uLuuka 6:6 - ULufingwi uLupwa

⁶ Isiku ilyamwavho ilya Sabaato, uYeesu ahinjila mwi isinagoogi, ahanda kuvhasambiilizya avhantu. Umwo, mwáli umuntu wumo we inyoovhe yaakwe iya kundiilo yáhataliiye.

Tesitamenti Umupwa 1965

⁶ Ilelo pisabati lyamwavo pʼahavalʼukwinjila musinagogi, ahavasambilizya. Mwʼali wokʼumuntu wʼumuhono wakwe umulilo ayumiye.

uLuuka 6:6 ပူးပေါင်းရင်းမြစ်များ

Matayi 4:23

UYeesu ahazyunguulaga mu shigavho isha nsi shonti isha Galilaaya. Ahinjilaga mu masinagoogi gaavho, umwo ahasambilizyaga avhantu nu kukumusya Izwi iLyinza ilya vhumwene uvhwa Mulungu nu kuvhaponia amavhinu gonti nu vhuyeyevhazu uvhwa mavhiila mu mavhiila.

uLuuka 13:10

Isiku limo ilya Sabaato, uYeesu ahavhasambilizyaga avhantu mwi isinagoogi.

uLuuka 14:3

Pe uYeesu ahavhavhuziilizya aVhafalisaayi na vhasambiilizi avha ndajizyo ahati, “Vhuli, indajizyo izya Moose zikwitishila kuponia avhantu pi isiku ilya Sabaato?”

uLuuka 4:16

Isiku limo, uYeesu ahafiha mu Naazaleeti, inkaaya ye ákuliiye. Isiku ilya Sabaato ahinjila mwi isinagoogi, inza vwe gáamile amaata gaakwe. Ahimiilila inga avhaazye uVhusimbe uVhufinjile.

uLuuka 4:31

Pisinda, uYeesu ahasogola mu nkaaya iya Kapelanawuumu ye yáamile mu shigavho isha nsi isha Galilaaya. Isiku ilya Sabaato, ahinjila mwi isinagoogi, ahanda kuvhasambiilizya avhantu.

uLuuka 6:1

Isiku limo ilya Sabaato, uYeesu na vhasundikwa vhaakwe vhahatuuhaga mu magunda aga ngana. Lwe vhakujendeelela nu vhulendo, avhasundikwa vhaakwe vhahavwanulaga amatwe aga ngana nu kupukusa nu kulya.

uLuuka 6:5

UYeesu ahavhavhuuzya havhili ahati, “Ne Mwana wa Aadamu indi na maha ni Sabaato.”

Yohani 5:3

Mu nyumba izyo, vhahakaataga avhavhinu avhinji. Mu vhavhinu ivho vháliipo avhantonko na vhantendya na vhe vháhataliiye. Avhavhinu ivho vhahagulililaga kuuti aminzi gavundunkane,

Yohani 9:16

Pe aVhafalisaayi vhamo vhahati, “Umuntu uyo atafumile kwa Mulungu, mwe pe atakulandata indajizyo izya Sabaato.” Ileelo vhamo vhahati, “Vhuli, yingavha inza vhuli kwa muntu we mutalamalandu kuvhomba ivilolesyo ivwo?” Pe vhahasugaana vhuuvho vheeka.