uLuuka 9:2 - ULufingwi uLupwa

² Pe ahavhasonteelezya kukumusya izwi ilya vhumwene uvhwa Mulungu nu kuvhaponia avhavhinu.

Tesitamenti Umupwa 1965

² Ahavatuma muntala ukukumusyʼuvumwene vwa Mulungu nukuvazuzuvushizyʼavavinu.

uLuuka 9:2 ပူးပေါင်းရင်းမြစ်များ

Matayi 10:5

UYeesu ahavhatumiilizya ivho 12, ahavhalajizya ahati, “Mutahasogole ku vhe te Vhaisilayeeli, poosye kwinjila mu nkaaya yonti iya mu Samaliya,

Matayi 13:19

Umuntu wonti we akulitejeelezya izwi ilya vhumwene uvhwa Mulungu ileelo atakulimanyinsanya, pe uMuvhiivhi ula akwinza nu kulisompola lye uMulungu alivhwaye mu mwoyo waakwe. Umuntu uyo akuholana ni mbeyu ye yágwiliiye pa luvhazu pi idala.

Matayi 24:14

Havhili Izwi iLyinza ilya vhumwene uvhwa Mulungu lilikumuha mu nsi zyonti, inga livhe vhuhomeshezi ku vhantu vhonti. Ipo pe uvhusililishilo uvhwa nsi vhuliyinza.”

Matayi 3:2

ahatinji, “Mupindushe uvhutalamalandu vhwinyu, mwe pe uvhumwene uvhwa Mulungu vhupalamiiye!”

Maliko 16:15

UYeesu ahavhavhuuzya ahati, “Musogole mu nsi yonti, mukumusye Izwi iLyinza ku vhantu vhonti.

Maliko 6:12

Vhaheepa nu kutaliha kukumusya kuuti avhantu vhatonte nu kupinduha.

uLuuka 10:1

Pisinda, uMwene uYeesu ahasevha avhasundikwa avhamwavho 72. Ahavhasonteelezya vhavhili vhavhili, inga vhalongolele mu nkaaya na mu mbazu zyonti mwe ahasiivhaga kusogola.

uLuuka 10:11

‘Poosye ulusuuto ulwa mu nkaaya yiinyu lwe luli mu vinama vwitu, tukupuupula, inga vhuvhe vhwe vhwahoome uvhwa kuvhasoha. Ileelo mumanye kuuti uvhumwene uvhwa Mulungu vhupalamiiye!’

uLuuka 10:9

Muvhaponiaje avhavhinu vhe vhali mu nkaaya iyo. Muvhavhuzyaje avhantu vhonti kuuti, ‘Uvhumwene uvhwa Mulungu vhupalamiiye kuli imwe!’

uLuuka 16:16

“Indajizyo izya Moose nu vhusimbe uvhwa vhakuvhwi vwávhalongooye avhantu kufishila ahavhaliilizyo aha Yoohani uMwozyi. Kufuma ahavhaliilizyo iho, Izwi iLyinza ilya vhumwene uvhwa Mulungu likulumbiililwa, avhantu avhinji vhakuyifumwa nkaani kwinjila mu vhumwene uvhwo.

uLuuka 9:11

Ileelo lwe ivhungaana ilya vhantu lyamanya kwe ásogooye, lihamulandata. UYeesu ahavhaposheela ahinza, ahavhasambilizyaga izwi ilya vhumwene uvhwa Mulungu. Havhili vhe vháamile vhavhinu, ahavhaponiaga.