uLuuka 7:41 - ULufingwi uLupwa

⁴¹ “Páali umuntu wumo we ahapavhilaga impiiya. Isiku limo, avhantu vhavhili vhahapavha ku kwakwe, wooka ahapavha idinaali 500, uwamwavho ahapavha idinaali 50 vhweleele.

Tesitamenti Umupwa 1965

⁴¹ Uwenʼahati: Alipo wokʼumupaṿilampiya wʼali navʼavapaṿi vavili. Wokʼapaṿilʼamadinali amashumʼamashumi gasano, uwamwavo apaṿilʼamashumi gasano vwelele.

uLuuka 7:41 ပူးပေါင်းရင်းမြစ်များ

Matayi 18:28

“Ileelo lwe umuvhomvi uyo akufuma panzi, ahahomaana nu muvhomvi uwamwavho we ámupavhiiye idinaali 100. Naluvhiilo ahamulema, ahamufina ku nsingo, ahamuvhuuzya ahati, ‘Ndipa vwe naakupavhiiye.’

Matayi 6:12

Utuswile uvhutalamalandu vhwitu, inza vwe niiswe tuvhaswiliiye vhe vhakutuvhombela uvhutalamalandu.

Maliko 6:37

UYeesu ahavhaamula ahati, “Vhapi mweneemwe ishaakulya.” Vhahamwamula vhahati, “Vhuli, impiiya idinaali 200, zingakwila kukalila ishaakulya isha kuvhaliisya avhantu avhinji ivha?”

uLuuka 11:4

Utuswile uvhutalamalandu vhwitu, mwe pe niiswe tukuvhaswila vhonti vhe vhakutuvhombela uvhutalamalandu. Utulongole inga tutahinjile mu ndingo, havhili utuposhe nu Muvhiivhi ula.”

uLuuka 12:48

Ileelo umuzya we atamanyile zye umwene waakwe akwanza, inga avhomba havhiivhi, uyo ataliihomwa nkaani. Umuntu wonti we vhamupiiye ivwinji, uyo aliyanzilwa kugalusya ivwinji, woope we vhamupiiye ivwinji nkaani, aliyanzilwa kugalusya ivwinji nkaani.”

uLuuka 13:4

Havhili mukusiivha kuuti vhoope vhaala 18 vhe uluvhumba ulwa ku Silowaamu lwaavhagwiliiye nu kufwa, vhaamile vhatalamalandu kuluusya avhantu avhanji vhonti, vhe vhakutendama ku Yelusaleemu?

uLuuka 7:40

UYeesu ahamuvhuuzya ahati, “We Siimoni, indi ni izwi limo ilya kukuvhuuzya.” Woope ahamwamula ahati, “Mbuuzya we Musambiilizi.” Pe uYeesu ahayanga ku shiholanyo ahati,

uLuuka 7:47

Kuli izyo, nalyoli nkukuvhuuzya kuuti, aswililiilwe uvhutalamalandu vhwakwe uvhwinji, pe akulolesya ishikunzi shaakwe ishipiti. Ileelo wonti we akuswilwa hansi, akuvha ni shikunzi ishinsi.”

VaLoma 3:23

Yeenya, avhantu vhonti vhavhomvile uvhutalamalandu, nu kusheepelwa uvhushindamu uvhwa Mulungu.

VaLoma 5:20

Indajizyo izya Moose zyínzile, inga amaha gonti aga vhutalamalandu galoleshe. Ileelo lwe amaha aga vhutalamalandu galoleha, vhwope uvhwila uvhwa Mulungu vhuhonjela kuvha na maha nkaani.