14

Izi zyávhombesile, inga uvhuloote vhwe ápeliilwe uAabulahamu, vhuvhafishile vhe te Vhayuuda, kwi idala ilya Chilisiti uYeesu. Ishi tukuposheela uMupepo uMufinjile, we uMulungu áfinzile kuutupa kwi idala ilya kumwitiha uYeesu Chilisiti.

VaEfeso 4:21

we vhwandilo uvhwa vhwanalyoli vhwonti. Nalyoli nkwitiha kuuti, mwívuuye ahinza inongwa ni nsambiilizyo zyakwe.

VaEfeso 4:30

Mutamuvhiihaje uMupepo uMufinjile kuuti aswimililwaje. Uweene shilemezanyo isha kulolesya kuuti, mwe vhantu vha Mulungu, havhili akuhomeshezya kuuti isiku liliyinza lye uMulungu alivhatavhula imwe.

1 VaTesaloniki 2:13

Havhili tukumusalifwa uMulungu ishisita kulita, mwe pe lwe mwalitejeelezya izwi lyakwe kufuma kuli iswe, mutáliposheleeye ngati lizwi lya muntu, nkandi ngati lizwi kufuma kwa Mulungu, nalyoli vwe zili. Izwi ilyo likuvhomba imbombo muhati mu mooyo giinyu imwe mwe mumwitisile.

2 Timoti 2:15

Uyifumwaje ku mute kuyilolesya kuuti we muvhomvi we uyitishiliilwe nu Mulungu. Usambilizyaje izwi ilya nalyoli vwe uMulungu akwanza, nu kuvha we muvhomvi we atakulola insoni.

2 Timoti 2:19

Ileelo ulwalo ulwa Mulungu ulwa lwitiho lwe lugomu lwimiliiye, havhili lusimviilwe uvhwanalyoli vhwe vhukuti, “UMWENE uMulungu avhamanyile avhantu vhaakwe.” “Umuntu wonti we akuyanga kuuti muntu wa MWENE, akwanzilwa azileshe imbiivhi.”

2 Timoti 3:15

Kufuma ku vhwana vhwaho, wámanyile ahinza uVhusimbe uVhufinjile vhwe vhuli na maha aga kuukupa uvhushindamu uvhwa njeele, inga ufishile kuvhwaga uvhuposhi kwi idala ilya kumwitiha uChilisiti uYeesu.

uTiiti 2:11

Uvhasambilizyaje izyo, mwe pe uMulungu alolesiizye uvhwila uvhwa vhuposhi vhwakwe ku vhantu vhonti.

VaHebuli 2:3

Pe ishi, iswe tungaapona inza vhuli kupeelwa isunde, inga tutakuvhusaajila uvhuposhi uvhupiti inza uvhu? UMwene uYeesu wuuyo we átalisile kuvhukumusya uvhuposhi uvhwo, na vhantu vhe vhámwivuuye vhe vhátuhomesheziizye kuuti vhwáli vhwa nalyoli.

Yakobu 1:18

Kulandatana na vwe ákasiime, átuvhiisile kuvha swe vhaana vhaakwe kwi idala ilya iswe kulyitiha izwi lyakwe ilya nalyoli. Ávhomvile vhwevhulo, inga tuvhe swe vhaana vhaakwe imozi, ku vipelwa vwakwe vwonti vwe ávipezile, tuvhe inza iviyavho ivitanzi ivwa kufumwa ku kwakwe.

Yakobu 1:21

Pe ishi, muvhuleshe uvhuhandamanu vhwonti nu vhuvhiivhi vhwe muli navhwo. Muposheele ku vhutonsu izwi liila lye uMulungu alivhiisile mu mooyo giinyu. Izwi ilyo lye lili na maha aga kuvhapoha.

1 Peteli 2:10

Hali mutáamile mwe vhantu vha Mulungu, ileelo ishi mwavha mwe vhantu vhaakwe. Havhili mutáposheleeye uvhwila uvhwa Mulungu, ileelo ishi muposheleeye.

Ishitushizya 7:2

Nkalola uhavhizya uwamwavho akuzuvha kufuma kuvhutukulo, áali ni shilemezanyo isha Mulungu uweene we mulanzi. Ahavhavhuuzya kwi izwi ipiti avhahavhizya vhaala vhane, vhe vhápeliilwe amaha aga kuyinanganya insi nu sumbi,