uLuuka 9:16 - ULufingwi uLupwa

¹⁶ Pe uYeesu ahanyatula amakaati gasaano igo ni nswi zivhili izyo, aheenya ku mwanya, ahamusalifwa uMulungu. Ahamensulanya amakaati igo, ahaavhapa avhasundikwa vhaakwe, inga vhavhagavhile avhantu ivho.

Tesitamenti Umupwa 1965

¹⁶ Ilelo pʼuwene ahasenda nage makati gasano ganaga nazye nswi zivili, ahenya kumwanya, ahaṿilota, pʼahaṿimensulanya, ahavaninchilizyʼavasundikwa vakwe, ve vahavapʼavantu.

uLuuka 9:16 ပူးပေါင်းရင်းမြစ်များ

Matayi 14:19

Pe ahavhalajizya avhantu ivho kuuti vhatendame pa masole. Ahanyatula amakaati gasaano igo ni nswi zivhili izyo, aheenya ku mwanya, ahamusalifwa uMulungu. Ahamensulanya, ahaavhapa avhasundikwa vhaakwe, vhoope vhahavhagavhila avhantu ivho.

Matayi 15:36

Ahanyatula amakaati igo 7 nu tuswi utwo, ahamusalifwa uMulungu, ahamensulanya, ahaavhapa avhasundikwa vhaakwe, vhoope vhahavhagavhila avhantu.

Maliko 7:34

Aheenya kumwanya, ahiima nu vhuvhaavi mu mwoyo waakwe ahati, “Efaata,” kwe kuuti, “Yiguuha.”

uLuuka 22:19

Pe ahanyatula ikaati ahamusalifwa uMulungu, ahalimensula, ahayanga ahati, “Uno we muvhili waane we nkuwufumwa ku zyinyu. Muvhombaje vhwevhulo, kunkumbuha ine.”

uLuuka 24:30

Lwe vhatendama pooka kulya ishaakulya, uYeesu ahanyatula ikaati, ahamusalifwa uMulungu, ahamensula, ahaavhapa.

uLuuka 9:15

Pe vhahavhomba vhwevhulo, vhahavhatendamiha avhantu vhonti.

uLuuka 9:17

Avhantu vhonti vhahalya, vhahiikuta. Avhasundikwa vhaakwe vhahavhungaaniha ivwalila, vihiizula ivitundu 12.

Yohani 6:11

Pe uYeesu ahanyatula amakaati igo, ahamusalifwa uMulungu. Ahamensulanya, ahaavhapa avhasundikwa vhaakwe, vhoope vhahavhagavhila avhantu vhonti vhe vháliipo paala. Ahavhomba sheshiila na ku tuswi tuula tuvhili. Avhantu vhonti vhahapeelwa inza vwe vhahanzaga.

Yohani 6:23

Pe avhantu avhamwavho vhahinza na mavhooti aganji kufuma mu nkaaya iya Tibeeliya, vhahafiha pe impuga iya vhantu vhahalyanga amakaati, lwe uMwene uYeesu amusalifwa uMulungu.

iMbombo izya Vhatumwa 27:35

Lwe uPaavhuli aamala kuyanga izyo, ahanyatula ikaati, ahamusalifwa uMulungu pilongolela ilya vhantu vhonti vhaala, ahamensula, ahataliha kulya.

VaLoma 14:6

Umuntu we akulishindiha nkaani isiku limo kuluusya izinji, akuvhomba vhwevhulo kumuhondezya uMwene uYeesu. Woope we akulya ivintu vwonti, akuvhomba vhwevhulo kumuhondezya uMwene, mwe pe akumusalifwa uMulungu. Woope we akulya zye nyanyi izya matundu akuvhomba vhwevhulo kumuhondezya uMwene uYeesu, woope akumusalifwa uMulungu.

1 VaKolinti 10:30

Inga ine nkulya ishaakulya isho uku nkumusalifwa uMulungu, pe shooni she nkulongwa kuzya shaakulya she nkumusalifwa uMulungu?

1 VaKolinti 11:24

ahamusalifwa uMulungu, ahalimensula, ahayanga ahati, “Nyatuuli mulye, uno we muvhili waane we nkuwufumwa ku zyinyu. Muvhombaje vhwevhulo, kunkumbuha ine.”