uTiiti 3:1 - ULufingwi uLupwa

¹ Uvhakumbusyaje avhantu kuuti vhayisyaje ku vha maha na vhapiti avha nsi nu kuvhashindiha. Vhavhanje vhayisengiinye kuvhomba imbombo zyonti inyinza.

Tesitamenti Umupwa 1965

¹ Uvakumbusyaje vakonzaje nakuvahatansi nakuvamwene, vavasajile, vengupaje mumbombʼinyinza zyonti.

uTiiti 3:1 ပူးပေါင်းရင်းမြစ်များ

Matayi 22:21

Vhahamwamula vhahati, “Vwa Kayisaali.” Pe uYeesu ahavhavhuuzya ahati, “Ishi ivwa Kayisaali mumupanje uKayisaali, vwope ivwa Mulungu mumupanje uMulungu.”

1 VaKolinti 15:58

Ishi vhamwitu vhankundwa, musimpaje, mutavunzihaje umwoyo mu lwitiho. Insiku zyonti, mukanyilaje kuvhomba imbombo iya Mwene uYeesu, mwe pe mumanyile kuuti, imbombo ye mukuvhomba mwa Mwene, mutakuyimba vhweleele.

VaEfeso 2:10

Iswe swe vipelwa ivipwa ivwa Mulungu. Uweene atupezile vhupwa kwi idala ilya kusopenkana nu Chilisiti uYeesu, inga tuvhombe imbombo inyinza. Imbombo izyo uMulungu ázisengiinye kufuma hali, inga iswe tuzivhombaje.

Filipi 1:11

Muvhavhombelaje inyinza avhamwinyu, kwi idala ilya Yeesu Chilisiti, kuzya kumushindiha nu kumutiima uMulungu.

Kolosi 1:10

Tukulaavha isho, inga muvhombaje zye zikulolesya uvhushindamu kwa Mwene uYeesu, havhili kwi idala lyonti muvhombaje zye zikumuhondezya uweene. Mufishile kuvhomba imbombo inyinza izya mavhiila mu mavhiila, nu kwonjela kumumanya uMulungu.

1 Timoti 2:2

Muvhalavhilaje avhamwene na vhalongozi avhanji vhonti, inga tulandilaje ku vhutehamu, lwe tukuvha nu lujendo ulwinza nu kuvhomba zye zihondeeye pilongolela ilya Mulungu.

1 Timoti 4:6

Uvhavhuzyaje avhamwitu izyo, pe kwe uvhe we muvhomvi umwinza uwa Chilisiti uYeesu, havhili we usunjiliilwe ahinza mu vhwanalyoli uvhwa lwitiho ni nsambiilizyo inyinza izyo zye ukuzilandata.

1 Timoti 5:10

Avhanje amanyisile kuuti avhombaga imbombo inyinza, inza kusunga avhaana vhaakwe ahinza nu kuposheela avhajeni nu kuvhaavwa avhafinjile ku vhutonsu nu kuvhaavwa vhe vhali mu mayimba nu kuyifumwa ku mbombo izinji zyonti inyinza.

2 Timoti 1:6

Kwi izwi ilyo nkukukumbusya kuuti usonshelezyaje ishikunjilwa isho she uMulungu ákupiiye, ahavhaliilizyo he nákuvhishiiye inyoovhe.

2 Timoti 2:14

Uvhakumbusyaje avhantu izyo nu kuvhasoha pilongolela ilya Mulungu, inga vhaleshe kudalinkana ku mazwi ge gatakwanzilwa. Amadali igo gatali nu vhwinza naavhumo, gakuvhananganya vhweleele vhe vhakutejeelezya.

2 Timoti 2:21

Vhwevhulo, inga umuntu akuyizelufwa mu vhutalamalandu uvhwo vhwonti, kwe avhe shiliilo she uwa nyumba kwe ashivhombele mu mbombo izya mushinzi. Kwe avhe asavhuliilwe nu Mwene uYeesu, havhili kwe avhe nu vhwinza ku kwakwe uvhwa kuvhomba imbombo zyonti inyinza zye zikwanzilwa.

uTiiti 1:16

Vhakupemula kuuti vhamumanyile uMulungu, ileelo vhakumuhaana mu lujendo lwavho. Vhakumuviisya, havhili vhasambusu, vhatahondeeye poosye na ku mbombo inyinza zyonti.

uTiiti 2:14

UYeesu we áyifumwizye ku zyitu, inga atutavhule kufuma mu vhutalamalandu vhwonti nu kutuzelufwa tuvhe swe vhantu vhaakwe vhe vhakuyifumwa ku mute kuvhomba inyinza.

uTiiti 3:14

Avhantu vhiitu vhasambililaje kuvhomba inyinza ahavhaliilizyo honti, inga vhavhavwaje avhantu avhanji ivintu vwe vhasovheliilwe. Ipo pe vhakuvha vhakuvhahondezya avhanji mu vhuyo vhwavho.

uTiiti 3:8

Ilyo lizwi lya nalyoli. Nkwanza kuuti uhomelezyaje ku vhe vhakumwitiha uMulungu, kuuti vhayifumwaje nkaani kuvhomba imbombo inyinza, mwe pe amazwi igo minza, havhili gakuvhaavwa avhantu vhonti.

VaHebuli 13:21

Havhili uMulungu ajendeelele kuuvhapa amaha aga kuvhomba zye uweene akasiime, avhombe mu mooyo giinyu kwi idala ilya Yeesu Chilisiti zye zikuhondela pilongolela lyakwe. Uweene ashindikwaje shiima shiima! Amina.

2 Peteli 1:12

Pe ishi, kwe njendeelele kuvhakumbusya zyonti izyo shiima, poosye she mumanyile nu kusimpa mu vhwanalyoli vhwe mwáposheleeye.

uYuuda 1:5

Ishi, pooka nu kuuti mumanyile, nkwanza imbakumbusye kuuti uMWENE uMulungu lwe avhapoha aVhaisilayeeli kufuma mu nsi iya Miisili, pisinda ahavhalovwa vhaala vhe vhatáali nu lwitiho.