VaEfeso 1:10 - ULufingwi uLupwa

¹⁰ nu lukasamo lwakwe lwe luno: Kuuti inga zyonti zyasila na havhaliilizyo he ahasaavhula haafiha, alivivhungaaniha pooka ivipelwa vwonti, vwe vili ku mwanya na vwe vili pa nsi. Woope uMwana waakwe we aliivha mupiti uwa vipelwa ivwo.

Tesitamenti Umupwa 1965

¹⁰ ukuti inga lumo zihinze izya kuyiyananizya lwe ginzilʼamaha gakwe, lwe zyonti zyavunganishilwa poka mwa Chilisiti, ṿwonti iṿwa kumwanya kula niṿwa pansi ipa. Muli wuyo,

VaEfeso 1:10 ပူးပေါင်းရင်းမြစ်များ

Matayi 25:32

Avhantu kufuma mu nsi zyonti vhalivhungaana pilongolela lyane. Niine ndivhasavhulanya inza vwe umudiimi akuzisavhulanya ingʼonzi ni mbuzi.

Maliko 1:15

Ahati, “Ahavhaliilizyo aha vhumwene uvhwa Mulungu haafiha nu vhumwene uvhwa Mulungu vhupalamiiye! Mupindushe, mulyitishe Izwi iLyinza ilya Mulungu.”

1 VaKolinti 10:11

Ishi zyonti izyo zye zyávhaazile avheene, zyásimviilwe, inga shivhe shiholanyo isha kutusoha iswe twe tukulandila ahavhaliilizyo iha aha kumpeleela.

1 VaKolinti 11:3

Ileelo ishi, nkwanza mumanye kuuti itwe ilya mwanaavuli wonti wu Chilisiti, itwe ilya mwantanda mulume, lyope itwe ilya Chilisiti wu Mulungu.

VaGalati 4:4

Ileelo ahavhaliilizyo he hávhisiilwe lwe haafiha, uMulungu ahamusonteelezya uMwana waakwe mu nsi, ahavha muntu inza iswe, ahanda kulongolwa ni ndajizyo.

VaEfeso 1:22

UMulungu ahaamupa amaha aga kukonzya ivintu vwonti, nu kumuvhiiha mu shivhanza kuuti avhe mupiti ku vintu vwonti inza itwe mu muvhili,

VaEfeso 2:15

Indajizyo izya Vhayuuda zili ni nkomeelezyo inyinji, ileelo uChilisiti ázyefwizye. Ávhomvile isho, inga swe Vhayuuda niimwe mwe te mwe Vhayuuda tuvhe impuga yooka, kwi idala ilya kusopenkana nu weene. Isho vwe ávhomvile kutuvhiiha kuvha nu lwivwano.

VaEfeso 3:15

Uweene we vhwandilo uvhwa vhulanzi ku vipelwa vwonti ivwa ku mwanya na ku vhantu vhonti avha mu nsi.

VaEfeso 3:2

Nalyoli nkwitiha kuuti, mwivuuye kuuti uMulungu ambiisile kuvha ne muvhomvi waakwe uwa kulumbiilila uvhwila vhwakwe kuli imwe.

Kolosi 1:16

Kufumiilana nu weene, uMulungu ápezile ivintu vwonti, vwe vili ku mwanya na vwe vili pa nsi, vwe vikuloleha na vwe vitakuloleha, kwe kuuti impepo zye zikukonzya, poosye zye vhe vhamwene, poosye zye mpiti, poosye izya maha. UMulungu ápezile vwonti kufumiilana nu Mwana, havhili ku vhushindamu uvhwa Mwana uyo.

Kolosi 1:20

Havhili kwi idala ilya Mwana, uMulungu ahavikundanya ivipelwa vwonti nu weene, ivipelwa vwe vili pa nsi na vwe vili ku mwanya. Kwe kuuti ávhiisile uvhutehamu kutuushila amavhanda aga Mwana, ge gítisile pa shihovhenkanyo.

Kolosi 3:11

Kuli izyo, kutaliipo kusugaana ukwa Muyuuda na we te Muyuuda, kwe kuuti we atahiliilwe na we atatahiliilwe, poosye ukwa mujeni nu muhaaya, poosye ukwa muzya na we te muzya. Ileelo uChilisiti we alunjisiizye zyonti, havhili ali muhati iya vhonti.

VaHebuli 1:2

Ileelo insiku izi izya vhusililishilo, uMulungu ayanzile niiswe kutuushila kwa Mwana waakwe. Ámusavhuuye uMwana uyo kuuti we apwane ivintu vwonti, nu kutuushila ku kwakwe uMulungu ápezile imwanya ni nsi na vwonti vwe vili muumwo.

VaHebuli 11:40

UMulungu ávhomvile vhwevhulo, mwe pe ápezile alongoleeye kutusenganizanya inyinza nkaani, inga avheene vhatahaapelwe kuvha vhalunjisu ishisita iswe.

VaHebuli 9:10

Yeenya, imbaatiho izya vwakulya ni vwakumwela, ni zya kuyizelufwa ukwa mavhiila mu mavhiila, zitangaavwa naashimo umwoyo uwa muntu. Imbombo iya mbaatiho izyo yásizile lwe uMulungu aleeta imbaatiho impwa.

1 Peteli 1:20

UMulungu ámusavhuuye uChilisiti uyo kufuma ku vhwandilo lwe insi yishiili kupelwa, ileelo ahaguliilila kufishila insiku izi izya kumpeleela. Pe ahamulolesya apazelu ku vhantu vhonti ku zyinyu.

Ishitushizya 5:9

Vhahimba ulwimbo ulujeni vhahati, “Uhondeeye iwe kulinyatula ikalaata ilyo nu kuvunza ivilemezanyo vwakwe. Mwe pe wávholiilwe, na ku mavhanda gaaho uhamukalila uMulungu, avhantu kufuma mu nkolo zyonti na mu njango zyonti, havhili kufuma mu mpuga zyonti na mu nsi zyonti.