uTiiti 1:15 - ULufingwi uLupwa

¹⁵ Ivho vhakusambiilizya kuuti viliipo ivintu vwe vihandamanu. Ileelo ku vhantu vhe amooyo gaavho mazelu, ivintu vwonti vizelu. Ku vhantu vhe vhahandamanu havhili vhe vhatakumwitiha uYeesu Chilisiti, ivintu vwonti ku kwavho vihandamanu. Ivho injeele zyavho na mooyo gaavho mahandamanu.

Tesitamenti Umupwa 1965

¹⁵ Ṿwonti ṿizelu kuvantu ve vazelu. Nkandi kuvene avasitavuzelu nulwitiho ve naṿimʼiṿizelu, zihandamine insivo zyavo ninyenyezyo zyavo.

uTiiti 1:15 ပူးပေါင်းရင်းမြစ်များ

Matayi 15:18

Ileelo vwonti vwe vikufuma mwi ilomu ilya muntu, vikufuma mu mwoyo waakwe, ivwo vwe vikumuhombezya umuntu.

iMbombo izya Vhatumwa 10:15

Pe izwi ilyo lihamuvhuuzya havhili uPeeteli lihati, “Ivintu vwonti vwe uMulungu avizelufwizye, iwe utatinji vikuhombezya.”

VaLoma 14:14

Imanyile, havhili uMwene uYeesu andolesiizye apazelu uvhwanalyoli kuuti, shitaliipo ishaakulya shimo she shihombezu, nkandi inga umuntu aalola kuuti ishaakulya shimo shihombezu, pe ishaakulya isho shikuvha shihombezu ku kwakwe.

VaLoma 14:20

Utananganyaaje imbombo ya Mulungu kuzya shaakulya. Ivwakulya vwonti vwinza kulya, ileelo havhiivhi kwa muntu kulya shonti she shingamupelela umuntu uwunji kuuti avhombe uvhutalamalandu.

VaLoma 14:23

Ileelo we ali na maganigani ni shaakulya shimo, havhili akulya shenesho, akuvhomba uvhutalamalandu, mwe pe atakuvhomba kulandatana nu lwitiho lwakwe kwa Chilisiti. Nkuyanga vhwevhulo, mwe pe ishintu shonti she ukuvhomba inga shitakufuma mu lwitiho lwaho kwa Chilisiti, vhutalamalandu.

1 VaKolinti 10:23

Vhamo vhakuyanga vhakuti, “Iswe twitishiliilwe nu Mulungu kuvhomba zyonti.” Ileelo ine nkuti, te zyonti zye zili ni ilonka. Havhili poosye she vhakuti, “Iswe twitishiliilwe nu Mulungu kuvhomba zyonti.” Ileelo ine nkuti te zyonti zye zikwavwa kuvhagomwa avhantu mu lwitiho.

1 VaKolinti 10:25

Inyama zye vhakukazya mu nsokooni mulyanje ishisita kuvhuziilizya-vhuziilizya, inga mutayimbaje mu mooyo giinyu.

1 VaKolinti 10:31

Ishi, zyonti zye mukuvhomba, yivhe kwe kulya, poosye kumwela, poosye ishinji shonti she mukuvhomba, muvhombaje kuzya kuumupa uMulungu uvhushindamu.

1 VaKolinti 8:7

Ileelo te vhiitisi vhonti vhe vhazimanyile inongwa izi. Vhaliipo vhamo vhe vhávheleleeye kupuuta iviholanyo. Ivho lwe vhakulya ishaakulya isho she vhafumwizye ku viholanyo, vhakuyilola ngati vhakulya ishaakulya she mwiho, mwe pe vhafumwizye ku viholanyo. Pe mwe vhayeyevhazu mu mooyo gaavho, vhakuyilola kuuti vhahombela.

1 Timoti 6:5

nu kudalinkana na vhamwavho shiima. Avhantu ivho zye vhakusiivha, mbiivhi, vhatali nu vhwanalyoli. Vhakusiivha kuuti kuvha nu lujendo ulwinza pilongolela ilya Mulungu lye lidala ilya kulyaga ilonka.

VaHebuli 10:22

Kuli izyo, tusogolaje pilongolela ilya Mulungu na mooyo aminza ge nalyoli gakumwitiha, mwe pe uMulungu atuzelufwizye amooyo giitu amavhiivhi kwi idala ilya mavhanda aga Yeesu nu kugazelufwa amavhili giitu na minzi amazelu.

VaHebuli 12:15

Muvhanje minso, atahaavhe umuntu inga wooka uwa kusovhelwa uvhwila uvhwa Mulungu. Atahaavhe umuntu we ali ngati lizi ihali. Umuntu inza uyo akutamwa nu kugahandamanya amooyo aga vhantu avhinji.

VaHebuli 9:14

Ileelo amavhanda aga Chilisiti gali na maha amapiti kuluusya aga vihanu ivwo! Uweene ku maha aga Mupepo uwa shiima, áyifumwizye kwa Mulungu kuvha mpuutile ye yilunjisile. Amavhanda gaakwe ge gakutuzelufwa na mooyo giitu kufumiilana ni mbombo zye zikuleeta uvhufwe, inga tumuvhombelaje uMulungu uMulanzi.