uTiiti 3:13 - ULufingwi uLupwa

¹³ Uvhombe ku mute wonti kuvhaavwa avha Apoolo nu Zeenaasi, ula we akuvhayanjila avhantu izya kuyipoha, inga vhatahasovhelwe ishintu naashimo lwe vhakushuula.

Tesitamenti Umupwa 1965

¹³ UZena umumanyankomelezyo nuApolo uvatule luvilo luvilo ukuvasogozya mwidala, ukuti ṿitahavasove naṿimo.

uTiiti 3:13 ပူးပေါင်းရင်းမြစ်များ

Matayi 22:35

Wumo mu Vhafalisaayi ivho we áamile musambiilizi uwa ndajizyo, ahamuvhuziilizya uYeesu kumutega ahati,

uLuuka 10:25

Isiku limo, umusambiilizi wumo uwa ndajizyo ásogooye kwa Yeesu. Umusambiilizi uyo ahanzaga kumulinga uYeesu, pe ahamuvhuziilizya ahati, “We Musambiilizi, imbombe ishooni, inga nkaposheele uvhulanzi uvhwa shiima?”

uLuuka 11:45

Umusambiilizi wumo uwa ndajizyo ahamuvhuuzya uYeesu ahati, “Musambiilizi, lwe ukuyanga izyo, ukutuyanga havhiivhi niiswe swe vhasambiilizi avha ndajizyo.”

uLuuka 11:52

“Mwasheela imwe mwe vhasambiilizi avha ndajizyo, mwe pe mudinzite idala ilya vhantu kumumanya uMulungu. Niimwe mweneemwe mutamumanyile, havhili muvhadindiiye vhe vhakwanza kumumanya.”

uLuuka 14:3

Pe uYeesu ahavhavhuziilizya aVhafalisaayi na vhasambiilizi avha ndajizyo ahati, “Vhuli, indajizyo izya Moose zikwitishila kuponia avhantu pi isiku ilya Sabaato?”

uLuuka 7:30

Ileelo aVhafalisaayi na vhasambiilizi avha ndajizyo vháhaanile ulukasamo ulwa Mulungu ku kwavho, mwe pe vhatózeliilwe nu Yoohani.

iMbombo izya Vhatumwa 15:3

Pe avhantu ivho avha shivhanza isha ku Antiyookiya vhahamusonteelezya uPaavhuli na vhamwavho. Vhoope vhahatuuha mu nsi iya Foyiniikesi ni ya Samaliya. Umwo vhahavhavhuzyaga avhiitisi vwe vhoope vhe te Vhayuuda vhámwitisile uYeesu. Avhiitisi vhonti lwe vhiivwa inongwa izyo, vhahaseshela nkaani.

iMbombo izya Vhatumwa 18:24

Ahavhaliilizyo iho, uMuyuuda wumo, we izina lyakwe vhahatinji uApoolo ahafiha mu Hefeeso. Uyo ápafwilwe mu nkaaya iya Alekizandiliya, áamile mumanyi nkaani kuyanga, havhili ámanyile nkaani uVhusimbe uVhufinjile.

iMbombo izya Vhatumwa 19:1

Ahavhaliilizyo he uApoolo áali mu nsi iya Akaaya, mu nkaaya iya Kolinto, uPaavhuli ahashuula kutuushila kulutala mu shigavho isha nsi isha Aasiya, ahafiha mu nkaaya iya Hefeeso. Lwe ali mu Hefeeso, ahahomaana na vhalandati vhamo avha Mwene uYeesu.

iMbombo izya Vhatumwa 21:5

Ileelo lwe ahavhaliilizyo iho haasila, tuheepa. Avhalandati ivho, pooka na vhashi vhaavho na vhaana vhaavho, vhahatusindishila kunzi ku nkaaya, vhahatufisya pa luvhazu pa sumbi. Ipo tuhasugamila tuhamulaavha uMulungu.

iMbombo izya Vhatumwa 28:10

Avhantu avha paala vhahatushindiha nkaani. Lwe tukuyisengaanya kwepa ni meeli iyinji, vhahatupashiilila ivintu vwonti vwe twásovheliilwe.

VaLoma 15:24

Nkusuuvhila kwinza kuvhalola, lwe nkutuuha kusogola ku Hisipaaniya. Havhili nkusuuvhila kuposheela kuli imwe ivwa kunaavwa kujendeelela nu vhulendo uvhwa kusogola ku Hisipaaniya, lwe natendama nu kuseshela pooka niimwe ku havhaliilizyo hansi.

1 VaKolinti 16:11

Ishi, umuntu wonti atahamusuufwe, nkandi mumwavwe ayeepe ukwo ku vhutehamu, inga ayinze kuli ine, mwe pe ine nkumuguliilila pooka na vhamwitu.

1 VaKolinti 16:12

Ishi kuzya wamwitu uApoolo, imulambiliziizye nkaani kuuti ayinze kuli imwe pooka na vhiitisi avhanji. Ileelo uweene atakasiime kwinza ishi, aliyinza lwe ahaaga ahavhaliilizyo.