uTiiti 2:15 - ULufingwi uLupwa

¹⁵ Amazwi iga ge uvhasambilizyaje avhantu. Uvhagomwaje amooyo nu kuvhasoha ku vhudandamazu. Utahiitishe kuuti pavhe umuntu wonti uwa kukusuufwa.

Tesitamenti Umupwa 1965

¹⁵ Zyʼuyangaje zinizi nukuvayinzya nukuvamenelezya namaha gonti. Numo atakupupusyaje.

uTiiti 2:15 ပူးပေါင်းရင်းမြစ်များ

Matayi 7:29

mwe pe ahasambilizyaga ngati muntu we ali na maha, atahasambilizyaga ngati vhasambiilizi vhaavho avha ndajizyo izya Moose.

Maliko 1:22

Avhantu vhahasukumila nkaani insambiilizyo zyakwe, mwe pe ahasambilizyaga ngati muntu we ali na maha, atahasambilizyaga ngati vhasambiilizi vhaavho avha ndajizyo izya Moose.

Maliko 1:27

Vhonti vhahasukumila nkaani nu kuvhuzilizanya kuuti, “Nsambiilizyo vhuli injeni izi, havhili izya maha? Umuntu uno ali na maha amapiti, mwe pe kwi izwi akuzipilila impepo inkandamanu, zyope zikumushindiha!”

uLuuka 4:36

Avhantu vhonti vhahasukumila nkaani, vhahapanzanyaaga vheeka vhahatinji, “Izi zya kusukumizya nkaani! Umuntu uno akuzipilila impepo inkandamanu ku maha, zyope zikufuma!”

1 VaKolinti 16:11

Ishi, umuntu wonti atahamusuufwe, nkandi mumwavwe ayeepe ukwo ku vhutehamu, inga ayinze kuli ine, mwe pe ine nkumuguliilila pooka na vhamwitu.

1 Timoti 5:20

Avhasongo vhe vhakuvhomba uvhutalamalandu, uvhapililaje pilongolela ilya vhantu vhonti, inga avhanji vhogopaje kuvhomba.

2 Timoti 4:2

Uvhakumusizyaje avhantu izwi ilya Mulungu, yivhe kwe ku havhaliilizyo he hahondeeye, poosye he hatahondeeye. Havhili uvhasohaje nu kuvhapilila nu kuvhagomwa amooyo nu kuvhasambiilizya vhujimbiilizu vhwonti.

uTiiti 1:13

Amazwi igo ge gáyanziilwe ku zyavho ga nalyoli. Kuli izyo, uvhapilile nkaani, inga vhagome mu lwitiho.

1 Peteli 4:11

We ali ni shikunjilwa isha kulumbiilila, alumbililaje mu vhwanalyoli uvhwa Mulungu. We ali ni shikunjilwa isha vhuvhomvi, avhavhombelaje avhamwavho ku maha ge uMulungu amupiiye. Kwi idala ilyo, uMulungu kwe avhanje akutiimwa ku zyonti kutuushila kwa Yeesu Chilisiti we ali nu vhushindamu na maha shiima shiima. Amina.