uTiiti 1:7 - ULufingwi uLupwa

⁷ Mwe pe umwimiilizi akuyimililila imbombo iya Mulungu, akwanzilwa kuuti avhanje muntu we atakukwinkwinwa naashimo. Atakwanzilwa kuuti avhanje muntu we akuyitumvwa, poosye we ali nu mulaha, poosye we wu shimwela, poosye we wa ivho. Havhili atakwanzilwa kuuti avhanje nu lupapilo ulwa mpiiya.

Tesitamenti Umupwa 1965

⁷ Shʼubishopo pe pakuti avanje muzelu vwelele izya kumuyanga, alolehaje ukuva musungashuma wa Mulungu, wʼatakulandatʼulukasamo lwakwe wuyo weka, atavanje mupupusu ukuṿitwa, nga wushingʼwezi, nga wʼivo, iṿwa kulonka atalonkaje mwe muvifile.

uTiiti 1:7 ပူးပေါင်းရင်းမြစ်များ

Matayi 24:45

UYeesu ahavhavhuziilizya ahati, “Pe ishi, wu naanu umuvhomvi umutungamu, havhili uwa njeele? Uyo we umwene waakwe alimuvhiiha kuvha mwimiilizi uwa vhamwavho, alivhapanga ishaakulya ahavhaliilizyo he hakwanzilwa.

uLuuka 12:42

UMwene ahamwamula ahati, “Pe ishi, wu naanu umwimiilizi umutungamu, havhili uwa njeele? Uyo we umwene waakwe alimuvhiiha kuvha mwimiilizi uwa vhamwavho, alivhapanga ishaakulya ahavhaliilizyo he hakwanzilwa.

VaEfeso 5:18

Havhili mutaholwaje, mwe pe uvhwashimwela vhukunanganya uvhulanzi uvhwa muntu. Ileelo mukwanzilwa mwizule uMupepo uwa Mulungu.

Filipi 1:1

Ukalaata uno nsimvile ine ne Paavhuli pooka nu Tiimoti, twe vhavhomvi avha Chilisiti uYeesu. Tukuvhasimbila imwe, mwe vhafinjile avha mu nkaaya iya Fiilipi, pooka na vhimiilizi vhiinyu na vhatuuli avha shivhanza.

uTiiti 1:5

Zye nákulesheeye pa Kileete ipo, zyámile zya kuuti ulingaanye zyonti zye zyásyalilishiiye nu kuvhavhiiha avhasongo mu vivhanza ivwa mu nkaaya zyonti, inza vwe nákulajiziizye.

uTiiti 2:3

Vhoope avhantanda avhagoosi, uvhasambilizyaje kuuti vhavhanje nu lujendo ulugolosu. Vhatavhanje vhakwakwa, poosye kuvha vhe vhashimwela, nkandi vhavhanje vhantu vhe vhakusambiilizya inyinza,

1 Peteli 4:10

UMulungu avhapiiye avhiitisi ivikunjilwa ivwa mavhiila mu mavhiila. Kuli izyo, vhonti vhakwanzilwa kuvhombela ivikunjilwa vwavho kuvhavhombela avhanji inza umwimiilizi umwinza uwa vipeelwa ivwa mavhiila mu mavhiila ivwa Mulungu.

1 Peteli 5:2

muyidiimaje ahinza impuga iya Mulungu ye yili kuli imwe. Mutavhombaje vhwevhulo fwe wumo akuvhavijiilizya, nkandi muvhombaje ku mwoyo uwa kuyifumwa mweneemwe, inza vwe uMulungu akwanza. Havhili mutavhombaje imbombo iyo kuzya kulonshela impiiya izya nsoni, nkandi ku mwoyo uwa luseshelo.

2 Peteli 2:10

Alivhalonga vhaala vhe vhakuzilandata impapilo izya vhuntu vhwavho uvhwa vhutalamalandu nu kugasuufwa amaha aga Mulungu. Avhantu ivho vhali nu lukaani, havhili vhakuyitumvwa, vhakuvisaamula ivipelwa ivishindamu ivwa ku mwanya.