uTiiti 3:5 - ULufingwi uLupwa

⁵ ahatupoha. Te kuuti iswe twámile nu lujendo ulwinza, nkandi átuposile ku vhwila vhwakwe vhweleele. Átuposile kwi idala ilya kutuzelufwa uvhutalamalandu vhwitu nu kutupaapa shipwa nu kutuvhiiha shipwa kwi idala ilya Mupepo uMufinjile.

Tesitamenti Umupwa 1965

⁵ te mwe mumbombo zya vugolosu zye tuvomṿilʼiswe ndali, nkandi mulupepelezyo lwakwe ahatupoha nage minzi aga kwandulwa mumwo nalwe lwanduho lwʼakutwandulʼuMupepʼuMufunjile,

uTiiti 3:5 ပူးပေါင်းရင်းမြစ်များ

Matayi 3:11

“Nalyoli ine nkuvhoozya na minzi kulolesya kuuti mwatonta uvhutalamalandu vhwinyu. Ileelo akwinza mwisinda lyane we ali na maha kunduusya ine, we ine ntahondeeye poosye kuvha ne muvhomvi uwa kuvhuusya ivilyatu vwake. Uyo we kwe avhoozye nu Mupepo uMufinjile nu mwoto.

uLuuka 1:50

Akuvhafwila uvhwila avhantu avha manda gonti, vhonti vhe vhakumunyila.

uLuuka 1:54

Avhavwizye avhavhomvi vhaakwe aVhaisilayeeli. Akumbusile ulufingwi lwake ulwa kuvhafwila uvhwila,

uLuuka 1:72

Átili, alivhafwila uvhwila avhataata vhiitu, nu kulunjisya ulufingwi lwake ulufinjile.

uLuuka 1:78

mwe pe uMulungu wiitu ali nu vhwila nkaani ku kwitu. Ku vhwila uvhwo, uvhuzelu kufuma ku mwanya vhulituhozezya,

VaLoma 11:14

Nkusuuvhila kuuti, pamo vhaala vhe tuli amavhanda gooka, kwe vhavhalolele umwone imwe ku ziila zye uMulungu akuvhavhombela, inga vhamo muli vhuuvho vhapokwe.

VaLoma 11:6

Kuli izyo, mwe pe vhasavhuliilwe ku vhwila vhwa Mulungu, vhatakupokwa ku mbombo zye vhavhomvile. Mwe pe inga zyaamile mbombo zyavho zye vhavhomvile, pe uvhwila vhutangavha vhwila havhili.

VaLoma 12:2

Mutalandataje amaata ge vhakuvhomba avhantu avha mu nsi ino, nkandi uMulungu we agagalulanye amooyo giinyu, muvhe ni nsiivho impwa. Ipo pe kuuti mulumanye ulukasamo ulwa Mulungu kuli imwe, kwe kuuti ishintu she shinza, she shikumuhondezya, havhili she shilunjisu.

VaLoma 3:20

Yeenya, ataliipo umuntu we alivhaazilwa kuuti mugolosu pilongolela ilya Mulungu kwi idala ilya kulandata indajizyo vwe zikuyanga. Imbombo iya ndajizyo kwe kulolesya kuuti avhantu vhonti vhatalamalandu.

VaLoma 3:28

Ishi, tukulola kuuti uMulungu akumuvhaazya umuntu kuuti mugolosu kwi idala ilya kumwitiha uYeesu, te kwi idala ilya kulandata indajizyo izya Moose.

VaLoma 4:5

Ileelo umuntu we atakusuuvhila imbombo zyakwe, nkandi akumwitiha uMulungu we akumuvhaazya kuuti mugolosu, pooka nu kuuti te mugolosu, uyo we uMulungu akumuvhaazya kuuti mugolosu kulandatana nu lwitiho lwakwe.

VaLoma 9:11

Ileelo avhaana ivho she vhashiili kupaapwa, havhili she vhashiili kuvhomba ishintu shonti, shivhe shinza, poosye shivhiivhi, uMulungu ahamuvhuuzya uLebeka ahati, “Usongo alimuvhombela umwana.” Izi zikulolesya kuuti uMulungu akusaavhula umuntu kulandatana nu lukasamo ulwa Mulungu, yitakuvha kulandatana ni mbombo izya muntu uyo.

VaLoma 9:16

Kuli izyo, kusaavhula umuntu, uMulungu akumufwila uvhwila, atakusaavhula kulandatana nu kwanza ukwa muntu, poosye umute uwa muntu.

VaLoma 9:30

Ishi pe tuti vhuli? Kwe kuuti, avhantu vhe te Vhayuuda, poosye she vhatahalondolaga kuvhaazilwa nu Mulungu kuuti vhagolosu, ileelo ishi uMulungu avhavhaziizye kuuti vhagolosu kwi idala ilya lwitiho.

1 VaKolinti 6:11

Vhamo muli imwe vháali inza vhwevhulo. Ileelo ishi, uMulungu avhazelufwizye nu kuvhavhiiha kuvha mwe vhantu vhaakwe, nu kuvhavhaazya kuuti mwe vhagolosu pilongolela lyakwe, kwi izina ilya Mwene wiitu uYeesu Chilisiti na ku maha aga Mupepo uwa Mulungu wiitu.

VaGalati 2:16

Ileelo tumanyile kuuti, umuntu atakuvhaazilwa kuuti mugolosu kwi idala ilya kulandata indajizyo izya Moose, nkandi kwi idala ilya kumwitiha uYeesu Chilisiti. Niiswe twámwitisile, inga tuvhaazilwe kuuti twe vhagolosu, te kwi idala ilya kulandata indajizyo, nkandi kwi idala ilya kumwitiha uYeesu. Nkuyanga vhwevhulo, mwe pe ataliipo umuntu we akuvhaazilwa kuuti mugolosu kwi idala ilya kulandata indajizyo.

VaEfeso 2:4

Ileelo uMulungu ali nu vhwila nkaani ni shikunzi shaakwe shipiti,

VaEfeso 4:23

Havhili mwásambiliiye kuuti mugalulanye insiivho zyinyu zivhe impwa.

VaEfeso 5:26

Áyifumwizye kufwa, inga ashizelufwe ishivhanza, áshoziizye na minzi nu kushizelufwa kwi izwi lyakwe.

Kolosi 3:10

Muzwaye amooyo amapwa ge uMulungu akujendeelela kugapela kuvha mapwa, inga mwonjele kumumanya, mwe pe avhapezile kuuti muholane nawo.

2 Timoti 1:9

Uweene átuposile, ahatwita kuuti tuvhe twe vhantu vhaakwe avhafinjile. Uvhuposhi vhwitu uvhwo vhutakufumiilana ni mbombo zyitu, vhukufumiilana nu lukasamo ulwa Mulungu wuuyo ku vhwila vhwakwe. Uvhwila uvhwo vhwe átufwiliiye mwa Chilisiti uYeesu, lwe insi yishiili kupelwa.

uTiiti 3:4

Ileelo ku vhusililishilo, “UMulungu uMuposhi wiitu álolesiizye uvhwinza vhwakwe ni shikunzi,

VaHebuli 10:22

Kuli izyo, tusogolaje pilongolela ilya Mulungu na mooyo aminza ge nalyoli gakumwitiha, mwe pe uMulungu atuzelufwizye amooyo giitu amavhiivhi kwi idala ilya mavhanda aga Yeesu nu kugazelufwa amavhili giitu na minzi amazelu.

VaHebuli 4:16

Kuli izyo, tupalamile ku vhudandamazu pilongolela ilya Mulungu we ali nu vhwila, inga atuswile nu kutufwila uvhwila ahavhaliilizyo he tuli mu ntamwo.

VaHebuli 6:6

Ileelo vhalulesile ulwitiho lwavho! Litaliipo idala lyonti ilya kuvhagalusya, inga vhatonte havhili, mwe pe vhakumuhomeela pa shihovhenkanyo ulwa vhuvhili uMwana wa Mulungu nu kumusuupizya apazelu.

1 Peteli 1:3

Ashindikwaje uMulungu, uTaata uwa Mwene wiitu uYeesu Chilisiti, mwe pe ku vhwila vhwakwe uvhupiti kuli iswe, atupezile vhupwa kwi idala ilya kumuzyusya uYeesu Chilisiti. Ávhomvile vhwevhulo, inga tuvhe nu lusuuvhilo ulwa vhulanzi,

1 Peteli 2:10

Hali mutáamile mwe vhantu vha Mulungu, ileelo ishi mwavha mwe vhantu vhaakwe. Havhili mutáposheleeye uvhwila uvhwa Mulungu, ileelo ishi muposheleeye.

1 Peteli 3:21

Aminzi igo sháamile shiholanyo isha lwozyo ulwa havhaliilizyo iha, ulwa kuvhapoha imwe kwi idala ilya kuzyuha uYeesu Chilisiti. Kwozelwa te kwe kugeeza, inga uyeefwe intavu mu muvhili, nkandi lufingwi kwa Mulungu lwe lukuvhombeha ku mwoyo umwinza.