uLuuka 7:13 - ULufingwi uLupwa

¹³ UMwene uYeesu lwe amulola umuziishe uyo, ahamufwila uvhwila, ahamuvhuuzya ahati, “Puuma, utakuutaje.”

Tesitamenti Umupwa 1965

¹³ UwenʼuMwene lwʼamuwenyʼumwantandʼuno, pʼahamufwilʼuvwila, ahati: Kwe ndali ukuputa.

uLuuka 7:13 ပူးပေါင်းရင်းမြစ်များ

Maliko 8:2

“Nkuvhafwila uvhwila avhantu ivha, mwe pe tutendiime navho insiku zitatu, she vhatali ni shaakulya.

uLuuka 10:1

Pisinda, uMwene uYeesu ahasevha avhasundikwa avhamwavho 72. Ahavhasonteelezya vhavhili vhavhili, inga vhalongolele mu nkaaya na mu mbazu zyonti mwe ahasiivhaga kusogola.

uLuuka 11:1

Isiku limo, uYeesu áali kumo kumulaavha uMulungu. Lwe aamala, umusundikwa waakwe wumo ahati, “Mwene, utusambiilizye kumulaavha uMulungu, inza vwe uYoohani ávhasambiliziizye avhasundikwa vhaakwe.”

uLuuka 11:39

Pe uMwene uYeesu ahamuvhuuzya ahati, “Imwe mwe Vhafalisaayi mukuyivhiiha mwe vhagolosu pilongolela ilya vhantu, ileelo muhati zyinyu mwizuuye uvhupumula vintu nu vhuvhiivhi. Isho she shooka nu kwozya ulupindi nu luvhiga munzi vhweleele.

uLuuka 12:42

UMwene ahamwamula ahati, “Pe ishi, wu naanu umwimiilizi umutungamu, havhili uwa njeele? Uyo we umwene waakwe alimuvhiiha kuvha mwimiilizi uwa vhamwavho, alivhapanga ishaakulya ahavhaliilizyo he hakwanzilwa.

uLuuka 13:15

UMwene uYeesu ahamwamula ahati, “Mwe vhashifumbo! Muli imwe aliipo we atakwigulilaga ingʼombe, poosye indogomi kuyitwala kumwela aminzi pi isiku ilya Sabaato?

uLuuka 17:5

Pe avhatumwa vhaala vhahamuvhuuzya uMwene uYeesu vhahati, “Tukulaavha utwonjezye ulwitiho!”

uLuuka 17:6

Woope ahavhaamula ahati, “Inga mwaamile nu lwitiho ulunsi inza imbeyu iya haladaali ye nyinsi kuluusya imbeyu zyonti, mungalivhuuzya ituvhu ili kuuti, ‘Kumpuuha uvhale uyivhwale mwa sumbi,’ lyope lingavhashindiha!”

uLuuka 18:6

Pe uMwene uYeesu ahati, “Musambiilile kwa mulonzi umuvhiivhi uyo, vwe ásivhiliiye kuvhomba!

uLuuka 19:8

Ileelo uZakaayo ahimiilila, ahamuvhuuzya uMwene uYeesu ahati, “We Mwene! Ishi, ivintu vwane kuuti mvigavhanye pahati, vimo kuuti mbape avhapiina. Ileelo umuntu we imufwuye ishintu shonti ku vhwivha, kuuti imugalusizye lune ku viila vwe imufwuye.”

uLuuka 22:61

UMwene uYeesu ahagalunkana, ahamwenya uPeeteli. Pe uPeeteli ahalikumbuha izwi ilya Mwene lye átili, “Lwe inkanda yishiili kuvhilishila, kuuti uvhe wankaana lutatu.”

uLuuka 24:3

Pe vhahinjila muhati, vhahaaga ishaala isha Mwene uYeesu naashimo, vhahasukumila nkaani!

uLuuka 24:34

vhahavhavhuuzya vhavhili ivho vhahati, “Nalyoli uMwene wiitu uYeesu azyusile! Amulolesheeye uSiimoni!”

uLuuka 7:12

Lwe apalamila pa mulyango uwa kwinjiilila mu nkaaya iyo, ahahomaana na vhantu vhe vhavhusiizye ishaala isha mujaaha vhakufuma panzi. Umujaaha uyo áamile mwana imozi uwa mwantanda umuziishe. Umwantanda uyo álongoziinye ni ivhungaana ilya vhantu avhinji avha mu nkaaya iyo.

uLuuka 7:14

Pe ahayipalamila imbogooso mwe ishaala sháamile, ahayipalamansya. Avhantu vhe vhávhusiizye, vhahimiilila. Ahati, “We mujaaha, nkukuvhuuzya kuuti, vhuuha!”

uLuuka 7:19

Pe uYoohani ahavhiita vhavhili mu vhasundikwa vhaakwe, ahavhasonteelezya kwa Mwene uYeesu kuvhuziilizya kuuti, “Vhuli, iwe we we Chilisiti we avhakuvhwi vhátili aliyinza, pamo tuguliilile uwunji?”

uLuuka 8:52

Avhantu vhonti vhe vháamile ipo, vhahakuutaga nu kuloosya kuzya mwana uyo. UYeesu ahavhavhuuzya ahati, “Leshi kukuuta! Umulindu uno atafuuye, akaasite tulo!”

Yohani 11:2

UMaliiya uyo, umunine uwa Laazalo we áamile muvhinu, we ámupasile uMwene uYeesu amafuta ge gakununshila mu vinama vwakwe nu kumusyumula ni nsisi zyakwe.

Yohani 11:3

Pe avhanine ivho vhahatuma intumi kwa Yeesu kumuvhuuzya kuuti, “We Mwene, unkundwa waaho uLaazalo muvhinu.”

Yohani 20:13

Avhahavhizya ivho vhahamuvhuziilizya vhahati, “We maayi, shooni she ukukuuta?” Ahavhaamula ahati, “Avhantu vhamo vhefwizye ishaala isha Mwene waane, havhili ntamanyile kwe vhashivhiisile!”

Yohani 20:15

UYeesu ahamuvhuziilizya ahati, “We maayi, shooni she ukukuuta? Vhuli, ukumulondola unaanu?” UMaliiya ápezile akusiivha kuuti umuntu uyo áamile muvhomvi uwa mu shilimbika, pe ahamwamula ahati, “We mwene, inga weewe uyefwizye ishaala isha Yeesu, nkulaavha umbuuzye kwe ushivhiisile, insogole inshinyatule.”

Yohani 4:1

Pe aVhafalisaayi vhahiivwa kuuti uYeesu akwozya avhantu nu kuvha na vhasundikwa avhinji kuluusya uYoohani uMwozyi.

Yohani 6:23

Pe avhantu avhamwavho vhahinza na mavhooti aganji kufuma mu nkaaya iya Tibeeliya, vhahafiha pe impuga iya vhantu vhahalyanga amakaati, lwe uMwene uYeesu amusalifwa uMulungu.

1 VaKolinti 7:30

Vhoope vhe vhakukuuta vhavhe ngati vhatakukuuta, havhili vhe vhakuseshela vhavhe ngati vhatakuseshela. Vhoope vhe vhakukala ivintu vhavhe ngati vhatali navwo.

1 VaTesaloniki 4:13

Mwe vhamwitu, tukwanza mumanye zye zilifumila ku vhe vhámwitisile uMulungu vhe vhafuuye, inga muleshe kuvha nu vhuswimiilizu inza avhantu avhanji vhe vhatali nu lusuuvhilo.

VaHebuli 2:17

Ilyo lye lyámupezile kuuti aholane na vhajenzi vhaakwe ku zyonti, inga avhe mupuuti umupiti we ali nu vhwila havhili mutungamu kumuvhombela uMulungu, inga afumwe impuutile iya kuvhaswila avhantu uvhutalamalandu vhwavho.

VaHebuli 4:15

Umupuuti umupiti uyo we tuli nawo, avhumanyile uvhuyeyevhazu vhwitu, mwe pe woope álinziilwe nu Seetano ku madala gonti inza iswe vwe tukulingwa. Ileelo uweene atávhomvile uvhutalamalandu.