uLuuka 7:47 - ULufingwi uLupwa

⁴⁷ Kuli izyo, nalyoli nkukuvhuuzya kuuti, aswililiilwe uvhutalamalandu vhwakwe uvhwinji, pe akulolesya ishikunzi shaakwe ishipiti. Ileelo wonti we akuswilwa hansi, akuvha ni shikunzi ishinsi.”

Tesitamenti Umupwa 1965

⁴⁷ Mwe mumwo nkuti amalandu gakwe gaswililwe ge minji, shʼakunzitʼishikunzi she shinji. Nkandʼuno we gaswililwe mansi vwelele, wʼakukundʼishikunzi shinsi.

uLuuka 7:47 ပူးပေါင်းရင်းမြစ်များ

Matayi 10:37

Umuntu wonti we akumukunda uyise, poosye unyina kuluusya kunkunda ine, uyo atankondeeye. Havhili, wonti we akumukunda umwana waakwe umwanaavuli, poosye umwantanda, kuluusya kunkunda ine, woope atankondeeye.

uLuuka 7:39

Pe uMufalisaayi ula lwe aalola izyo, ahasiivha mu mwoyo waakwe ahati, “Umuntu uno, inga nalyoli aamile mukuvhwi, nkandi amanyile kuuti umwantanda uno we akumupalamansya ali vhulivhuli, nkandi amanyile kuuti uno mutalamalandu!”

uLuuka 7:46

Havhili iwe utampahaziizye amafuta pi itwe lyane, ileelo uweene ampahaziizye ivinama vwane amafuta ge gakununshila!

uLuuka 7:48

Pe uYeesu ahamuvhuuzya umwantanda uyo ahati, “Waswilwa uvhutalamalandu vhwaho.”

iMbombo izya Vhatumwa 5:31

Ahamuzuvwa nu kumuvhiiha ku luvhazu lwakwe ulwa kundiilo, kuvha wu Songo, havhili kuvha Muposhi, inga uMulungu atwavwe swe Vhaisilayeeli tuvhe ni idala ilya kupinduha nu kuswilwa uvhutalamalandu vhwitu.

VaLoma 5:20

Indajizyo izya Moose zyínzile, inga amaha gonti aga vhutalamalandu galoleshe. Ileelo lwe amaha aga vhutalamalandu galoleha, vhwope uvhwila uvhwa Mulungu vhuhonjela kuvha na maha nkaani.

2 VaKolinti 5:14

Ishikunzi isha Chilisiti shikutulongola iswe, mwe pe tumanyile kuuti umuntu wooka áfuuye kuzya vhantu vhonti, kuli izyo, avhantu vhonti vháfuuye.

VaGalati 5:6

Ishi inga tusopenkiine nu Chilisiti uYeesu, kutahiililwa, poosye kuvha ishisita kutahiililwa, kutali ni ilonka naalimo, she shikwanzilwa, lwitiho ulwa kumwitiha uChilisiti. Ulwitiho ulwo lukuloleha kwi idala ilya kumukunda uMulungu na vhantu vhonti.

VaEfeso 6:24

UMulungu avhafwile uvhwila vhonti vhe vhakumukunda uMwene wiitu uYeesu Chilisiti ku shikunzi she shitali nu vhusililishilo.

Filipi 1:9

Ine nkuvhalaavhila kwa Mulungu kuuti, ishikunzi shiinyu shonjelaje nkaani pooka nu vhushindamu uvhwa njeele nu vhumanyi vhwonti,

1 Timoti 1:14

UMwene wiitu uChilisiti uYeesu ámfwiliiye uvhwila nkaani, ahampa ulwitiho ni shikunzi kufuma ku kwakwe.

1 Yohani 1:7

Ileelo inga tukulandila mu vhuzelu, inza vwe uMulungu ali mu vhuzelu, pe tukuvha nu vhuliilani sweneeswe. Havhili amavhanda aga Mwana waakwe uYeesu gakutuzelufwa uvhutalamalandu vhwitu vhwonti.

1 Yohani 3:18

Mwe vhaana vhaane, tutayangaje pe pi ilomu vhweleele, kuuti tuvhakunzite avhamwitu, nkandi nalyoli tuvhakundaje kwi idala ilya kuvhavhombela inyinza.

1 Yohani 4:19

Iswe tuli ni shikunzi, mwe pe uweene we átalisile kutukunda.

1 Yohani 5:3

Kumukunda uMulungu, kwe kushindiha indajizyo zyakwe, zyope te ngomu kuzishindiha.