uTiiti 1:5 - ULufingwi uLupwa

⁵ Zye nákulesheeye pa Kileete ipo, zyámile zya kuuti ulingaanye zyonti zye zyásyalilishiiye nu kuvhavhiiha avhasongo mu vivhanza ivwa mu nkaaya zyonti, inza vwe nákulajiziizye.

Tesitamenti Umupwa 1965

⁵ Zye zizyo nakulesile mu-Kileti ukuti umalilizyaje ukuyananya zye zisyaye nukuvihʼavasongo avahatashivanza munkaya munkaya inza she nakulajizizye.

uTiiti 1:5 ပူးပေါင်းရင်းမြစ်များ

iMbombo izya Vhatumwa 11:30

Vhahavivhungaaniha nu kuuvhapa avha Balinaaba nu Saavhuli, vhoope vhahavitwala ku vhasongo avha shivhanza isha ku Yelusaleemu.

iMbombo izya Vhatumwa 14:23

Avha Paavhuli nu Balinaaba vhahasavhulaga avhasongo mu vivhanza vwonti. Vhahalaavhaga nu kuyiima kulya ishaakulya, pe vhahavhavhiihaga kwa Mwene uYeesu we vhámwitisile.

iMbombo izya Vhatumwa 2:11

Vhamo vhafumile mu nsi inyuumu iya pahati pa sumbi ye vhakuti iKileete, na mu shigavho isha nsi isha Alaabiya. Swenti tukwivwa vwe vhakuyanga mu njango zyitu, vhakumutiima uMulungu ku mbombo zyakwe impiti!”

iMbombo izya Vhatumwa 27:12

Sháali shigomu kutendama pa nkaaya yiila ahavhaliilizyo aha lupepu. Pe avhantu avhinji mu meeli iyo vhahitinkana kuuti vheepe paala. Vhahasiivha kufiha mu nkaaya iya mu luvhazu mwa sumbi ye vhahatinji iFoyiniika. Inkaaya iyo yáamile mu Kileete. Ukwo vhahanzaga tutendame ahavhaliilizyo aha lupepu iho. Inkaaya iyo iya Foyiniika yényiizye uluvhazu ulwa kuvhuswelo.

iMbombo izya Vhatumwa 27:13

Inkungu yihataliha kuvugula hansi hansi kufuma uluvhazu ulwa kuntende, vhahasiivha kuuti zye vhítinkiine zyalunjiha. Pe vhahazuvwa ishintu ishimwamu isha kwimilisizya imeeli, vhaheepa paala, vhahashuula kutuushila mu luvhazu mu Kileete.

iMbombo izya Vhatumwa 27:21

Ahavhaliilizyo iho, vhápezile vhaamala insiku inyinji mwa sumbi muula ishisita kulya naashimo. Pe uPaavhuli ahimiilila pahati yaavho, ahavhavhuuzya ahati, “Mwe vhanaavuli, ahavhaliilizyo he nkavhasohaga kuuti tutaheepe ku Kileete, mwánziliilwe kuntejeelezya. Inga muntejelezyaje, amayimba iga gataamile gatwagaje, poosye ivintu vwinyu vitaamile vinanjihaje inza vhwevhulo.

iMbombo izya Vhatumwa 27:7

Tuhadiila insiku inyinji mu meeli iyo she tukushuula hansi hansi, tuhapalamila mu nkaaya iya Niido ku mayimba. Ipo yihafumila inkungu impiti, yihatudinda kutuuha pe páhondeeye kuuti tungatuuha. Pe tuhatuuha uluvhazu ulwa kuvhutukulo mu nsi iya Kileete. Insi iyo yihayidinda inkungu iyo ye yihavugulaga. Tuhalungamana ni nsi inyuumu iya mu Kileete ye vhahatinji iSaalumooni. Insi iyo yásonsosheeye mwa sumbi.

1 VaKolinti 11:34

Inga umuntu ali ni nzala, alyanje ku kwakwe, inga kuvhungaana kwinyu kutahinze kuvhapelele kulongwa. Lwe ninza kuli imwe, ndiyinza inziyaayanie zye zyasyala.

1 VaKolinti 14:40

Ileelo zyonti izi zivhombehaje ahinza, havhili ku mbaatiho.

1 VaKolinti 4:17

Ilyo lye limbiisile kumusonteelezya uTiimoti, umwana waane unkundwa, havhili umutungamu mu mbombo iya Mwene uYeesu. Uweene kwe avhakumbusye ulujendo lwane mwa Chilisiti, inza vwe nkusambiilizya mu vivhanza mwonti.

Kolosi 2:5

Pooka nu kuuti ntali pooka niimwe, nkuvhasivhiilila ahavhaliilizyo honti. Nkuseshela, mwe pe nivuuye uvhuliilani vhwinyu na vwe mukusimpa mu lwitiho lwinyu kwa Chilisiti.

1 Timoti 1:3

Nkwanza kuuti usyale kunuukwo mu nkaaya iya Hefeeso, inza vwe nákuhomeleziizye ahavhaliilizyo he násogooye ku shigavho isha nsi isha Makedooniya. Nátili uvhalajizye avhantu kuuti vhatasambilizyaje insambiilizyo izya ilenga.

2 Timoti 2:2

Amazwi ge nkagayangaga pilongolela ilya vhahoome avhinji, niiwe wágivuuye. Amazwi igo uvhasambiilizye avhantu avhatungamu vhe vhangavhasambiilizya na vhanji.

uTiiti 1:12

AVhakileete ivho, wumo mu vhakuvhwi vhaavho áyanzile átili, “AVhakileete vhakuyanga izya ilenga amanda gonti, vhali ngati vihanu ivihali ivivhiivhi, havhili vhahata, vhakulya ku vhupafu.”