uLuuka 6:41 - ULufingwi uLupwa

⁴¹ “Shooni she ukwenya ahababazula he hali mwi lyinso ilya wamwinyu, ileelo utakwenya ulupaliho lwe luli mwi lyinso lyaho?

Tesitamenti Umupwa 1965

⁴¹ Ukwenya hashʼahambaza he hali mwilyinso lya wamwinyu, shʼigambo lye lili mwilyinso lyahʼiwe utakwenya?

uLuuka 6:41 ပူးပေါင်းရင်းမြစ်များ

Matayi 7:1

“Mutavhalongaje avhamwinyu, inga niimwe mutahinze mulongwe.

Maliko 8:7

Inswi zyope zyámile nyinsi vhweleele, ahamulaavha uMulungu kuuti aloote, pe ahati, “Muuvhape avhantu.”

uLuuka 6:40

Umusundikwa atangamuluusya umusambiilizi waakwe. Ileelo inga aamala kusambiilila insambiilizyo zyonti, pe akuvha inza umusambiilizi waakwe.

uLuuka 6:42

Havhili ungamuvhuuzya vhuli uwamwinyu kuuti, ‘Wamwitu, leha inkwefwe ahababazula he hali mwi lyinso lyaho,’ ileelo iwe weneewe utakwenya ulupaliho lwe luli mwi lyinso lyaho? We washifumbo iwe! Uyeefwe suuti ulupaliho lwe luli mwi lyinso lyaho, pe kwe ulole ahinza nu kwefwa ahababazula he hali mwi lyinso ilya wamwinyu.”

Yohani 8:7

Lwe vhakujendeelela kumuvhuziilizya, uYeesu ahagoloha, ahavhaamula ahati, “Inga aliipo wumo pahati yiinyu we atahavhomba naalumo uvhutalamalandu, avhe wa kwanda kumuhoma ni ivhwe umwantanda uno.”

VaLoma 2:1

Pe ishi, iwe wamwitu, we ukuvhalonga avhantu avhanji, utali ni lya kuyiyanjila pilongolela ilya Mulungu poosye uvhe we naanu. Yeenya, lwe ukumulonga uwamwinyu, ukupela ukuyilonga weneewe, mwe pe uvhutalamalandu vhwe uweene akuvhuvhomba vhwe niiwe ukuvhuvhomba.

Yakobu 1:24

Lwe ayenyeelezya vwe ali nu kwepa, ahavhaliilizyo hanaaho akuyiluvwa vwe ali.