uTiiti 1:2 - ULufingwi uLupwa

² Kuli izyo, vhakuvha nu vhulanzi uvhwa shiima, mwe pe uMulungu áfinzile kuutupa uvhulanzi uvhwo kufuma lwe insi yishiili kupelwa, nu Mulungu atakuluma ilenga.

Tesitamenti Umupwa 1965

² nulusuvilo lwa vulanzi vwa shimashima vwʼuMulungu umusitakuyangʼizyʼilenga ahatufinjila hali nkani lwʼamaha gashili nukuvazilwa,

uTiiti 1:2 ပူးပေါင်းရင်းမြစ်များ

Matayi 25:34

“Pe ine ne Mwene ndivhavhuuzya avhantu vhaala vhe vhali ku luvhazu lwane ulwa kundiilo ndiiti, ‘Nzaaji imwe mwe mulosiitwe nu Taata waane, muposheele uvhupwano uvhwa vhumwene vhwe uMulungu ávhasenganiziinye kufuma pe ápezile insi.

Matayi 25:46

“Pe avhatalamalandu vhaliyeepa nu kusogola kwi isunde ilya shiima. Ileelo avhagolosu, vhaliyinjila mu vhulanzi uvhwa shiima.”

Maliko 10:17

UYeesu ahanda kwepa paala, umuntu wumo ahamushimbiilila, ahamusugamilila, ahamuvhuziilizya ahati, “We Musambiilizi umwinza, imbombe ishooni, inga nkaposheele uvhulanzi uvhwa shiima?”

Maliko 10:30

uMulungu kwe aamupe ivwinji nkaani ahavhaliilizyo iha he ali mu nsi. Kwe avhe ni nyumba na vhanine avhanaavuli na vhantanda nu nyina na vhaana na magunda. Pooka niizyo kwe avhanje na mayimba. Ahavhaliilizyo he hakwinza, aliposheela uvhulanzi uvhwa shiima.

Yohani 10:28

Ine nkuuzipa uvhulanzi uvhwa shiima, te zihateeje naalumo. Havhili ataliipo umuntu we angazifwula ku maha kufuma mu nyoovhe zyane.

Yohani 17:2

Izyo zikuvhombeha, mwe pe umpiiye amaha aga kuvhakonzya avhantu vhonti, inga mbape vhe vhakuniitiha uvhulanzi uvhwa shiima.

Yohani 17:24

“We Taata, nkwanza kuuti vhe umpiiye, vhavhanje pooka niine pe nkuvha, inga vhavhulolaje uvhushindamu vhwe umpiiye, mwe pe wánkunzite kufuma lwe ni nsi yishiili kupelwa.

Yohani 5:39

Mukuvhaazya ku mute uVhusimbe uVhufinjile, mwe pe mukusiivha kuuti, umwo mungavhwaga uvhulanzi uvhwa shiima. Nalyoli uVhusimbe uvhwo vhukuhomeshezya inongwa zyane.

Yohani 6:54

Umuntu wonti we akulya umuvhili waane nu kumwela amavhanda gaane ali nu vhulanzi uvhwa shiima, niine ndimuzyusya isiku ilya vhusililishilo.

Yohani 6:68

USiimoni uPeeteli ahamwamula ahati, “We Mwene, vhuli, wu naanu uwamwavho we tungasogola ku kwakwe? Iwe uli na mazwi ge gakuutupa uvhulanzi uvhwa shiima.

iMbombo izya Vhatumwa 15:18

inongwa zye zyámanyisile kufuma hali.”

VaLoma 1:2

Izwi ilyo, lye uMulungu áfinzile kufuma hali kwi idala ilya vhakuvhwi vhaakwe mu Vhusimbe uVhufinjile.

VaLoma 16:25

Ishi, ashindikwaje uMulungu! Uweene ali na maha aga kuvhagomwa kwi idala ilya Izwi iLyinza ilya Yeesu Chilisiti lye nkukumusya. Izwi ilyo, hali lyáli kukwilu.

VaLoma 2:7

Kuli ivho vhe ku mute vhakuvhomba inyinza, mwe pe vhakulondola uvhushindamu nu mushinzi nu vhulanzi vhwe vhutakunanjiha kufuma kwa Mulungu, aliivhapa uvhulanzi uvhwa shiima.

VaLoma 5:2

Kwi idala ilya kumwitiha uYeesu, uMulungu átufwiliiye uvhwila, havhili poosye ishi atufwiliiye uvhwila. Ipo tukuseshela nkaani, mwe pe tukusuuvhila kuuti tuliivha pooka nu Mulungu mu vhutendamo vhwakwe uvhushindamu.

VaLoma 5:21

Pe ishi, inza vwe uvhutalamalandu vhwámile na maha aga kuvhakonzya avhantu nu kuvhapelela uvhufwe, vhwevhulo kwi idala ilya kuvhavhaazya kuuti vhagolosu, uvhwila uvhwa Mulungu vhukuvhakonzya avhantu nu kuvhapelela uvhulanzi uvhwa shiima kwi idala ilya Yeesu Chilisiti uMwene wiitu.

VaLoma 5:4

Uvhujimbiilizu vhukuleeta ulujendo ulwinza, lwope ulujendo ulwinza lukuleeta ulusuuvhilo.

VaLoma 6:23

Yeenya, amalipilo aga vhutalamalandu vhufwe, ileelo ishipeelwa she uMulungu akuutupa, vhulanzi uvhwa shiima kwi idala ilya Mwene wiitu uChilisiti uYeesu.

Kolosi 1:27

Ivho vhe uMulungu asungwilwe kuvhavumbulila uvhuzigizigi uvhwo vwe vhuli nu vhudumbwe uvhwa kusukumizya ku vhantu vhe te Vhayuuda. Uvhuzigizigi uvhwo, wu Chilisiti we ali muhati yiinyu, uweene we akuvhavhiiha kuuti muvhe nu lusuuvhilo ulwa kuposheela uvhushindamu.

1 VaTesaloniki 2:15

AVhayuuda ivho, vhe vhámugozile uMwene uYeesu na vhakuvhwi avha hali. Havhili vhe vhatuyimvwizye niiswe. Avhantu ivho, vhakumuviisya uMulungu, havhili vhe vhalugu vha vhantu vhonti,

1 VaTesaloniki 5:8

Ileelo iswe, mwe pe tuli mu vhuzelu uvhwa musanya, tuyikonzyaje. Tuvhanje nu lwitiho ni shikunzi, ivwo vikuvha ngati mpinjiho ku shifuvha. Havhili tumusuvhilaje uMulungu kutupoha, pe tukuvha ngati tuzwaye inkwela kwi itwe.

1 Timoti 6:12

Uyikungulaje nkaani ku vhulugu uvhwinza uvhwa kulwila ulwitiho lwitu, inga uhavhwaje uvhulanzi uvhwa shiima shiima. Uvhulanzi uvhwo vhwe uhiitilwa nu Mulungu, lwe wiitiha ulwitiho lwaho kwa Yeesu pilongolela ilya vhahoome avhinji.

1 Timoti 6:19

Vhwevhulo, pe vhaliivha vhayisenguliiye ivwa havhaliilizyo he hakwinza, vwe viliivha lwalo ulwa kuvhagomwa, inga vhahavhwaje uvhulanzi uvhwa nalyoli.

2 Timoti 1:1

Ukalaata uno nsimvile neene ne Paavhuli, ne mutumwa uwa Chilisiti uYeesu ku lukasamo ulwa Mulungu. Ansonteleziizye kuuti ndumbililaje avhantu izya lufingwi ulwa vhulanzi mwa Chilisiti uYeesu.

2 Timoti 1:9

Uweene átuposile, ahatwita kuuti tuvhe twe vhantu vhaakwe avhafinjile. Uvhuposhi vhwitu uvhwo vhutakufumiilana ni mbombo zyitu, vhukufumiilana nu lukasamo ulwa Mulungu wuuyo ku vhwila vhwakwe. Uvhwila uvhwo vhwe átufwiliiye mwa Chilisiti uYeesu, lwe insi yishiili kupelwa.

2 Timoti 2:10

Ishi nkujimbiilila ku zyonti, inga vhoope vhe vhasavhuliilwe nu Mulungu, vhavhwaje uvhuposhi vhwe vhuli mwa Chilisiti uYeesu nu vhushindamu vhwakwe uvhwa shiima.

2 Timoti 2:13

Inga poosye te swe vhatungamu, uweene ali she mutungamu kuli iswe, atangayihaana.”

2 Timoti 2:15

Uyifumwaje ku mute kuyilolesya kuuti we muvhomvi we uyitishiliilwe nu Mulungu. Usambilizyaje izwi ilya nalyoli vwe uMulungu akwanza, nu kuvha we muvhomvi we atakulola insoni.

uTiiti 2:13

Tukuvha vhwevhulo, lwe tukuguliilila kwinza ukwa Yeesu Chilisiti mu vhushindamu uvhupiti, we Muposhi wiitu nu Mulungu wiitu uMupiti. Ulu lwe lusuuvhilo lwitu lwe lukuutupa uluseshelo.

uTiiti 2:7

Niiwe weneewe uvhombaje ahinza mu zyonti, ufishile kuvha we shiholanyo ishinza kuli ivho. Ahavhaliilizyo he ukuvhasambiilizya avhantu, uvhasambilizyaje mu vhwanalyoli, ishisita isuufwo.

uTiiti 3:7

Nalyoli tukuvhaazilwa kuuti twe vhagolosu ku vhwila vhwakwe, átuvhiisile kuvha swe vhaana vhaakwe swe tukusuuvhila kuposheela uvhulanzi uvhwa shiima.”

1 Yohani 2:25

Mwe pe tuli nu vhuliilani uvhwo, tuli nu lufingwi ulwa vhulanzi uvhwa shiima shiima, vhwe uChilisiti áfinzile kuuti, aliitupa.

1 Yohani 5:20

Havhili tumanyile kuuti uMwana wa Mulungu ayinzile, atupiiye uvhumanyi, inga tumumanye uMulungu uwa nalyoli. Tuli nu vhuliilani nu Mulungu uwa nalyoli, kwi idala ilya kuvha nu vhuliilani nu Mwana waakwe uYeesu Chilisiti. Uno we wu Mulungu uwa nalyoli, havhili we vhulanzi uvhwa shiima shiima.

uYuuda 1:21

Mujendeelele kuvha mu shikunzi isha Mulungu, nu kumusuuvhila uMwene wiitu uYeesu Chilisiti, kuuti avhafwile uvhwila inga avhinjizye mu vhulanzi uvhwa shiima.

Ishitushizya 13:8

Avhantu vhonti vhe vhakutendama pa nsi vhalishipuuta, vhonti vhe amazina gaavho gatásimviilwe mwi ikalaata ilya vhulanzi ilya Hagonzi aha MWENE uMulungu he hávholiilwe. Ikalaata ilyo lyásimviilwe lwe insi yishiili kupelwa.

Ishitushizya 17:8

Ishihanu isho she washilola sháali shipuuma ileelo isaala izi shifuuye. Kwe shifume kwi ilivha ilya ku vhuzimu, ileelo uMulungu kwe ashilovwe. Vhe vhakutendama pa nsi vhalisukumila. Mwe muumwo, avhantu vhonti vhe amazina gaavho gatásimviilwe mwi ikalaata ilya vhulanzi, kufuma pe ulwalo ulwa nsi lwávhisiilwe, vhalisukumila. Vhalisukumila lwe vhashilola ishihanu isho she ku vhwandilo sháali shipuuma, havhili shihafwa ni saala izi shazyuha!