uLuuka 8:2 - ULufingwi uLupwa

² Havhili áamile pooka na vhantanda vhamo vhe ávhaponiizye amavhinu nu kuvheefwa impepo imbiivhi. Mu vhantanda ivho, áliipo uMaliiya uwa ku Magidaala we uYeesu ámwefwizye impepo inkandamanu 7,

Tesitamenti Umupwa 1965

² Navantanda vamo vahajenda nawo vʼavazuzuvushizizye nimpepʼimbivi nimpungo, avaMaliya wev atili wa mu-Magadala, wʼafumizye mumwakʼimpepʼimbivi zisano nazivili,

uLuuka 8:2 ပူးပေါင်းရင်းမြစ်များ

Matayi 4:24

Pe inongwa zyakwe zihakumuha nkaani mu nsi yonti iya Siiliya. Avhantu vhahavhatwalaga avhavhinu na vha ntamwo izya mavhiila mu mavhiila vhonti. Muli ivho, vháliipo avha mpepo inkandamanu na vhe vháali ni shinzilisi na vhe vháhataliiye. Woope ahavhaponiaga vhonti.

Maliko 16:1

Isiku ilya Sabaato ahavhaliilizyo aha hamazuuvha Pachiyeeluka, uMaliiya uwa ku Magidaala nu Saloome nu Maliiya unyina wa Yaakobu, vhahakala amafuta ge gakununshila nu mulembo uwa kudinda kuuti ishaala shitahanunshe, inga vhawupashe umuvhili uwa Yeesu.

Maliko 16:9

Lwe azyuha inzanshi Pamulungu, uYeesu ahamuloleshela ulwa kwanda uMaliiya uwa ku Magidaala we ámwefwizye impepo inkandamanu 7.

uLuuka 23:27

Impuga impiti iya vhantu yihavha yikumulandata uYeesu. Muli ivho, kwáli avhantanda vhe vhahakuutaga nu kuswimiililwa kuzya Yeesu.

uLuuka 23:49

Havhili, vhonti vhe vhámanyiine nu Yeesu, pooka na vhantanda vhe vhahamulandataga kufuma mu shigavho isha nsi isha Galilaaya, vhímiliiye ukutali, vhahenyaaga zye zikuvhombeha.

uLuuka 23:55

Avhantanda vhe vhínzile pooka nu Yeesu kufuma ku Galilaaya, vhahavha pooka nu Yoosefu ku mbiipa. Vhahayilola imbiipa, havhili vhahalola vwe vhashikaasya ishaala.

uLuuka 8:30

UYeesu ahamuvhuziilizya ahati, “Izina lyaho we naanu?” Ahamwamula ahati, “Izina lyane ne Mpuga,” mwe pe impepo inkandamanu zyámile nyinji mu kwakwe.

Yohani 19:25

Yeenya, kwáli avhantanda vhane vhe vhímiliiye papiipi ni shihovhenkanyo isha Yeesu. Mu vhantanda ivho kwáli unyina wa Yeesu, nu nyina umunsi uwa Yeesu nu Maliiya umushi wa Kileyoopa nu Maliiya uwa ku Magidaala.

iMbombo izya Vhatumwa 1:14

Ivho vhonti vhahavhungaanaga kulaavha, pooka na vhantanda vhamo nu Maliiya umaayi wa Yeesu na vhanine avha Yeesu.