uLuuka 7:9 - ULufingwi uLupwa

⁹ Lwe uYeesu ayiivwa izyo, ahasukumila nkaani. Ahagalunkana aheenya ivhungaana ilya vhantu vhonti vhe vhahamulandataga, ahavhavhuuzya ahati, “Nkuvhavhuuzya kuuti, poosye mu Vhaisilayeeli vhonti, ntamuvhwenyi umuntu we ali nu lwitiho ulupiti inza ulu!”

Tesitamenti Umupwa 1965

⁹ UwenʼuYesu lwʼayiṿuye zinizi, pʼahamusukumila, ahavashevela ve vamulanditʼimpuga yonti, ahati: Nkuvavuzyʼimwe, nalyoli ulwitiho inzʼulu ntalwazile mwa Yisilayili umu.

uLuuka 7:9 ပူးပေါင်းရင်းမြစ်များ

Matayi 15:28

UYeesu ahamwamula ahati, “We mwantanda weewe! Uli nu lwitiho ulupiti nkaani! Yivhombeshe kuli iwe inza vwe ukwanza.” Ahavhaliilizyo hanaaho, umulindu ula ahapona.

Matayi 8:10

Lwe uYeesu ayiivwa izyo, ahasukumila nkaani. Ahavhavhuuzya vhe vhahamulandataga ahati, “Nalyoli nkuvhavhuuzya kuuti, mu Vhaisilayeeli vhonti, ntamuvhwenyi umuntu we ali nu lwitiho ulupiti inza ulu!

Matayi 9:33

UYeesu ahayishimbizya impepo iyo, naluvhiilo, umuntu uyo ahataliha kuyanga. Ivhungaana ilya vhantu vhe vháamile paala vhahasukumila nkaani, vhahati, “Mu nsi yonti iya Isilayeeli zitahafumila naalumo inza izi!”

uLuuka 7:10

Pe avhantu ivho vhe umupiti ávhasonteleziizye, vhahagaluha kuhaaya, vhahaaga umuzya aponile.

uLuuka 7:50

Pe uYeesu ahamuvhuuzya umwantanda uyo ahati, “Waapokwa, mwe pe waniitiha, sogolaaga, uMulungu akuteteesye.”

uLuuka 7:8

Nkuyanga vhwevhulo, mwe pe niine vhweleele indi pansi pa vhapiti vhaane, havhili indi na vhasikaali vhe vhali pansi yaane. Inga namuvhuuzya wumo nati, ‘Usogole ukutunga,’ naluvhiilo akusogola. Inga namuvhuuzya uwamwavho nati, ‘Luvhiilo!’ Woope akwinza. Woope umuzya waane, inga namuvhuuzya nati, ‘Vhomba uti,’ akuvhomba vhwevhulo.”