uLuuka 9:1 - ULufingwi uLupwa

¹ UYeesu ahavhiita avhasundikwa vhaakwe 12, ahaavhapa amaha amasisya na maha aga kushimbizya impepo inkandamanu zyonti nu kuponia amavhinu.

Tesitamenti Umupwa 1965

¹ Pʼahavavunganihʼavishumi navavili, ahavapa amaha nuvumwene uvwa kuvinjilʼimpepʼimbivi zyonti nuvwa kukantulʼimpungo.

uLuuka 9:1 ပူးပေါင်းရင်းမြစ်များ

Matayi 16:19

Ine kwe nkupe ivwigulilo ivwa vhumwene uvhwa Mulungu, pe lyonti lye mwaligalila kwi izina lyane mu nsi umu, woope uMulungu akuligalila ku mwanya. Havhili, lyonti lye mwalyigula kwi izina lyane mu nsi umu, woope uMulungu akulyigula ku mwanya.”

Matayi 4:24

Pe inongwa zyakwe zihakumuha nkaani mu nsi yonti iya Siiliya. Avhantu vhahavhatwalaga avhavhinu na vha ntamwo izya mavhiila mu mavhiila vhonti. Muli ivho, vháliipo avha mpepo inkandamanu na vhe vháali ni shinzilisi na vhe vháhataliiye. Woope ahavhaponiaga vhonti.

Matayi 8:9

Nkuyanga vhwevhulo, mwe pe niine vhweleele indi pansi pa vhapiti vhaane, havhili indi na vhasikaali vhe vhali pansi yaane. Inga namuvhuuzya wumo nati, ‘Usogole ukutunga!’ Naluvhiilo akusogola. Inga namuvhuuzya uwamwavho nati, ‘Luvhiilo!’ Woope akwinza. Woope umuzya waane inga namuvhuuzya nati, ‘Vhomba uti,’ akuvhomba vhwevhulo.”

uLuuka 10:1

Pisinda, uMwene uYeesu ahasevha avhasundikwa avhamwavho 72. Ahavhasonteelezya vhavhili vhavhili, inga vhalongolele mu nkaaya na mu mbazu zyonti mwe ahasiivhaga kusogola.

uLuuka 10:19

Yeenya, mbapiiye amaha aga kumupoota umulugu mu zyonti. Ku maha igo kuuti muhanyaje injoha ni nkoonya, havhili shitaliipo ishintu isha kuvhavwalazya.

Yohani 14:12

Nalyoli nkuvhavhuuzya kuuti, umuntu wonti we akuniitiha, kuuti avhombaje imbombo zye niine nkuvhomba. Havhili kwe avhombaje ni mpiti kuluusya zye nkuvhomba, mwe pe nkusogola kwa Taata.

iMbombo izya Vhatumwa 1:8

Ileelo kwe muposheele amaha, lwe uMupepo uMufinjile akuvhiishila imwe. Pe muliivha mwe vhahoome vhaane mu Yelusaleemu, na mu shigavho isha nsi shonti isha Yudeeya ni sha Samaliya, nu kufishila kumpeleela iya nsi.”

iMbombo izya Vhatumwa 3:16

Ishi umuntu uno we mukumulola, mumumanyile. Izina ilya Yeesu nu kulyitiha izina ilyo, vwe vwamupa amaha. Inza vwe mukumulola mwenti, aapona, mwe pe amwitiha uYeesu.

iMbombo izya Vhatumwa 4:30

Lwe tukulumbiilila, ulolesyaje amaha gaaho aga kuvhaponia avhavhinu nu kuvhomba ivilolesyo ni zya kusukumizya kutuushila kwi izina ilya Yeesu umuvhomvi waaho umufinjile.”

iMbombo izya Vhatumwa 9:34

Pe uPeeteli ahamuvhuuzya ahati, “Iwe Yeneeya, uYeesu Chilisiti akukuponia. Ishi yimiliila! Zinga ishilili shaaho.” Naluvhiilo uYeneeya ahimiilila.