uTiiti 2:12 - ULufingwi uLupwa

¹² Uvhwila uvhwo vhukutusambiilizya kuzihaana zyonti zye te zya Mulungu ni mpapilo izya mu nsi. Pe lwe tukutendama ahavhaliilizyo iha, tukuvha twe vhantu twe tukuyikonzya nu kuvha twe vhagolosu nu kuvhomba inyinza pilongolela ilya Mulungu.

Tesitamenti Umupwa 1965

¹² vukutusunda ukuti tuvuhanaje uvusitakumunyiluMulungu niṿipapilo ṿwa munsi, tulandilaje mumanda ga shinishi mumushinzi namuvugolosu namuvunyilaMulungu,

uTiiti 2:12 ပူးပေါင်းရင်းမြစ်များ

Matayi 12:32

Havhili, inga umuntu anjanjila amazwi amavhiivhi ine ne Mwana wa Aadamu, aliswilwa. Ileelo inga amuyanjila amazwi amavhiivhi uMupepo uMufinjile, te ahaswilwe ahavhaliilizyo iha, poosye he hakwinza.”

Matayi 16:24

Pe uYeesu ahavhavhuuzya avhasundikwa vhaakwe ahati, “Umuntu wonti we akwanza kundandata ine, yikwanzilwa ayihaane wuuyo weeka, ayikungulaje kundandata insiku zyonti, poosye nu kufwa.

Matayi 28:20

nu kuvhasambiilizya kulandata zyonti zye mbalajiziizye imwe. Niine kwe mbe pooka niimwe amanda gonti, kufishila ku vhusililishilo uvhwa nsi.”

uLuuka 1:6

UZakaliya nu mushi vháamile vhagolosu pilongolela ilya Mulungu, vhahazilemaga ahinza indajizyo zyonti izya Mulungu ishisita ulukwinkwino.

uLuuka 1:75

Tuvhe swe vhafinjile, havhili swe vha nalyoli insiku zyonti zye tukulandila.

Yohani 14:30

Te njanje niimwe ahavhaliilizyo ahatali, mwe pe umupiti uwa nsi, kwe kuuti uSeetano akwinza, ileelo atali na maha kuli ine.

Yohani 6:25

Lwe avhantu ivho vhamwaga uYeesu kwi isyila ilya sumbi uwa Galilaaya, vhahamuvhuziilizya vhahati, “We Musambiilizi, uyinzile havhaliilizyo vhuli uku?”

iMbombo izya Vhatumwa 24:16

Kuli izyo, nkuyikungula kuvha nu mwoyo umuzelu insiku zyonti, inga ntahaavhe nu lukwinkwino pilongolela ilya Mulungu na pilongolela ilya vhantu.

iMbombo izya Vhatumwa 24:25

Ileelo lwe uPaavhuli akujendeelela kuyanga izya vhugolosu nu kuyikonzya ni zya isiku ilya vhulonzi vhwe vhukwinza, uFeeliki ahoogopa, ahati, “Ishi sogolaaga, kwe nkwite havhili inga navha na havhaliilizyo.”

VaLoma 12:2

Mutalandataje amaata ge vhakuvhomba avhantu avha mu nsi ino, nkandi uMulungu we agagalulanye amooyo giinyu, muvhe ni nsiivho impwa. Ipo pe kuuti mulumanye ulukasamo ulwa Mulungu kuli imwe, kwe kuuti ishintu she shinza, she shikumuhondezya, havhili she shilunjisu.

VaLoma 6:12

Pe ishi, mutahaaleshe uvhutalamalandu vhugakonzye amavhili giinyu ge gakufwa. Inga mwaleha vhwagakonzya, vhulivhapelela kulandata impapilo imbiivhi izya mavhili giinyu.

VaLoma 6:19

(Nayanjila mu shiholanyo ishi isha vhuzya, inga mumanye zye zikuyangwa, mwe pe imwe mwe vhayeyevhazu kufumiilana nu vhuntu vhwinyu uvhwa vhutalamalandu.) Lwe mwáshiili kumumanya uYeesu, muhavifumwaga ivipelwa ivwa mu mavhili giinyu kuuti vivhombaje imbombo iya vhuvhembu nu kwonjezya kuvhomba uvhutalamalandu uvhwamwavho. Ileelo ishi, mwe pe mumumanyile, muyifumwaje ivipelwa ivwa mu mavhili giinyu kuvhomba imbombo ingolosu, inga muvhe mwe vhazya vha Mulungu, pe woope avhazelufwe.

VaLoma 8:13

Yeenya, inga mukulongolwa nu vhuntu uvhwa vhutalamalandu mu vhulanzi vhwinyu, muliifwa, ileelo inga mukuleha kuzilandata imbombo izya vhuntu uvhwa vhutalamalandu ku maha aga Mupepo uMufinjile, muliyiima mwe vhalanzi.

2 VaKolinti 1:12

Ishi iswe tukuyitumvwa kuli ili: Tukuyilola mu mooyo giitu kuuti mu nsi umu, inkaani kuli imwe, twálandiiye ku vhugolosu, havhili na ku mwoyo umuzelu kufuma kwa Mulungu. Tutávhomvile vhwevhulo ku vhushindamu vhwitu uvhwa njeele, nkandi ku vhwila uvhwa Mulungu.

2 VaKolinti 7:1

Ishi vhankundwa, mwe pe uMulungu afinzile kuutupa izyo zyonti, tuyizelufwe mu zyonti zye zikutuvhiiha kuvha twe vhahandamanu amavhili na mooyo giitu. Tuvhanje twe vhafinjile kwi idala ilya kumunyila uMulungu.

VaGalati 1:4

UChilisiti áyifumwizye kufwa kuzya kwefwa uvhutalamalandu vhwitu, inga atuposhe kufuma mu mbiivhi zyonti izya mu nsi iya havhaliilizyo iha, inza vwe ákasiime uTaata wiitu uMulungu.

VaGalati 5:24

Avhantu vhe vhali mwa Chilisiti uYeesu, vhavhuhomeleeye pa shihovhenkanyo uvhuntu vhwavho uvhwa vhutalamalandu pooka ni nsiivho zyakwe imbiivhi ni mpapilo.

VaEfeso 1:4

Lwe uMulungu ashiili kupela insi, átusavhuuye kuuti tuvhe swe vhantu vhaakwe kwi idala ilya kusopenkana kwitu nu Chilisiti. Ávhomvile vhwevhulo, inga tuvhe swe vhafinjile ishisita ulukwinkwino pilongolela lyakwe. Mwe pe átukunzite,

VaEfeso 2:2

Muhalandataga ulujendo uluvhiivhi inza avhantu avhanji avha mu nsi umu. Havhili muhamushindihaga uMwene uMuvhiivhi, uweene we akuzikonzya impepo inkandamanu kumwanya, na havhaliilizyo iha akuvhomba imbombo muhati izya vhantu vhe vhasambusile kwa Mulungu.

Kolosi 1:22

Ileelo ishi, uMulungu avhakundiinye nu weene kwi idala ilya muvhili uwa Chilisiti, kwe kuuti kufwa kwakwe. Avhomvile vhwevhulo inga avhaleete pilongolela lyakwe she mwe vhafinjile, ishisita amabada poosye ulukwinkwino.

1 VaTesaloniki 4:7

UMulungu atahatwita kuvhomba uvhuvhembu, nkandi kuuti tutendamaje mu vhufinjile.

1 VaTesaloniki 4:9

Ishi, yitakwanzilwa kuuti tuvhasimbile imwe inongwa izya kukundana, mwe pe uMulungu wuuyo avhasambiliziizye vwe yikwanzilwa kukundana.

1 Timoti 4:12

Atahaavhe umuntu uwa kukusuufwa, mwe pe we mujaaha, nkandi uvhe we shiholanyo ishinza ku vhiitisi, mu hayanjile haaho na mu lujendo lwaho na mu shikunzi shaaho na mu lwitiho lwaho na ku mwoyo waaho umugolosu.

1 Timoti 6:17

Uvhalajizye avhadumbwe mu nsi umu kuuti vhatayitumvwaje, nu kuuti vhatavhiihaje ulusuuvhilo lwavho mu vintu vwe vhali navwo, mwe pe ivwa mu nsi umu vikuvha vwavho ku havhaliilizyo hansi vhweleele. Uvhasohaje kuuti vhavhiihaje ulusuuvhilo lwavho kwa Mulungu, we akuutupa ivintu vwonti ku vhwinji, inga tuvhanje nu luseshelo.

1 Timoti 6:9

Ileelo avhantu vhe vhakwanza kulonka ivwuma kuvha vhe vhadumbwe, vhakuyinjizya mu ndingo nu kulemwa mwi ilivha na mu mpapilo inyinji izya kuvwalazya. Impapilo izyo zikuvhakwesela mu vhunanjisu, vhakusilila umwo.

2 Timoti 3:12

Nalyoli, vhonti vhe vhakwanza kuvha nu lujendo ulwinza pilongolela ilya Mulungu mwa Chilisiti uYeesu, vhoope kwe vhayimbaje.

2 Timoti 4:10

UDeema andesile, mwe pe akuzisungwa izya mu nsi, asogooye mu nkaaya iya Tesaloniiki. UKileesike asogooye mu shigavho isha nsi isha Galaatiya nu Tiiti asogooye mu shigavho isha nsi isha Dalimatiya.

uTiiti 3:3

Ahavhaliilizyo he hátuusile niiswe vhweleele twámile swe vhapukupuuku, havhili tutáamile nu mushinzi. Inza vwe twáhopeliilwe, tuhalemwaga ni mpapilo izya mavhiila mu mavhiila. Tuhavitilanaga nu kulolelana umwone, havhili tuhapatwaga nu kuvhapata avhanji.

VaHebuli 8:11

Te ahaavhe umuntu wonti we alimusambilizyaga uwamwavho, poosye we alimusambilizyaga umujenzi waakwe kuuti, ‘Mumanye uMWENE uMulungu.’ Avhantu vhonti kufuma umunsi kufishila usongo, vhaliimanya ine.

Yakobu 1:27

Imbombo zye zikumuhondezya uMulungu uTaata zye zino: kuvhaavwa avhantaagwa na vhaziishe mu mayimba gaavho nu kuyidinda kuuti izya mu nsi zitahakuhandamanie.

2 Peteli 2:9

Kuli izyo, uMWENE uMulungu amanyile kuvhapoha avhantu vhe vhakumushindiha kufuma mu ndingo zyavho. Havhili amanyile vwe aliivhapa isunde avhavhiivhi isiku liila ilya kuvhalonga.

2 Peteli 3:11

Mwe pe uMulungu alivinanganya ivintu vwonti kwi idala ilyo, vhuli, imwe mukwanzilwa kuvha mwe vhantu vhe vhali inza vhuli? Mukwanzilwa kulandila mu vhufinjile nu kuvha nu lujendo ulwinza pilongolela ilya Mulungu,

1 Yohani 2:27

Yeenya, imwe, uChilisiti avhapiiye uMupepo uMufinjile, we akutendama muhati yiinyu. Uyo we akuvhasambiilizya zyonti, havhili insambiilizyo zyakwe zya nalyoli, te zya ilenga. Pe ishi, yitakwanzilwa kuuti umuntu uwunji avhasambiilizye. Inza vwe uMupepo avhasambiliziizye, ishi mujendeelele kuvha nu vhuliilani nu Chilisiti.

1 Yohani 2:6

Umuntu we akuti ali nu vhuliilani nu Mulungu, akwanzilwa kuuti alandilaje inza vwe uYeesu ahalandilaga.

1 Yohani 5:19

Tumanyile kuuti, iswe swe vhaana vha Mulungu, nu kuuti, avhantu avhanji vhonti, vhe vhatakumushindiha uMulungu, uMuvhiivhi ula akuvhakonzya.

uYuuda 1:18

Vhátili, “Amanda aga kumpeleela, kuliivha avhantu vhe vhakujevhula nu kuzilandata impapilo zyavho izya vhupuvi.”

Ishitushizya 14:12

Kuli izyo, pe yikwanzilwa avhafinjile, avhantu vhaala vhe vhakuzilandata indajizyo izya Mulungu nu kumwitiha uYeesu, vhavhe nu vhujimbiilizu.