uLuuka 9:20 - ULufingwi uLupwa

²⁰ UYeesu ahavhavhuziilizya havhili ahati, “Ileelo imwe mukuti ine ne naanu?” UPeeteli ahamwamula ahati, “Iwe we we Chilisiti we uMulungu áfinzile kumuleeta!”

Tesitamenti Umupwa 1965

²⁰ Uwenʼahati: Imwe lelo, imwe mukuti ne nanu? PʼahamulʼuPeteli ahati: We Chilisiti wa Mulungu lwe.

uLuuka 9:20 ပူးပေါင်းရင်းမြစ်များ

Matayi 22:42

“Mukusiivha vhuli izya Chilisiti? Amwe Mwana wa naanu?” Vhahamwamula vhahati, “Mwana wa mwene uDaavhudi.”

Matayi 26:63

Ileelo uYeesu ahapuuma. Pe umupuuti umupiti ahayanga havhili ahati, “Twivwe lapa kwi izina ilya Mulungu uMulanzi, utuvhuuzye inga iwe we Chilisiti, uMwana wa Mulungu.”

Matayi 5:47

Havhili, inga mukuvhalamuha vhe vhamwinyu vhweleele, pe mukuvhomba ishooni isha kuluusya? Yeenya, vhe te Vhayuuda vhoope vhakuvhomba vhwevhulo!

Maliko 14:61

Ileelo uYeesu ahapuuma, atahaamula naashimo. Pe umupuuti umupiti ahamuvhuziilizya havhili ahati, “Iwe we Chilisiti, uMwana wa Mulungu uMushindamu?”

Maliko 8:29

Ahavhavhuziilizya ahati, “Ileelo imwe mukuti ine ne naanu?” UPeeteli ahamwamula ahati, “Iwe we we Chilisiti!”

uLuuka 22:67

“Tuvhuuzye! Iwe we we Chilisiti?” UYeesu ahavhaamula ahati, “Poosye inga navhavhuuzya, te mwitishe inga hansi.

uLuuka 9:19

Avheene vhahamwamula vhahati, “Vhamo vhakuti we Yoohani uMwozyi, avhamwavho vhakuti we mukuvhwi uEeliya. Havhili avhamwavho vhakuti we wooka mu vhakuvhwi avha hali we azyusile.”

Yohani 1:41

UAndeleeya ahasogola suuti kumulondola umunine waakwe uSiimoni. Lwe amwaga, ahamuvhuuzya ahati, “Twamulola uMeesiya!” Izina ili kwe kuuti uChilisiti.

Yohani 1:49

Pe uNasaniyeeli ahamwamula ahati, “We Musambiilizi, ishi naamanya kuuti iwe we Mwana wa Mulungu! Iwe we Mwene uwa nsi iya Isilayeeli!”

Yohani 11:27

UMaalita ahamwamula uYeesu ahati, “Mwe muumwo Mwene, niitiha kuuti iwe we Chilisiti, uMwana wa Mulungu we ukwinza mu nsi umu kufuma kwa Mulungu.”

Yohani 20:31

Ileelo ivilolesyo vwe vili mwi ikalaata ili visimviilwe, inga mwitishe kuuti uYeesu wu Chilisiti, uMwana wa Mulungu, nu kuuti kwi idala ilya kumwitiha, mukuposheela uvhulanzi kwi izina lyakwe.

Yohani 4:29

“Tujende mumwenye umuntu we ambuuzya zyonti zye nkavhombaga. Vhuli, umuntu uyo angavha wu Chilisiti we tukumusuuvhila kuuti akwinza?”

Yohani 4:42

Vhahamuvhuuzya umwantanda uyo vhahati, “Ishi twamwitiha umuntu uno, te ku ziila zyeka zye utuvhuziizye, nkandi twamwitiha, mwe pe twivwa sweneeswe zye akuyanga. Havhili twamanya kuuti, nalyoli umuntu uno we Muposhi uwa nsi.”

Yohani 7:41

Vhamo vhahati, “Umuntu uno wu Chilisiti.” Ileelo avhamwavho vhahati, “Ndaali, uChilisiti atangaafuma mu shigavho isha nsi isha Galilaaya.

iMbombo izya Vhatumwa 17:3

Ahalondovholaga nu kuvhahomeshezya kuuti uChilisiti akwanzilwa kuyimba nu kuzyuha. Ahavhavhuzyaga ahatinji, “UYeesu we nkumulumbiilila kuli imwe, wu Chilisiti.”

iMbombo izya Vhatumwa 8:36

Lwe vhakujenda mwi idala, vhahafiha pe páamile aminzi. Umupiti uyo ahamuvhuuzya uFiilipo ahati, “Yeenya, aminzi iga ipa! Shooni she shingandinda kuuti ntahoozelwe?”

iMbombo izya Vhatumwa 9:22

Ileelo uSaavhuli ahonjezya kuvha na maha aga kuyanga, ahahomeshezyaga kuuti uYeesu wu Chilisiti. Pe aVhayuuda avha ku Damaasiki vhahatetemaga nkaani.

1 Yohani 5:1

Umuntu wonti we akwitiha kuuti uYeesu wu Chilisiti, uyo we mwana wa Mulungu. Havhili umuntu wonti we akumukunda uyise, akumukunda nu mwana waakwe.