uTiiti 2:11 - ULufingwi uLupwa

¹¹ Uvhasambilizyaje izyo, mwe pe uMulungu alolesiizye uvhwila uvhwa vhuposhi vhwakwe ku vhantu vhonti.

Tesitamenti Umupwa 1965

¹¹ Shʼuvwila vwa Mulungu vwe vukuvaletelʼavantu vonti uvuposhi vulolesile,

uTiiti 2:11 ပူးပေါင်းရင်းမြစ်များ

Matayi 28:19

Ishi musogole ku vhantu avha mu nsi zyonti nu kuvhapela kuvha vhasundikwa vhaane. Muvhombaje isho, kwi idala ilya kuvhoozya kwi izina ilya Taata ni lya Mwana ni lya Mupepo uMufinjile,

Maliko 16:15

UYeesu ahavhavhuuzya ahati, “Musogole mu nsi yonti, mukumusye Izwi iLyinza ku vhantu vhonti.

uLuuka 24:47

Havhili kwi izina lyakwe, avhantu avha mu nsi zyonti, kwandila ku Yelusaleemu, vhalivhakumusizya kuuti vhatontaje imbiivhi zyavho, inga uMulungu avhaswile.

uLuuka 3:6

Pe avhantu vhonti vhalivhulola uvhuposhi uvhwa Mulungu.’”

Yohani 1:14

UIzwi uyo áyinzile avha muntu, ahatendama pooka niiswe. Tuhavhulola uvhushindamu vhwakwe, uvhushindamu vhwe vhukulolesya kuuti Mwana imozi we afumile kwa Taata, ali nu vhwila nu vhwanalyoli nkaani.

Yohani 1:9

Uvhuzelu uvhwo vhwáli vhwa nalyoli, vhuhinza mu nsi umu nu kuvhahozezya avhantu vhonti.

iMbombo izya Vhatumwa 11:23

Lwe aafiha ukwo, ahalola vwe uMulungu avhaloosite avhantu ivho, ahaseshela nkaani. Ahavhalambiilizya vhonti kuuti, vhajendelelaje kuvha vhatungamu kwa Mwene uYeesu ku mwoyo wonti.

iMbombo izya Vhatumwa 13:43

Lwe avhantu vhasogola kuhaaya, aVhayuuda avhinji, pooka na vhantu vhe te Vhayuuda ileelo vhínjiiye mu shipuuto isha Vhuyuuda, vhahavhalandata avha Paavhuli nu Balinaaba. Avhatumwa vhavhili ivho vhahayangaga navho kuvhagomwa amooyo, kuuti vhajendelelaje kusuuvhila uvhwila uvhwa Mulungu.

iMbombo izya Vhatumwa 13:47

mwe pe uMwene uYeesu átulajiziizye átili, ‘Nkuvhiisile kuvha we vhuzelu ku vhantu vhe te Vhayuuda, inga uvhatwalile uvhuposhi kufishila mwe insi yihasilila.’”

iMbombo izya Vhatumwa 17:30

Amanda aga hali, ge avhantu vhahavhombaga uvhupukupuuku uvhwo, uMulungu áyivhiisile fwe atahalolaga. Ileelo ishi akuvhalajizya avhantu vhonti kwonti kuuti vhapindushe.

iMbombo izya Vhatumwa 20:24

Ileelo ntakusaajila uvhulanzi vhwane kuuti vhwa nsavho kuli ine. Nkwanza kuuti imale ulwaji ni mbombo ye uMwene uYeesu ampiiye, kuuti ndumbiilile Izwi iLyinza ilya vhwila uvhwa Mulungu.

VaLoma 10:18

Poosye vhwevhulo, nkuvhuziilizya kuuti, vhuli, aVhaisilayeeli vhatívuuye? Nalyoli vhívuuye, mwe pe uVhusimbe uVhufinjile vhukuti, “Izwi lyavho lyívwisile mu nsi zyonti, na mazwi gaavho gáfisile ku vhusililishilo uvhwa nsi.”

VaLoma 5:15

Ileelo uvhutalamalandu vhwe vhwínzile kwi idala ilya Aadamu, shintu shinsi nkaani inga walingaanya nu vhwila uvhwa Mulungu vhwe vhwínzile kwi idala ilya Yeesu Chilisiti. Yeenya, umuntu wooka uAadamu ávhaziizye avhantu avhinji kufwa kufumiilana nu vhutalamalandu vhwakwe. Ileelo umuntu wooka uYeesu Chilisiti, akuuvhapa avhantu avhinji uvhwila uvhwa kuswilwa uvhutalamalandu vhwavho nu kuposheela uvhulanzi.

VaLoma 5:2

Kwi idala ilya kumwitiha uYeesu, uMulungu átufwiliiye uvhwila, havhili poosye ishi atufwiliiye uvhwila. Ipo tukuseshela nkaani, mwe pe tukusuuvhila kuuti tuliivha pooka nu Mulungu mu vhutendamo vhwakwe uvhushindamu.

2 VaKolinti 6:1

Ishi, mwe pe tukuvhomba imbombo pooka nu Mulungu, tukuvhalambiilizya kuuti uvhwila uvhwa Mulungu vhwe muposheleeye, mutahaaleshe vhuteeje vhweleele.

VaGalati 2:21

Ntakwanza kuvhuhaana uvhwila uvhwa Mulungu. Yeenya, inga umuntu angavhaazilwa kuuti mugolosu kwi idala ilya kuzilandata indajizyo izya Moose, pe uChilisiti áfuuye vhweleele!

VaEfeso 2:5

ahaatupa uvhulanzi pooka nu Chilisiti. Ávhomvile vhwevhulo, lwe twámile swe vhafwe, mwe pe twámile swe vhatalamalandu. Kwe ku vhwila vhwakwe, uMulungu avhaposile.

VaEfeso 2:8

Kwe ku vhwila vhwakwe uMulungu avhaposile kwi idala ilya kumwitiha uChilisiti. Nalyoli, uvhuposhi uvhwo vhutakufumiilana niimwe, shipeelwa isha vhweleele kufuma kwa Mulungu.

Kolosi 1:23

Nalyoli muli isho pilongolela lyakwe, inga mukujendeelela kumwitiha uChilisiti, nu kuyigomwa nu kuvha na maha, havhili inga mutakwitiha kuleha ulusuuvhilo lwe mwáposheleeye, lwe mwivwa Izwi iLyinza. Izwi ilyo, lye avhavhomvi avha Mulungu vhakumusiizye ku vhantu vhonti avha mu nsi, havhili lye ine ne Paavhuli, ne muvhomvi uwa kukumusya.

Kolosi 1:6

Izwi ilyo lye lyálumbiliilwe kuli imwe, likumusile mu nsi zyonti. Umwo likuvhagalulanya avhantu inza vwe lyávhagaluliinye imwe, kufuma pe mwályivuuye nu kuvhumanya uvhwila uvhwa Mulungu mu vhwanalyoli vhwonti.

2 VaTesaloniki 2:16

UTaata wiitu uMulungu atukunzite, na ku vhwila vhwakwe akutusuvhaalizya shiima nu kuutupa ulusuuvhilo ulwinza. Tukumulaavha uMwene wiitu uYeesu Chilisiti pooka nu weene, kuuti

1 Timoti 1:14

UMwene wiitu uChilisiti uYeesu ámfwiliiye uvhwila nkaani, ahampa ulwitiho ni shikunzi kufuma ku kwakwe.

1 Timoti 2:4

Uweene akwanza avhantu vhonti vhapokwe nu kuuti vhavhumanye uvhwanalyoli.

2 Timoti 1:10

Ishi atulolesiizye apazelu uvhwila vhwakwe uvhwa kwinza ukwa Chilisiti uYeesu uMuposhi wiitu. Uweene ávhupoosite uvhufwe kwi idala ilya Izwi iLyinza, álolesiizye vwe avhantu vhalilandila shiima.

2 Timoti 4:17

Ileelo uMwene uYeesu áamile pooka niine, ahampa amaha. Nkakumusya Izwi iLyinza mu vhantu vhe te Vhayuuda, lihavhafishila vhonti vhahiivwa. Pooka niizyo, ahampoha ku vhe vhándonjeleeye kuuti vhangoje inza kufwula ishintu mwi ilomu ilya nsama.

VaHebuli 12:15

Muvhanje minso, atahaavhe umuntu inga wooka uwa kusovhelwa uvhwila uvhwa Mulungu. Atahaavhe umuntu we ali ngati lizi ihali. Umuntu inza uyo akutamwa nu kugahandamanya amooyo aga vhantu avhinji.

VaHebuli 2:9

Ileelo tukumulola uYeesu, we uMulungu ámuvhiisile kuvha munsi kuluusya avhahavhizya ku havhaliilizyo hansi. Uyo we uMulungu amupiiye uvhushindamu nu mushinzi umupiti kufumiilana nu kuyimba nu kufwa kwakwe. UMulungu ávhomvile vhwevhulo, inga kwi idala ilya vhwila vhwakwe, uYeesu afwe kuzya kuvhapoha avhantu vhonti.