uLuuka 9:39 - ULufingwi uLupwa

³⁹ Ulwinji impepo inkandamanu yikumulema, lwe yikumulema akuhoolaga nkaani. Havhili yikumuyinzanyaaga nu kumugwisya pansi. Yikumuletelaga ishinzilisi na matatafula gakumufumaga mwi ilomu. Impepo iyo yikumuhomezyaga nkaani, yitakumuleshelaga naluvhiilo.

Tesitamenti Umupwa 1965

³⁹ Yenya, impepo ikumusunkulanya, ilelo pʼuwenʼakujenda nukukuta, pʼakuzilihʼishizilisi nukufulizyʼitatafula. Ukufuma hansi hansi, lwʼili fwe ngati imuhominye.

uLuuka 9:39 ပူးပေါင်းရင်းမြစ်များ

Maliko 9:18

Lwe yikumulema, yikumugwisya pansi, akufumwa itatafula mwi ilomu, akusyekula amiino, akwuma nkaani umuvhili wonti. Mbalaavile avhasundikwa vhaaho kuuti vhayishimbizye, ileelo vhaposiitwe.”

Maliko 9:20

Vhahamutwala ku kwakwe. Impepo lwe yamulola uYeesu, yihamuvhiiha umwana ishinzilisi, ahagwa pansi, ahanda kugalagaata nu kufumwa itatafula mwi ilomu.

Maliko 9:26

Impepo inkandamanu yiila yihahoola nu kumugalagaasya ku maha nkaani, pe yiheepa. Umwana ula ahiima ngati afuuye, avhantu avhinji vhahatinji aafwa.

uLuuka 4:35

UYeesu ahayipilila impepo yiila ahati, “Ahalanga! Fuma mwa muntu uno!” Impepo iyo yihamugwisya umuntu uyo pilongolela lyavho, yihafuma ishisita kumuvwalazya.

uLuuka 8:29

Áyanzile vhwevhulo, mwe pe uYeesu ápezile ayipiliiye impepo inkandamanu kuuti yifume mwa muntu uyo. Impepo iyo yihamuyimvwaga umuntu uyo ulwinji. Avhantu vhahamugulilaga nu kumukunga na manyoloolo ni mpingu, ileelo ahavidumulanyaaga. Pe impepo iyo yihamulongolaga kushimbiilila mwi ilaala.

uLuuka 9:38

Kufuma mwi ivhungaana ilyo umuntu wumo ahavhilishila ahati, “We Musambiilizi, nkulaavha umwavwe umwana waane, mwe pe indi nawo wunuuno weeka.

uLuuka 9:40

Mbalaavile avhasundikwa vhaaho kuuti vhayishimbizye, ileelo vhaposiitwe.”

Yohani 8:44

Imwe utaata wiinyu wu Mukwalanzi. Havhili mukwanza kuvhomba zye utaata wiinyu uyo akwanza. USeetano mugozi kufuma hali, havhili atakwanza kuvhulandata uvhwanalyoli, mwe pe uvhwanalyoli vhutali mu mwoyo waakwe. Uweene kuluma ilenga, we mwata waakwe, mwe pe uweene ali ni ilenga, havhili wu taata uwa vhe vhakuluma ilenga vhonti.

1 Peteli 5:8

Muyikonzyaje nu kuvha minso ahavhaliilizyo honti, mwe pe umulugu wiinyu uMukwalanzi akuzyunguula uku nuukwo inza insama ye yikulondola umuntu, inga yiimulye.

Ishitushizya 9:11

Vháamile nu mwene, we wu havhizya uwa kwi ilivha ilya ku vhuzimu, izina lyakwe ku Shihebuuli wu Abadooni na ku Shiyunaani wu Apoliyooni, kwe kuuti We Akulovwa.