uLuuka 8:28 - ULufingwi uLupwa

²⁸ Lwe amulola nu kumumanya uYeesu, ahahoola inkoolo, ahamusugamilila, ahayanga kwi izwi ipiti ahati, “Shooni she ukuninjiilila iwe Yeesu, we Mwana wa Mulungu uMupiti uwa ku Mwanya? Nalamba utahanjimvwe.”

Tesitamenti Umupwa 1965

²⁸ LwʼamuwenyʼuYesu pʼahavilishila, ahamugwila muṿinama, ahapongomohʼizwʼipiti ahati: Tuli vuli nane nawe, we Yesu, Mwana wa Mulungu uMulusyi? Nkulambilizya kukwaho nkuti: Utanizizyaje.

uLuuka 8:28 ပူးပေါင်းရင်းမြစ်များ

Matayi 8:29

Pe vhahahoola nkaani, vhahati, “Shooni she ukutwinjiilila iwe we Mwana wa Mulungu? Vhuli, uyinzile kutulovwa she ahavhaliilizyo hashiili?”

2 Peteli 2:4

UMulungu atávhafwiliiye uvhwila, avhahavhizya vhe vhávhomvile uvhutalamalandu, ávhasumvile mu shiisi, mwe vhakunziilwe na manyoloolo. Mu shiisi umwo vhakuguliilila isiku ilya kulongwa.

Ishitushizya 20:10

Woope uMukwalanzi we ahavhahopenkanyaaga, alisumbilwa mwa sumbi we akwaha umwoto uwa mbaluuti. Umwo mwe shili ishihanu shiila nu mukuvhwi ula uwa ilenga, vhoope vhaliyimvilwa uvhusiku nu musanya, shiima shiima.

1 Yohani 3:8

Ileelo umuntu we avheleleeye kuvhomba uvhutalamalandu, we mwana wa Mukwalanzi. Nkuyanga vhwevhulo, mwe pe uMukwalanzi avheleleeye kuvhomba uvhutalamalandu kufuma ku vhwandilo uvhwa vintu vwonti. Ye nongwa uMwana wa Mulungu ahinza mu nsi, kuzinanganya imbombo izya Mukwalanzi.

Yakobu 2:19

Ukwitiha kuuti uMulungu ali wooka. Mwe muumwo! Zyope impepo inkandamanu zikwitiha vhwevhulo nu kutetema kwi lyoga!

uLuuka 8:27

UYeesu lwe ayiiha mwi ivhooti, umuntu wumo uwa mu nsi iyo ahinza ku kwakwe. Umuntu uyo áamile ni mpepo inkandamanu. Insiku inyinji ahajendaga ishitali, havhili atahatendamaga mu nyumba, ahatendamaga ku mbiipa.

uLuuka 8:29

Áyanzile vhwevhulo, mwe pe uYeesu ápezile ayipiliiye impepo inkandamanu kuuti yifume mwa muntu uyo. Impepo iyo yihamuyimvwaga umuntu uyo ulwinji. Avhantu vhahamugulilaga nu kumukunga na manyoloolo ni mpingu, ileelo ahavidumulanyaaga. Pe impepo iyo yihamulongolaga kushimbiilila mwi ilaala.