uLuuka 9:41 - ULufingwi uLupwa

⁴¹ UYeesu avhavhuuzya ahati, “Imwe mwe vhantu avha havhaliilizyo iha mwe mutali nu lwitiho, havhili mwe vhatalamalandu! Kwe ntendame niimwe kufishila lyeli? Havhili kwe mbajimbiilile kufishila lyeli? Muleete umwana waaho ipa.”

Tesitamenti Umupwa 1965

⁴¹ PʼuwenʼuYesu ahamula ahati: Ye mwe, kwe kusitakwitiha vuli avantu vashinishʼiva, nipele poshi ukuva namwe, nipele poshi ukuti: Sangapa, sangapa? Muletʼipa umuṿuli waho.

uLuuka 9:41 ပူးပေါင်းရင်းမြစ်များ

Matayi 11:28

“Nzaaji kuli ine imwe mwenti mwe mukuyimvilwa nu kunyatula amaligo amamwamu, ine kwe mbape ulutuuzyo.

Matayi 12:39

UYeesu ahavhaamula ahati, “Avhantu avha havhaliilizyo iha vhavhiivhi, havhili vhavhembu! Vhakwanza ishilolesyo, ileelo te mbalolesye ishilolesyo naashimo, nkandi sheshiila isha mukuvhwi uYoona.

Matayi 12:45

pe yikusogola kuzileeta impepo izyamwavho 7 zye nkandamanu kuluusya iyeene. Impepo zyonti izyo zikwinjila mwa muntu uyo, nu kutendama munuumwo. Pe umuntu uyo akuvha havhiivhi nkaani kuluusya ku vhwandilo. Vhwevhulo, vwe ziliivha na ku vhantu avhavhiivhi avha havhaliilizyo iha.”

Matayi 16:4

Avhantu avha havhaliilizyo iha vhavhiivhi havhili vhavhembu. Vhakwanza ishilolesyo, ileelo te mbalolesye ishilolesyo naashimo, nkandi sheshiila isha Yoona.” Pe uYeesu ahavhaleha paala, aheepa.

Matayi 17:17

UYeesu ahavhavhuuzya ahati, “Mwe vhantu avha havhaliilizyo iha mwe mutali nu lwitiho, havhili mwe vhatalamalandu, kwe ntendame niimwe kufishila lyeli? Havhili kwe mbajimbiilile kufishila lyeli? Muleete umwana uyo ipa.”

Matayi 23:36

Nalyoli nkuvhavhuuzya kuuti, avhantu avha havhaliilizyo iha vhalisundwa kuli izyo zyonti.”

Matayi 3:7

Ileelo uYoohani lwe avhalola aVhafalisaayi na Vhasadukaayi vhakwinza ku vhwinji, inga avhoozye, ahavhavhuuzya ahati, “Mwe vhaana vha njoha imwe! Wu naanu we avhasosile kuuti mushimbile uvhuhalazu uvhwa Mulungu vhwe vhukwinza?

Maliko 10:14

Ileelo uYeesu atahasungwa lwe aalola vhakuvhadindila, ahati, “Vhaleshi avhaana ivho vhinze kuli ine, mutavhadindaje ndaali, mwe pe uvhumwene uvhwa Mulungu vhwa vhantu vhe vhali inza avhaana ivho.

Maliko 10:49

UYeesu ahimiilila, ahati, “Mwite.” Pe vhahamwita untonko ula, vhahati, “Akukwita, gomaaga umwoyo! Vhuuha.”

Maliko 9:19

UYeesu ahavhavhuuzya ahati, “Mwe vhantu avha havhaliilizyo iha, mutali nu lwitiho! Kwe ntendame niimwe kufishila lyeli? Havhili kwe mbajimbiilile kufishila lyeli? Muleete umwana uyo kuli ine.”

uLuuka 8:25

Pe uYeesu ahavhavhuziilizya avhasundikwa vhaakwe ahati, “Ulwitiho lwinyu luli kwoshi?” Avhasundikwa vhahasukumila nu kwogopa, vhahavhuzilizanya vhahati, “Muntu vhuli uno we akupilila, ni nkungu impiti na mavhilingwa vwope vikumushindiha?”

uLuuka 9:40

Mbalaavile avhasundikwa vhaaho kuuti vhayishimbizye, ileelo vhaposiitwe.”

uLuuka 9:42

Umwana uyo lwe akusogola kwa Yeesu, impepo iyo yihamugwisya pansi nu kumugalagaasya. Pe uYeesu ahayipilila, ahamuponia umwana uyo nu kumugalusya kwa yise.

Yohani 14:9

UYeesu ahamwamula ahati, “We Fiilipo, natendama niimwe ahavhaliilizyo ahatali honti iha, niishi ushiili utamanyile? Umuntu wonti we ambwenyi ine, amuvhwenyi nu Taata. Ishi pe shooni she ukuti, ‘Utulanje uTaata’?

Yohani 20:27

Pe ahamuvhuuzya uToomasi ahati, “We Toomasi, nzaaga umpalamansye ni nyoovhe yaaho mu nyoovhe zyane. Havhili, umpalamansye ni nyoovhe zyaho pa luvhazu lwane. Utahajendeelele kuvha we muntu we atakwitiha, nkandi uvhe we muntu we akwitiha.”

iMbombo izya Vhatumwa 13:18

Ahavhajimbiilila ku havhaliilizyo aha maaha 40 ishi mu luugwa.

iMbombo izya Vhatumwa 2:40

UPeeteli ahajendeelela kuvhasoha nu kuvhahomeelezya avhantu vhaala ku mazwi aganji aminji, ahati, “Imwe muyiposhe, mutahinze musundwe pooka na vhantu avhavhiivhi avha havhaliilizyo iha!”

VaLoma 2:4

UMulungu mwinza, mwe pe akukufwila uvhwila nkaani, atakupiiye isunde inga lwoka, ileelo akukujimbiilila, inga utonte uvhutalamalandu vhwaho. Ishi shooni she ukumusuufwa?

VaHebuli 3:19

Ishi tumanyile kuuti avhantu ivho vháposiitwe kwinjila pa lutuuzyo ulwo, mwe pe vhatámwitisile uMulungu.

VaHebuli 4:11

Pe ishi, tuvhe nu mute kwinjila pa lutuuzyo ulwo, inga atahaavhe umuntu wonti uwa kupootwa kwinjila, mwe pe atakumushindiha uMulungu inza avhataata vhiitu vwe vhávhomvile.

VaHebuli 4:2

Yeenya, niiswe tulumbiliilwe izwi ilyinza ilya pa lutuuzyo inza vwe avhataata vhiitu vhálumbiliilwe. Ileelo avheene lwe vhiivwa, Izwi ilyo litávhavwizye naashimo, mwe pe vhatályitisile.

VaHebuli 7:25

Kuli izyo, uweene ali na maha aga kuvhapoha nziila vhaala vhe vhakusogola kwa Mulungu kutuushila ku kwakwe. Havhili, mwe pe uweene mulanzi shiima, akuvhalaavhila ahavhaliilizyo honti.