uTiiti 2:3 - ULufingwi uLupwa

³ Vhoope avhantanda avhagoosi, uvhasambilizyaje kuuti vhavhanje nu lujendo ulugolosu. Vhatavhanje vhakwakwa, poosye kuvha vhe vhashimwela, nkandi vhavhanje vhantu vhe vhakusambiilizya inyinza,

Tesitamenti Umupwa 1965

³ Vope navantanda avasongo vavanje vafinjile mulujendo, vatavanje vakwalanzi, vatavanje vazya va kungʼwelʼipele ilyinji, nkandi vavanje vasambilizi va nyinza,

uTiiti 2:3 ပူးပေါင်းရင်းမြစ်များ

VaLoma 1:29

Vhahavha nu vhuvhiivhi uvhwa mavhiila mu mavhiila, vhahavha nu lupapilo nu mulaha. Havhili vhahiizula umwone nu vhugozi ni ivho. Vhahavha vhantu vhe vhakuhopenkanya. Vhali nu vhulumaluma ni isuufwo ni iyevho

VaLoma 16:2

Nkulaavha mumuposheele ahinza, mwe pe mwitisi uwa Mwene uYeesu. Kuposheela avhantu inza vhwevhulo vwe yikwanzilwa ku vhafinjile. Havhili mumwavwe shonti she asovheliilwe, mwe pe woope avhavwizye avhantu avhinji nkaani, niine vhuulo anavwizye.

VaEfeso 5:3

Vhatavhatahaje ku nongwa izya vhulugusu nu vhuvhembu vhwonti, poosye kupapila ivintu, mwe pe inongwa izyo zitakwanzilwa kuvhombwa na vhafinjile.

1 Timoti 3:11

Vhwevhulo, avhashi vhaavho, vhoope vhakwanzilwa kuuti avhantu vhavhashindihaje. Vhatavhanje vhakwakwa, nkandi vhayikonzyaje nu kuvha vhatungamu ku zyonti.

1 Timoti 3:8

Vhwevhulo, avhatuuli avha shivhanza vhakwanzilwa kuuti avhantu vhavhashindihaje. Vhatavhanje ni ilenga, havhili vhatavhanje vhe vhashimwela, poosye kuvha vhapapizi avha mpiiya.

1 Timoti 5:23

Kwandila ishi, utamwelaje ge minzi vhweleele, umwelaje ni divaayi nyinsi, mwe pe uli nu vhuvhinu uvhwa muhati, na mavhinu aganji gakukugalushila vhwila vhwila.

uTiiti 1:7

Mwe pe umwimiilizi akuyimililila imbombo iya Mulungu, akwanzilwa kuuti avhanje muntu we atakukwinkwinwa naashimo. Atakwanzilwa kuuti avhanje muntu we akuyitumvwa, poosye we ali nu mulaha, poosye we wu shimwela, poosye we wa ivho. Havhili atakwanzilwa kuuti avhanje nu lupapilo ulwa mpiiya.

uTiiti 2:4

inga vhavhasambilizyaje avhantanda avhalindu, kuuti vhavhakundaje avhalume vhaavho na vhaana vhaavho.

VaHebuli 5:12

Ahavhaliilizyo iha imwe mwaanziliilwe kuvha mwe vhasambiilizi ku vhamwinyu, ileelo imwe muli she mukwanza umuntu uwa kuvhasambiilizya insambiilizyo izya ku vhwandilo izya izwi ilya Mulungu. Muli inza avhaana avhacheeche vhe vhakwonka, vhakupootwa kulya ishaakulya ishigomu.

Ishitushizya 2:20

Ileelo indi ni izwi niiwe: Ukumujimbiilila umwantanda ula uYezebeeli. Uweene akuyitaha kuuti mukuvhwi, ileelo te muumwo. Akuvhasambiilizya avhavhomvi vhaane nu kuvhapuvwa, kuuti vhavhembuhaje nu kulya impuutile zye vhafumwizye ku viholanyo.