uLuuka 6:8 - ULufingwi uLupwa

⁸ Ileelo uYeesu ahazimanya insiivho zyavho. Pe ahamuvhuuzya umuntu uyo we inyoovhe yaakwe yáhataliiye ahati, “Vhuuha, yimiliila pahati ipa.” Pe umuntu uyo ahasogola, ahimiilila pahati yaavho.

Tesitamenti Umupwa 1965

⁸ Uwene nyene ahamanyʼinsivo zyavo, pʼahayanga kumuntu wʼumuhono ayumiye ahati: Vuhaga, uyimilile pahatʼipa.

uLuuka 6:8 ပူးပေါင်းရင်းမြစ်များ

Matayi 9:4

Ileelo uYeesu ahamanya insiivho zyavho, pe ahavhapilila ahati, “Shooni she mukusiivha imbiivhi mu mooyo giinyu?

Maliko 3:3

UYeesu ahamuvhuuzya umuntu uyo we inyoovhe yaakwe yáhataliiye ahati, “Yimiliila pahati ipa.”

uLuuka 13:12

UYeesu lwe amulola, ahamwita, kuuti ayinze pilongolela lyakwe. Pe ahamuvhuuzya ahati, “Maayi, waapona uvhuvhinu vhwaho, ishi wasatulwa!”

uLuuka 5:22

Ileelo uYeesu ahamanya insiivho zyavho, pe ahavhapilila ahati, “Shooni she mukusiivha izyo mu mooyo giinyu?

uLuuka 6:9

Pe uYeesu ahavhavhuziilizya ahati, “Vhuli, kulandatana ni ndajizyo izya Moose lili kwoshi lye likwitishilwa kuvhomba pi isiku ilya Sabaato? Kuvhomba inyinza, pamo imbiivhi? Kupoha uvhupuuma pamo kugoga?”

Yohani 2:25

Havhili atahanzaga umuntu wonti uwa kumuvhuuzya zye avhantu vhakusiivha, mwe pe uweene ázimanyile zyonti zye zyámile mu mooyo aga vhantu.

Yohani 21:17

Ahamuvhuziilizya ulwa vhutatu ahati, “We Siimoni mwana wa Yoohani, vhuli, unkunzite?” Pe uPeeteli ahaswimiililwa, mwe pe amuvhuziilizya ulwa vhutatu kuuti, “Vhuli, unkunzite?” Ahamwamula ahati, “We Mwene, iwe umanyile zyonti. Umanyile kuuti, nkukunzite.” UYeesu ahamuvhuuzya ahati, “Udiimaje ingʼonzi zyane.

Yohani 9:4

Tukwanzilwa kuvhomba imbombo iya Mulungu we ansonteleziizye she musanya. Uvhusiku vhukwinza vhwe umuntu nuumo atangavhomba imbombo izi.

iMbombo izya Vhatumwa 20:24

Ileelo ntakusaajila uvhulanzi vhwane kuuti vhwa nsavho kuli ine. Nkwanza kuuti imale ulwaji ni mbombo ye uMwene uYeesu ampiiye, kuuti ndumbiilile Izwi iLyinza ilya vhwila uvhwa Mulungu.

iMbombo izya Vhatumwa 26:26

Umwene uAgiliipa woope azimanyile ahinza. Nkuhomeshezya kuuti zitaliipo naazimo zye zihamutuuha, mwe pe zihavhombehaga apazelu. Ye nongwa nkuyanga nawo izi ku vhudandamazu.

Filipi 1:28

Mutavhogopaje avhalugu vhiinyu, muvhanje mwe vhadandamazu amanda gonti. Ilyo likulolesya kuuti avheene vhaliilovwa, ileelo imwe muliipokwa, mwe pe uMulungu wuuyo we akuuvhapa uvhuposhi.

VaHebuli 4:13

Shitaliipo ishipelwa she shizyihiime pilongolela ilya Mulungu. Ivintu vwonti vili apazelu pilongolela lyakwe, uweene we niiswe tulilondovhola imbombo zyitu zyonti zye tukuzivhomba.

1 Peteli 4:1

Mwe pe uChilisiti áyimviliilwe mu muvhili waakwe, niimwe vhweleele muyisengaanye kuyimvilwa inza uweene. Nkuyanga vhwevhulo, mwe pe umuntu we akuyimvilwa umuvhili, akulehaana nu vhutalamalandu.

Ishitushizya 2:23

Havhili ndivhagoga avhalandati vhaakwe. Pe ivivhanza vwonti viliimanya kuuti ine ne nkwenyeelezya insiivho na mooyo. Niine ndiimupa umuntu wonti muli imwe kulandatana na zye akuzivhomba.