uLuuka 7:16 - ULufingwi uLupwa

¹⁶ Avhantu vhonti, ilyoga lihavhalema! Vhahanda kumutiima uMulungu, vhahati, “Umukuvhwi umupiti afumiiye muli iswe! UMulungu ayinzile kuvhaavwa avhantu vhaakwe!”

Tesitamenti Umupwa 1965

¹⁶ Pʼishitetemwi shihavagwila vonti, vahatinihʼuMulungu vahati: Alolesile umukuvwi umupiti mumwitʼumu. UMulungu atwenyizyʼiswe swe vantu vakwe.

uLuuka 7:16 ပူးပေါင်းရင်းမြစ်များ

Matayi 15:31

Avhantu ivho vhahasukumila nkaani lwe vhaalola avhashinuunu vhakuyanga, na vhalemazu na vhantendya vhakujenda na vhantonko vhakulola. Vhahamutiima uMulungu uwa Vhaisilayeeli.

Matayi 21:11

Ivhungaana ilyo lihati, “Uno wu Yeesu, umukuvhwi kufuma mu nkaaya iya Naazaleeti, mu shigavho isha nsi isha Galilaaya.”

Matayi 28:8

Pe avhantanda vhaala vhaheepa naluvhiilo pa mbiipa kwi lyoga nu luseshelo ulupiti. Vhahashimbila kusogola kuvhavhuuzya avhasundikwa avha Yeesu inza vwe uhavhizya uyo ávhavhuziizye.

Matayi 9:8

Ivhungaana ilya vhantu lwe lyalola izyo, lihoogopa nkaani. Lihamutiima uMulungu we ávhapiiye avhantu amaha igo.

uLuuka 1:65

Pe avhapalamani vhonti avha Zakaliya, vhahoogopa nkaani. Inongwa izi zihajendeelela kukumuha mu nsi yonti iya mu magamba aga mu Yudeeya.

uLuuka 1:68

“Ashindikwaje uMWENE uMulungu uwa Vhaisilayeeli, mwe pe ayinzile kuvhapoha avhantu vhaakwe.

uLuuka 19:44

Vhalikugwisya pansi, iwe na vhantu vhaaho vhonti. Te vhahakuleshele poosye ivhwe lye lilisyala pamwanya pa lyamwavho, mwe pe utahanzaga kumanya ahavhaliilizyo he uMulungu akukuleetela uvhuposhi!”

uLuuka 2:20

Pisinda, avhadiimi ivho, vhahagaluha kwi ihombe she vhakumushindiha nu kumutiima uMulungu ku zyonti zye vházyivuuye nu kuzilola, mwe pe vháazile zili sheshiila inza vwe uhavhizya ávhavhuziizye.

uLuuka 24:19

Woope uYeesu ahati, “Kuli nongwa vhuli?” Vhahamwamula vhahati, “Inongwa zye vhamuvhombeeye uYeesu uwa ku Naazaleeti. Umuntu we aamile mukuvhwi, havhili aamile na maha aminji mu mbombo na mu mazwi gaakwe, havhili uMulungu na vhantu vhamwitihaga.

uLuuka 5:26

Pe vhonti vhahasukumila nu kumutiima uMulungu, vhahavha ni lyoga nkaani, vhahati, “Ileelo ili twazilola izya kusukumizya!”

uLuuka 5:8

USiimoni we izina ilyamwavho vhahatinji uPeeteli, lwe aalola izyo, ahamusugamilila uYeesu ahati, “We Mwene, nkulaavha uyeepe pa kwane, mwe pe ine ne mutalamalandu.”

uLuuka 7:15

Ula we áfuuye, ahadaamula, ahatendama, ahanda kuyanga. Pe uYeesu ahaamupa unyina umwana uyo.

uLuuka 7:39

Pe uMufalisaayi ula lwe aalola izyo, ahasiivha mu mwoyo waakwe ahati, “Umuntu uno, inga nalyoli aamile mukuvhwi, nkandi amanyile kuuti umwantanda uno we akumupalamansya ali vhulivhuli, nkandi amanyile kuuti uno mutalamalandu!”

uLuuka 8:37

Pe avhantu vhonti avha mu nsi iya Vhagelaasi, vhahalemwa ni lyoga. Pe vhahamulambiilizya uYeesu kuuti avhwele ku mwavho. Woope ahinjila mwi ivhooti, ahavhwela.

uLuuka 9:19

Avheene vhahamwamula vhahati, “Vhamo vhakuti we Yoohani uMwozyi, avhamwavho vhakuti we mukuvhwi uEeliya. Havhili avhamwavho vhakuti we wooka mu vhakuvhwi avha hali we azyusile.”

Yohani 1:21

Vhahamuvhuziilizya havhili vhahati, “Ishi pe we naanu? Vhuli, we mukuvhwi uEeliya?” Uweene ahavhaamula ahati, “Ine te ne Eeliya.” Avheene vhahamuvhuziilizya havhili vhahati, “Vhuli, we we mukuvhwi uwamwavho we tukumuguliilila kufuma kwa Mulungu?” UYoohani ahavhaamula ahati, “Te neene.”

Yohani 1:25

vhahamuvhuziilizya vhahati, “Inga iwe te we Chilisiti, havhili te we mukuvhwi uEeliya, havhili te we mukuvhwi uwunji we tukumuguliilila kufuma kwa Mulungu, ishi ugaazile kwoshi amaha aga kwozya avhantu?”

Yohani 4:19

Umwantanda uyo ahamwamula uYeesu ahati, “We mwene, ishi naamanya kuuti iwe we mukuvhwi.

Yohani 6:14

Lwe avhantu vhaala vhaalola ishilolesyo she uYeesu ávhomvile, vhahati, “Nalyoli umuntu uno mukuvhwi wa Mulungu, we twásuvhiiye kuuti akwinza mu nsi umu.”

Yohani 9:17

Pe aVhafalisaayi vhahamuvhuziilizya havhili vhahati, “Vhuli, ukuti vhuli umuntu uyo we akuponia aminso?” Uweene ahavhaamula ahati, “Ine nkulola kuuti, umuntu uyo mukuvhwi uwa Mulungu.”

iMbombo izya Vhatumwa 5:5

UAnaniya lwe ayiivwa amazwi igo, ahagwa pansi, ahafwa. Avhantu vhonti vhe vhívuuye inongwa izyo, vhahoogopa nkaani.

iMbombo izya Vhatumwa 7:37

“UMoose uyo we ávhavhuziizye aVhaisilayeeli kuuti, ‘Muli imwe, uMulungu alivhasevhela umukuvhwi we ali inza ine.’

VaGalati 1:24

Pe vhahamutiima uMulungu ku zye nkavhombaga.