uTiiti 3:14 - ULufingwi uLupwa

¹⁴ Avhantu vhiitu vhasambililaje kuvhomba inyinza ahavhaliilizyo honti, inga vhavhavwaje avhantu avhanji ivintu vwe vhasovheliilwe. Ipo pe vhakuvha vhakuvhahondezya avhanji mu vhuyo vhwavho.

Tesitamenti Umupwa 1965

¹⁴ Avamwitu vonti vasambilile ukuyikungula kumbombʼinyinza ukuti vavanje naṿwo yimo lwe ṿikwanzilwa, vatavanje vagumba kunsangʼinyinza.

uTiiti 3:14 ပူးပေါင်းရင်းမြစ်များ

Matayi 21:19

Ahalilola ikwi ilya itiini pa luvhazu pi idala, ahapalamila papiipi, ahaaga litali na mantonongwa naagamo, lili na ge matundu geeka vhweleele. Pe ahalivhuuzya ikwi ilyo ahati, “Kufuma ileelo na shiima utahaahome amantonongwa naalumo!” Ikwi ilyo lihuuma panaapo.

Matayi 7:19

Ikwi lyonti lye litakuhoma amantonongwa aminza, likudibwa nu kusumbwa mu mwoto.

Yohani 15:16

Te mwemwe mwánsavhuuye ine, ine ne návhasavhuuye imwe kuvha mwe vhasundikwa vhaane. Návhasavhuuye, inga mupaapaje amantonongwa ge gatakusila naalumo. Pe zyonti zye mukumulaavha uTaata uMulungu kwi izina lyane, aliivhapa.

Yohani 15:8

Inga mukuhoma amantonongwa aminji, nu kuvha mwe vhasundikwa vhaane avha nalyoli, kwe mulolesyaje apazelu uvhushindamu uvhwa Taata waane.

iMbombo izya Vhatumwa 18:3

Avheene vhahavhombaga imbombo iya kusona amaheema, imbombo ye uPaavhuli woope ahavhombaga. Pe ahanda kutendama navho nu kuvhomba imbombo iyo pooka.

iMbombo izya Vhatumwa 20:35

Mu zyonti zye nkavhombaga, nkavhalolesyaga imwe kuuti, muvhombaje imbombo ku mute, mwe pe tukwanzilwa kuvhaavwa avhayeyevhazu. Tukumbuhaje amazwi ge uMwene uYeesu wuuyo áyanzile átili, ‘Vhuloote nkaani kufumwa kuluusya kuposheela.’”

VaLoma 12:13

Muvhavwaje avhafinjile ivintu vwe vhasovheliilwe, havhili muvhaposheelaje ahinza avhajeni mu nyumba zyinyu.

VaLoma 15:28

Lwe naamala imbombo iyo, iya kuuvhapa ivwa kuvhaavwa avhapiina ivho, pe ndituushila kuvhalola imwe lwe ndi mu vhulendo uvhwa kusogola ku Hisipaaniya.

VaEfeso 4:28

Umwivha aleshe kwivha, avhombaje imbombo ye nyinza, inga avwagaje ivintu ivwa kumwavwa uweene nu kuvhagavhila avhamwavho vhe vhasovheliilwe.

Filipi 1:11

Muvhavhombelaje inyinza avhamwinyu, kwi idala ilya Yeesu Chilisiti, kuzya kumushindiha nu kumutiima uMulungu.

Filipi 4:16

Poosye lwe náamile mu nkaaya iya Tesaloniiki ku Makedooniya, muhandetelaga ivwa kwavwa ulwinji.

Filipi 4:17

Te kuuti nkunyonywa kuposheela ivipeelwa ivwamwavho, nkandi kuuti muposheele uvhuloote ku mbombo yiinyu iya kufumwa.

Kolosi 1:10

Tukulaavha isho, inga muvhombaje zye zikulolesya uvhushindamu kwa Mwene uYeesu, havhili kwi idala lyonti muvhombaje zye zikumuhondezya uweene. Mufishile kuvhomba imbombo inyinza izya mavhiila mu mavhiila, nu kwonjela kumumanya uMulungu.

1 VaTesaloniki 2:9

Vhamwitu, mukukumbuha umute wiitu na mayimba giitu, tuhavhombaga uvhusiku nu musanya. Tuhavhombaga isho, kuuti inga lwe tukukumusya Izwi iLyinza ilya Mulungu tutahinze tumutamwe umuntu wonti kuli imwe.

2 VaTesaloniki 3:8

havhili tutahalyanga ishaakulya kwa muntu wonti ishisita kukala. Ileelo tuhavhombaga imbombo ku mute uvhusiku nu musanya, inga tutahamutamwe umuntu wonti kuli imwe.

uTiiti 2:8

Amazwi gaaho gavhanje ga nalyoli, inga ahavhaliilizyo he avhantu vhakulinga kuuti vhakudinde, vhapotwaje izwi ilya kukuliga, pe vhasupilaje.

uTiiti 3:8

Ilyo lizwi lya nalyoli. Nkwanza kuuti uhomelezyaje ku vhe vhakumwitiha uMulungu, kuuti vhayifumwaje nkaani kuvhomba imbombo inyinza, mwe pe amazwi igo minza, havhili gakuvhaavwa avhantu vhonti.

2 Peteli 1:8

Inga vwonti ivwo vwonjela kukula mu mooyo giinyu, vikuvhaavwa kumumanya uMwene wiitu uYeesu Chilisiti nu kuvhomba inyinza mu vhulanzi vhwinyu.