uLuuka 8:15 - ULufingwi uLupwa

¹⁵ Ileelo imbeyu zye zyágwiliiye pa nsi inyinza, shiholanyo isha vhantu vhe vhakwivwa izwi nu kulilema ku mwoyo umugolosu uwa mushinzi. Ivho vhe vhakupaapa amantonongwa uku vhakujimbiilila amayimba gonti.”

Tesitamenti Umupwa 1965

¹⁵ Iyene nyene iya pansi nyinza, ve vuvo ve vakulinga viṿuye, pʼizwi vakuva nalyo mumoyʼaminza amagolosu, vakujenda nukuhomʼinsanga mwe muvusitamulaha.

uLuuka 8:15 ပူးပေါင်းရင်းမြစ်များ

Matayi 24:13

Ileelo we alijimbiilila kufishila ku vhusililishilo, we aliipokwa.

uLuuka 11:28

Ileelo uweene uYeesu ahati, “Vhalosiitwe nkaani vhe vhakwivwa nu kulishindiha izwi ilya Mulungu!”

uLuuka 6:45

Vwe zili, umuntu umwinza akuyanga nu kuvhomba inyinza, zye zikufuma mu mwoyo waakwe umwinza. Woope umuntu umuvhiivhi akuyanga nu kuvhomba imbiivhi, zye zikufuma mu mwoyo waakwe umuvhiivhi, mwe pe umuntu akuyanga zye zyizuuye mu mwoyo waakwe.”

uLuuka 8:14

Imbeyu zye zyágwiliiye mu mimvwa, shiholanyo isha vhantu vhaala vhe vhakwivwa izwi ilya Mulungu, ileelo pisinda mu vhulanzi vhwavho, vhakulemwa na maganigani nu kutepushila mu vhudumbwe na mu nyinza izya mu nsi. Izyo zikuliviganya izwi ilyo nu kulivhiiha kuuti lipootwe kupaapa amantonongwa.

uLuuka 8:16

“Ataliipo umuntu we akuhozya inyaale nu kuyigubishila ni nsonta, poosye kuyivhiiha kwi izungululu ku shitala, nkandi akuyivhiiha pi ibeeja, inga avhantu lwe vhakwinjila, vhalolaje.

Yohani 14:15

UYeesu ahati, “Inga munkunzite, kwe muzilandataje indajizyo zyane.

Yohani 15:10

Inga mukuzilandata indajizyo zyane, pe kwe mujendeelele kuvha mu shikunzi shaane, inza vwe niine nkuzilandata indajizyo izya Taata waane nu kuvha mu shikunzi shaakwe.

VaLoma 2:7

Kuli ivho vhe ku mute vhakuvhomba inyinza, mwe pe vhakulondola uvhushindamu nu mushinzi nu vhulanzi vhwe vhutakunanjiha kufuma kwa Mulungu, aliivhapa uvhulanzi uvhwa shiima.

VaLoma 6:22

Ileelo ishi musatuliilwe kufuma mu vhutalamalandu, mwe vhazya vha Mulungu, ni ilonka lye mukuliposheela, vhufinjile na ku vhusililishilo uvhulanzi uvhwa shiima.

VaLoma 7:18

Imanyile kuuti muhati yaane, kwe kuuti mu vhuntu vhwane uvhwa vhutalamalandu mutali ishintu ishinza naashimo. Yeenya, nkwanza kuvhomba inyinza, ileelo yitakuvha vhwevhulo.

VaLoma 7:4

Vhamwitu, vwe zili na kuli imwe. Inza vwe inga umuntu aafwa indajizyo zitakumukonzya, niimwe indajizyo izya Moose zitakuvhakonzya, mwe pe muli ngati mufuuye pooka nu Chilisiti pa shihovhenkanyo. Ishi imwe mwe vhantu vhaakwe we ázyusile, inga tuvhombaje imbombo inyinza zye zikumuhondezya uMulungu.

VaLoma 8:25

Ileelo inga tukusuuvhila she tutakushilola, pe tukuguliilila ku vhujimbiilizu.

1 VaKolinti 7:19

Kutahiililwa poosye kuvha ishisita kutahiililwa kutali ni ilonka naalimo, nkandi kulema indajizyo izya Mulungu.

VaEfeso 2:8

Kwe ku vhwila vhwakwe uMulungu avhaposile kwi idala ilya kumwitiha uChilisiti. Nalyoli, uvhuposhi uvhwo vhutakufumiilana niimwe, shipeelwa isha vhweleele kufuma kwa Mulungu.

Filipi 1:11

Muvhavhombelaje inyinza avhamwinyu, kwi idala ilya Yeesu Chilisiti, kuzya kumushindiha nu kumutiima uMulungu.

Kolosi 1:10

Tukulaavha isho, inga muvhombaje zye zikulolesya uvhushindamu kwa Mwene uYeesu, havhili kwi idala lyonti muvhombaje zye zikumuhondezya uweene. Mufishile kuvhomba imbombo inyinza izya mavhiila mu mavhiila, nu kwonjela kumumanya uMulungu.

Kolosi 1:6

Izwi ilyo lye lyálumbiliilwe kuli imwe, likumusile mu nsi zyonti. Umwo likuvhagalulanya avhantu inza vwe lyávhagaluliinye imwe, kufuma pe mwályivuuye nu kuvhumanya uvhwila uvhwa Mulungu mu vhwanalyoli vhwonti.

VaHebuli 10:36

Yeenya, mukwanzilwa kujimbiilila kuvhomba ulukasamo ulwa Mulungu, inga muhaposheele ziila zye uMulungu áfinzile kuuvhapa.

VaHebuli 2:1

Pe ishi, ziila zye tuzyivuuye, tukwanzilwa kuzilema, inga tutahinze tuzileshe nu kuzilandata izinji zye zitakwanzilwa.

Yakobu 1:4

Muvhanje nu vhujimbiilizu kufiha kumpeleela, inga mugome nu kuvha mwe vhalunjisu ishisita kusovhelwa naashimo.

1 Yohani 2:3

Inga tukuzishindiha indajizyo izya Mulungu, pe tukuvha nu vhwanalyoli kuuti tumumanyile.