uTiiti 1:9 - ULufingwi uLupwa

⁹ Havhili akwanzilwa kuuti avhanje muntu we akugalema amazwi aga nalyoli, inza vwe asambiliiye, inga avhagomwaje avhanji ku nsambiilizyo izya nalyoli nu kuvhapoota vhe vhakuzidindanjizya.

Tesitamenti Umupwa 1965

⁹ wʼakulema nkani izwi ukulandata munsambilizyo zya nalyoli, ukuti avanje namaha ga kuvasohʼavantu munsambilizyo impelavulanzi naga kuvamenelezya vuvo ve vakudalinkana nawo.

uTiiti 1:9 ပူးပေါင်းရင်းမြစ်များ

iMbombo izya Vhatumwa 18:28

Ahavhapootaga aVhayuuda pilongolela ilya vhantu, kwi idala ilya kuhomeshezya ku Vhusimbe uVhufinjile kuuti, uYeesu wu Chilisiti.

1 VaKolinti 14:24

Ileelo inga avhiitisi vhonti vhakukuvhwa, ahavhaliilizyo hanaaho ayinza umuntu we atamanyile, poosye we te mwitisi, zyonti zye vhakukuvhwa zikumulolesya umuntu uyo kuuti mutalamalandu, na zye azyivwa zikumulonga mu mwoyo waakwe.

1 VaTesaloniki 5:21

ileelo muvhulingaje vhwonti nu kuvhulandata vhwe vhwinza.

2 VaTesaloniki 2:15

Ishi vhamwitu, musimpe nu kulema insambiilizyo zye mwáposheleeye kutuushila mu mazwi giitu ge twálumbiliiye, poosye ge twávhasimbiiye mwi ikalaata lyitu.

1 Timoti 1:10

Indajizyo izyo zya vhalugusu, na vhe vhakuvhomba uvhuvhembu avhanaavuli ku vhanaavuli, vhe vhakuvhakazya avhazya, avha ilenga na vhe vhakulapa izya ilenga. Havhili zya vhanji vhonti vhe vhakuvhomba lyonti lye likusugaana ni nsambiilizyo izya nalyoli.

1 Timoti 1:15

Kuli izwi ilya nalyoli lye likwanzilwa kulyitiha ku mwoyo wonti, kuuti, “UChilisiti uYeesu áyinzile mu nsi umu kuvhapoha avhatalamalandu.” Niine ne mutalamalandu kuluusya avhanji vhonti.

1 Timoti 1:19

Ululemaje ulwitiho lwaho, nu kuvha nu mwoyo umwinza. Izyo, vhamo vhatázisajiiye, pe zihaazya ulwitiho lwavho kuuti lunanjishe lwonti.

1 Timoti 4:9

Ili lizwi lya nalyoli lye tukwanzilwa tulyitihaje ku mwoyo wonti.

1 Timoti 6:3

Kuli avhantu vhe vhakusambiilizya amazwi aga ilenga, ge gatakuvhalilana na mazwi aga vhulanzi aga Mwene wiitu uYeesu Chilisiti, ni nsambiilizyo zye zitakuvhaavwa avhantu kuvha nu lujendo ulwinza pilongolela ilya Mulungu.

2 Timoti 1:13

Amazwi gonti ge ugivuuye ku kwane ga nalyoli, ugaleme. Usambiilile genego, havhili shivhe shiholanyo mu lwitiho ni shikunzi she shili mwa Chilisiti uYeesu.

2 Timoti 2:2

Amazwi ge nkagayangaga pilongolela ilya vhahoome avhinji, niiwe wágivuuye. Amazwi igo uvhasambiilizye avhantu avhatungamu vhe vhangavhasambiilizya na vhanji.

2 Timoti 2:25

Inga avhantu vhakudalinkana nawo, avhasohaje ku vhutonsu. Lumo uMulungu angaavhapa kuvhuleha uvhutalamalandu vhwavho vhwonti, nu kuvhumanya uvhwanalyoli.

2 Timoti 3:14

Ileelo iwe ugalemaje amazwi ge wásambiliiye nu kuhomeshezya kuuti ga nalyoli, mwe pe uvhamanyile vhe vhakusambiliziizye.

2 Timoti 4:3

Yeenya, ahavhaliilizyo he hakwinza, avhantu te vhahitihaje kutejeelezya insambiilizyo izya nalyoli. Ileelo vhalisungwaga kulandata impapilo zyavho, mwe pe vhalivhavhungaaniha avhasambiilizi avhinji vhweleele, vhe vhalivhavhuzyaga amazwi aga kuvhahondezya lwe vhakutejeelezya.

uTiiti 1:11

mwe pe vhakuvhapuvwa avhantu mu nyumba inyinji, lwe vhakusambiilizya zye zitakwanzilwa. Vhakuvhomba izyo, inga vhazyaje impiiya!

uTiiti 2:1

Ileelo iwe Tiiti, uvhasambilizyaje avhantu kulandatana ni nsambiilizyo izya nalyoli.

uYuuda 1:3

Vhankundwa, naamile nu mute nkaani kuuti mbasimbile izya vhuposhi vhwitu swenti. Ileelo naalola kuuti nkwanzilwa kuvhasimbila nu kuvhalambiilizya nkaani kuuti, mulwilaje ulwitiho lwe avhafinjile vhaposheleeye lwoka vhweleele.

Ishitushizya 2:25

ileelo mulemaje nkaani she muli nasho, kufishila ahavhaliilizyo he ndiyinza.

Ishitushizya 3:11

Nkwinza naluvhiilo. Uleme nkaani she uli nasho, atahinze umuntu akufwule ishipambwi shaaho.

Ishitushizya 3:3

Pe ishi, ukumbushe vwe wáposheleeye na vwe wívuuye, uzileme izyo nu kupinduha. Ileelo inga utavhuuha, ndiyinza kwi idala ilya kwitushizya inza umwivha, pe te uhaamanye ahavhaliilizyo he indiyinza kuli iwe.