VaEfeso 1:11 - ULufingwi uLupwa

¹¹ Ivintu vwonti vikuvhombeha kulandatana nu lukasamo nu vhwamuzi uvhwa Mulungu. Woope uMulungu kufuma hali átusavhuuye iswe swe Vhayuuda, kuuti tuvhe swe vhaana vhaakwe kwi idala ilya kusopenkana nu Chilisiti.

Tesitamenti Umupwa 1965

¹¹ wʼahatupela ukuva swe vahatavupwano inza shʼalulumiye he hali nukutusavula, we wuyo wʼakupela zyonti mwʼakasime weka palukasamo lwakwe,

VaEfeso 1:11 ပူးပေါင်းရင်းမြစ်များ

iMbombo izya Vhatumwa 13:48

Avhantu vhe te Vhayuuda, lwe vhiivwa amazwi igo, vhahaseshela, vhahalitiima izwi ilya Mwene uYeesu. Vhonti vhe vhasavhuliilwe kuvha nu vhulanzi uvhwa shiima shiima, vhahamwitiha uMwene.

iMbombo izya Vhatumwa 2:23

Inza vwe uMulungu ámanyile nu kusivhiilila kuvhomba kufuma hali, ahamuleeta uYeesu kuli imwe. Niimwe muhamugoga kwi idala ilya kuvhasonzya avhatalamalandu kuuti vhamuhomeele pa shihovhenkanyo.

iMbombo izya Vhatumwa 20:27

Ntázyisile inga hansi kuvhalumbiilila zyonti zye uMulungu akasiime.

iMbombo izya Vhatumwa 20:32

“Ishi nkuvhavhiiha mu nyoovhe izya Mulungu na mu vhulongozi uvhwa izwi ilya vhwila vhwakwe. Izwi ilyo lye likuvhwezya kuvhazenga, nu kuuvhapa uvhupwano vhwe avhavhishiiye avhafinjile.

iMbombo izya Vhatumwa 26:18

uvhiigule aminso gaavho, vheepe mu shiisi na mu maha aga Mukwalanzi, vhinjile mu vhuzelu uvhwa Mulungu. Ipo pe vhaliswilwa uvhutalamalandu vhwavho, havhili vhaliivha pooka na vhanji vhonti vhe vhavhisiilwe kuvha vhafinjile kwi idala ilya kuniitiha ine.’”

iMbombo izya Vhatumwa 4:28

Izyo zye vhavhomvile ivho zye iwe wásivhiliiye kufuma hali kuuti zivhombeshe, ku maha gaaho na ku lukasamo lwaho.

VaLoma 11:34

“Ataliipo umuntu we angazimanya zye uMWENE uMulungu akusiivha, havhili naawumo uwa kumwavwa insiivho.”

VaLoma 8:17

Ishi, inga swe vhaana vha Mulungu, pe nalyoli swe vhapwana avha Mulungu, swe vhapwana pooka nu Chilisiti. Nalyoli inga tukwitiha kuyimba inza uChilisiti, pe tuliposheela uvhushindamu pooka nawo.

VaLoma 8:28

Tumanyile kuuti, muli zyonti uMulungu akuvhavhombela inyinza avhantu vhe vhamukunzite, vhaala vhe avhiisite inza vwe avhalulumiiye.

VaLoma 8:29

Yeenya, uMulungu ávhamanyile avhantu vhaakwe vhe ávhasavhuuye she ashiili kuvhapela, havhili ivho ávhasavhuuye, inga vhaholane nu Mwana waakwe uYeesu Chilisiti. Ávhomvile vhwevhulo, inga uMwana uyo avhe wu hatoote ku vhaana avhamwavho vhonti avha Mulungu.

VaLoma 8:30

Havhili ivho vhe ávhasavhuuye ahavhiita. Ivho vhe ávhiisite ahavhavhaazya kuuti vhagolosu, havhili ahaavhapa uvhushindamu.

VaLoma 9:11

Ileelo avhaana ivho she vhashiili kupaapwa, havhili she vhashiili kuvhomba ishintu shonti, shivhe shinza, poosye shivhiivhi, uMulungu ahamuvhuuzya uLebeka ahati, “Usongo alimuvhombela umwana.” Izi zikulolesya kuuti uMulungu akusaavhula umuntu kulandatana nu lukasamo ulwa Mulungu, yitakuvha kulandatana ni mbombo izya muntu uyo.

VaGalati 3:18

Inga uMulungu akuuvhapa avhantu uvhupwano vhwakwe kwi idala ilya kulandata indajizyo, pe uvhupwano vhutangasuuvhila havhili ulufingwi ulwa Mulungu. Ileelo kwe kwi idala ilya lufingwi, uMulungu ámupiiye uAabulahamu.

VaEfeso 1:14

UMulungu átupiiye uMupepo waakwe avhe shintu isha kuyipinjiha, kutuhomeshezya kuposheela uvhupwano vhwakwe, kufishila pe alitutavhula iswe swe vhantu vhaakwe. Avhomvile vhwevhulo, inga atimwaje ku vhushindamu vhwakwe!

VaEfeso 1:18

Havhili nkulaavha avhigulile aminso aga mu mwoyo, inga mumanye ahinza shiila she avhitiiye kuuti muposheele, pe muvhe nu lusuuvhilo ulwa nalyoli. Ishintu isho vhudumbwe uvhwa vhupwano uvhwa vhushindamu vhwe áfinzile kuuvhapa avhafinjile.

VaEfeso 1:5

uMulungu álongoleeye kwamula kutuvhiiha kuvha swe vhaana vhaakwe kutuushila kwa Yeesu Chilisiti. Ávhomvile vhwevhulo, kulandatana nu lukasamo lwakwe na vwe yámuhondeziizye,

VaEfeso 1:8

vhwe átufwiliiye nkaani. UMulungu átupiiye uvhwila uvhwo ku vhushindamu uvhwa njeele vhwonti na ku vhumanyi.

VaEfeso 1:9

Ahatumanyisya ulukasamo lwakwe ulwa vhuzigizigi, lwe ákasiime kulandatana na vwe yikumuhondezya. Ulukasamo ulwo ásivhiliiye kululolesya kutuushila kwa Mwana waakwe uyo,

VaEfeso 3:11

Ulwo lwe lwáli lukasamo ulwa Mulungu kufuma amanda gonti aga hali. Álulunjisiizye kutuushila imbombo ye uMwene wiitu uChilisiti uYeesu áyivhomvile.

Kolosi 1:12

uku mukumusalifwa uTaata uMulungu ku luseshelo ulupiti. Uweene avhavhiisile kuvha mwe vhantu mwe mukuposheela uvhupwano uvhwa vhumwene uvhwa mu vhuzelu, vhwe vhwa vhafinjile.

Kolosi 3:24

Mukumbushe kuuti uMwene aliivhapa ishipeelwa she vhupwano vhwinyu. UMwene we mukumuvhombela we wu Chilisiti.

uTiiti 2:14

UYeesu we áyifumwizye ku zyitu, inga atutavhule kufuma mu vhutalamalandu vhwonti nu kutuzelufwa tuvhe swe vhantu vhaakwe vhe vhakuyifumwa ku mute kuvhomba inyinza.

uTiiti 3:7

Nalyoli tukuvhaazilwa kuuti twe vhagolosu ku vhwila vhwakwe, átuvhiisile kuvha swe vhaana vhaakwe swe tukusuuvhila kuposheela uvhulanzi uvhwa shiima.”

VaHebuli 6:17

Woope uMulungu ahanzaga kulolesya apazelu ku vhantu vhe vhaliposheela ziila zye áfinzile kuuti te ahazyandule. Ili lye lyápeleeye kuuti ahomeshezye ulufingwi lwakwe kwi idala ilya kulapa.

Yakobu 2:5

Mwe vhamwitu vhankundwa, tejeelezyi ahinza! UMulungu avhasavhuuye avhantu avhapiina mu nsi umu kuuti vhavhe vhe vhadumbwe mu lwitiho, nu kuposheela uvhumwene vhwe áfinzile ku vhonti vhe vhakumukunda.

1 Peteli 1:4

inga tuposheele uvhupwano vhwe uMulungu avhasenguliiye avhantu vhaakwe ku mwanya. Uvhupwano uvhwo vhutakunanjiha, poosye kuvhola, poosye kufwoha.

1 Peteli 3:9

Mutalanduzyaje imbiivhi kwa muntu we avhavhombela imbiivhi. Lwe vhakuvhaliga mutalanduzyaje indigo, nkandi muvhalavhilaje uvhuloote, mwe pe uMulungu ávhiisite kuvhomba izyo, inga muposheele uvhuloote vhwakwe.