uLuuka 7:39 - ULufingwi uLupwa

³⁹ Pe uMufalisaayi ula lwe aalola izyo, ahasiivha mu mwoyo waakwe ahati, “Umuntu uno, inga nalyoli aamile mukuvhwi, nkandi amanyile kuuti umwantanda uno we akumupalamansya ali vhulivhuli, nkandi amanyile kuuti uno mutalamalandu!”

Tesitamenti Umupwa 1965

³⁹ UwenʼumuFalisayi wʼamwisite lwʼamuwenyi, pʼahasiva muhati yakwe ahati: Umuntʼuno inga mukuvwi nalyoli, pe nkwʼamumanyilʼumwantandʼuno wʼamupalamansizyʼumuvili ukuti we wʼushitʼulive mutalamalandu.

uLuuka 7:39 ပူးပေါင်းရင်းမြစ်များ

Matayi 20:16

Vwe ziliivha, avhantu vhe vhatakushindikwa ahavhaliilizyo iha, vhaliivha vhantu vhe vhakushindikwa, vhoope vhe vhakushindikwa ahavhaliilizyo iha, vhaliivha vhantu vhe vhatakushindikwa.”

Matayi 21:11

Ivhungaana ilyo lihati, “Uno wu Yeesu, umukuvhwi kufuma mu nkaaya iya Naazaleeti, mu shigavho isha nsi isha Galilaaya.”

Maliko 7:21

Yeenya, muhati mu mwoyo wa muntu mwe mukufuma insiivho imbiivhi nu vhulugusu nu vhwivha nu vhugozi

uLuuka 12:17

Ahasiivha mu mwoyo waakwe ahati, ‘Ntali na pa kusengula iviyavho vwane ivi! Ishi kuuti nkonzye vhuli?’

uLuuka 15:2

Pe aVhafalisaayi na vhasambiilizi avha ndajizyo vhahanda kukwinkwina kuuti, “Yeenya umuntu uno! Akuvhaposheela avhatalamalandu nu kulya pooka navho.”

uLuuka 16:3

“Umwimiilizi uyo ahayivhuziilizya mu mwoyo ahati, ‘Umupiti waane akuneefwa pa mbombo, ishi imbombe ishooni? Kulima, ntali na maha. Havhili kulaavha, nkulola insoni.

uLuuka 18:4

“Insiku inyinji zihatuuha, umulonzi uyo ahajendelelaga kuhaana kumwavwa umuziishe uyo. Pe ku vhusililishilo, ahayisivhiilila mu mwoyo waakwe ahati, ‘Pooka nu kuuti ntakumunyila uMulungu, poosye kuvhasaajila avhantu,

uLuuka 3:8

Ishi muvhombaje zye zikulolesya kuuti mupindusile. Muleshe kusiivha kuuti, ‘Tuponile, mwe pe utaata wiitu wu Aabulahamu.’ Nalyoli nkuvhavhuuzya kuuti, uMulungu ahondeeye kugalulanya amavhwe iga kuvha vhaana vha Aabulahamu!

uLuuka 7:16

Avhantu vhonti, ilyoga lihavhalema! Vhahanda kumutiima uMulungu, vhahati, “Umukuvhwi umupiti afumiiye muli iswe! UMulungu ayinzile kuvhaavwa avhantu vhaakwe!”

uLuuka 7:37

Mu nkaaya iyo, mwámile umwantanda wumo we áamile mutalamalandu nkaani. Umwantanda uyo, lwe ayiivwa kuuti uYeesu ali kulya mu nyumba mwa Mufalisaayi, ahinza na mafuta ge gakununshila. Amafuta igo gáamile mu nsupa ye vhagombeeye ivhwe ilya nsavho nkaani lye vhahatinji ialabaasita.

uLuuka 7:38

Ahimiilila kwisinda kwa Yeesu, papiipi ni vinama vwakwe. Ahanda kukuuta, na mansozi gaakwe gahazwilaga pa vinama ivwa Yeesu. Pe ahavha akumusyumula ni nsisi zyakwe uku akumufipa mu vinama vwakwe, nu kuvipahazya amafuta igo ge gakununshila.

uLuuka 7:40

UYeesu ahamuvhuuzya ahati, “We Siimoni, indi ni izwi limo ilya kukuvhuuzya.” Woope ahamwamula ahati, “Mbuuzya we Musambiilizi.” Pe uYeesu ahayanga ku shiholanyo ahati,

Yohani 4:19

Umwantanda uyo ahamwamula uYeesu ahati, “We mwene, ishi naamanya kuuti iwe we mukuvhwi.

Yohani 7:12

Avhantu avhinji kufuma mwi ivhungaana ilyo, vhahadalinkanaga inongwa izya Yeesu. Vhamo vhahatinji uYeesu muntu mwinza, ileelo avhamwavho vhahatinji muntu we akuvhahopenkanya avhantu.

Yohani 9:24

Pe avhalongozi avha Vhayuuda vhahamwita havhili ulwa vhuvhili umuntu we áamile wu ntonko, vhahamuvhuuzya vhahati, “Lapa kwa Mulungu, kuuti ukuyanga uvhwanalyoli! Iswe tumanyile kuuti umuntu uyo we aakuponiizye, mutalamalandu.”