uTiiti 1:3 - ULufingwi uLupwa

³ Lwe ahavhaliilizyo haakwe he áhavhatisile haafiha, ahavhamanyisya avhantu izwi lyakwe kwi idala ilya kukumusya kwane. UMulungu uMuposhi wiitu wuuyo we álajiziizye kuuti ndumbililaje.

Tesitamenti Umupwa 1965

³ we pisiku lyakwe alolesyʼapazelu izwi lyakwe nuvukumusyi vwe mpelilwe munyove, inza shʼandajizizyʼuMuposhi witu uMulungu.

uTiiti 1:3 ပူးပေါင်းရင်းမြစ်များ

Maliko 1:15

Ahati, “Ahavhaliilizyo aha vhumwene uvhwa Mulungu haafiha nu vhumwene uvhwa Mulungu vhupalamiiye! Mupindushe, mulyitishe Izwi iLyinza ilya Mulungu.”

Maliko 13:10

Isuuti inga Izwi iLyinza lyakumuha insi zyonti, pe uvhusililishilo vhuliyinza.

Maliko 16:15

UYeesu ahavhavhuuzya ahati, “Musogole mu nsi yonti, mukumusye Izwi iLyinza ku vhantu vhonti.

uLuuka 1:47

Havhili wukumudovhela uMulungu uMuposhi waane,

iMbombo izya Vhatumwa 10:36

Imwe mumanyile kuuti uMulungu ásonteleziizye avhantu vhaakwe kuvhalumbiilila aVhaisilayeeli Izwi iLyinza kuuti vhaliivha nu vhutehamu nu weene kwi idala ilya Yeesu Chilisiti, we wu Mwene uwa vhantu vhonti.

iMbombo izya Vhatumwa 17:26

Kufuma kwa muntu wooka, ahapela inkolo izya vhantu vhonti, kuuti vhatendame mu nsi yonti. Kufuma hali ahavhavhiishila amanda na pa kutendama.

VaLoma 15:19

havhili kwi idala ilya maha aga vilolesyo ni zya kusukumizya, na ku maha aga Mupepo uMufinjile. Kuli izyo, nzyunguluuye mwonti kulumbiilila Izwi iLyinza ilya Chilisiti, kwandila mu nkaaya iya Yelusaleemu kufishila mu nsi iya Ililiiko.

VaLoma 16:25

Ishi, ashindikwaje uMulungu! Uweene ali na maha aga kuvhagomwa kwi idala ilya Izwi iLyinza ilya Yeesu Chilisiti lye nkukumusya. Izwi ilyo, hali lyáli kukwilu.

VaLoma 16:26

Ileelo uMulungu uwa shiima álajiziizye kuuti Izwi ilyo liloleshe apazelu kutuushila mu Vhusimbe uVhufinjile uvhwa vhakuvhwi. Havhili kuuti avhantu avha mu nsi zyonti vhalimanye Izwi ilyo, inga vhamwitishe nu kumushindiha.

VaLoma 5:6

Yeenya, lwe twápezile tuli she swe vhayeyevhazu, lwe ahavhaliilizyo haafiha uChilisiti ahinza, ahatufwila iswe twe tutáali swe vhagolosu.

1 VaKolinti 9:17

Inga nkuvhomba imbombo ino ku lusukasamo lwane, pe nkandi nsuvhiiye kuposheela amalipilo. Ileelo nkuvhomba imbombo ino, mwe pe uMulungu ampiiye yeneyo ku lukasamo lwakwe.

VaGalati 4:4

Ileelo ahavhaliilizyo he hávhisiilwe lwe haafiha, uMulungu ahamusonteelezya uMwana waakwe mu nsi, ahavha muntu inza iswe, ahanda kulongolwa ni ndajizyo.

VaEfeso 1:10

nu lukasamo lwakwe lwe luno: Kuuti inga zyonti zyasila na havhaliilizyo he ahasaavhula haafiha, alivivhungaaniha pooka ivipelwa vwonti, vwe vili ku mwanya na vwe vili pa nsi. Woope uMwana waakwe we aliivha mupiti uwa vipelwa ivwo.

VaEfeso 2:17

Áyinzile kulumbiilila Izwi iLyinza ilya kuleeta ulwivwano kuli imwe mwe te mwe Vhayuuda mwe mwámile ukutali nu Mulungu na kuli iswe swe Vhayuuda swe twámile papiipi nawo.

Filipi 1:13

Kufumiilana niizyo, avhaguulizi vhonti avha nyumba iya kukonzezya, pooka na vhanji vhonti, vhamanyile kuuti nkunziilwe kuzya ku lumbiilila izwi ilya Chilisiti.

Kolosi 1:23

Nalyoli muli isho pilongolela lyakwe, inga mukujendeelela kumwitiha uChilisiti, nu kuyigomwa nu kuvha na maha, havhili inga mutakwitiha kuleha ulusuuvhilo lwe mwáposheleeye, lwe mwivwa Izwi iLyinza. Izwi ilyo, lye avhavhomvi avha Mulungu vhakumusiizye ku vhantu vhonti avha mu nsi, havhili lye ine ne Paavhuli, ne muvhomvi uwa kukumusya.

Kolosi 1:6

Izwi ilyo lye lyálumbiliilwe kuli imwe, likumusile mu nsi zyonti. Umwo likuvhagalulanya avhantu inza vwe lyávhagaluliinye imwe, kufuma pe mwályivuuye nu kuvhumanya uvhwila uvhwa Mulungu mu vhwanalyoli vhwonti.

1 VaTesaloniki 2:4

Ileelo tukulumbiilila, mwe pe uMulungu átuvhwenyi kuuti tuhondeeye, ahaatupa imbombo iya kulumbiilila Izwi iLyinza. Tutakusuuvhila kuvhahondezya avhantu, tukwanza kumuhondezya uMulungu, we akwenyeelezya zyonti zye zili muhati mu mooyo giitu.

1 Timoti 1:1

Ukalaata uno nsimvile neene ne Paavhuli. Ine ne mutumwa uwa Chilisiti uYeesu, kufumiilana ni ndajizyo izya Mulungu uMuposhi wiitu, nu Chilisiti uYeesu we lusuuvhilo lwitu.

1 Timoti 1:11

Insambiilizyo izyo zikufuma mwi Izwi iLyinza lye likulolesya uvhupiti uvhwa Mulungu uwa Vhushindamu. Uweene we ampiiye Izwi ilyo kuuti ndilumbililaje.

1 Timoti 2:3

Izyo zye nyinza, havhili zye zikumuhondezya uMulungu uMuposhi wiitu.

1 Timoti 4:10

Inongwa izyo zye zikutuvhiiha kuuti tuyifumwaje kuvhomba imbombo, mwe pe iswe tuvhiisile ulusuuvhilo lwitu kwa Mulungu we mulanzi, havhili we Muposhi uwa vhantu vhonti vhe vhamwitisile.

2 Timoti 4:17

Ileelo uMwene uYeesu áamile pooka niine, ahampa amaha. Nkakumusya Izwi iLyinza mu vhantu vhe te Vhayuuda, lihavhafishila vhonti vhahiivwa. Pooka niizyo, ahampoha ku vhe vhándonjeleeye kuuti vhangoje inza kufwula ishintu mwi ilomu ilya nsama.

uTiiti 2:10

Vhatiivhaje ishintu naashimo ku vhapiti vhaavho. Vhalolesyaje ulujendo ulwa kusuuvhilwa ku zyonti, inga ku lujendo lwavho lwonti vhazivhiishe insambiilizyo izya Mulungu uMuposhi wiitu kuuti zivhe zya kuhondezya.

uTiiti 2:13

Tukuvha vhwevhulo, lwe tukuguliilila kwinza ukwa Yeesu Chilisiti mu vhushindamu uvhupiti, we Muposhi wiitu nu Mulungu wiitu uMupiti. Ulu lwe lusuuvhilo lwitu lwe lukuutupa uluseshelo.

Ishitushizya 14:16

Pe woope we átendiime pi ivhingo ahagwisya ishikwakwa shaakwe pa nsi nu kuyivuna insi.