uLuuka 6:27 - ULufingwi uLupwa

²⁷ UYeesu ahajendeelela kuyanga kuuti, “Ishi, imwe mwe mukuntejeelezya nkuvhavhuuzya kuuti, muvhakundaje avhalugu vhiinyu, vhoope vhe vhakuvhaviitilwa, muvhavhombelaje inyinza.

Tesitamenti Umupwa 1965

²⁷ Imwe nyene mwe mukutejelezya nkuvavuzyʼine nkuti: Simukundʼavalugu vinyu, muvavombelʼuvwinza vuvo ve vavapasite,

uLuuka 6:27 ပူးပေါင်းရင်းမြစ်များ

Maliko 4:24

Ahonjezya kuvhavhuuzya kuuti, “Mutejelezyaje ahinza zye mukwivwa. Vwe mukuyifumwa kutejeelezya, vwe kwe mumanyaje ahinza, nu kwonjezelwa.

uLuuka 23:34

UYeesu ahati, “We Taata! Uvhaswile, mwe pe vhatazimanyile zye vhakuvhomba.” Avhasikaali vhaala vhahagavhana amenda aga Yeesu, kwi idala ilya kugahomela ulutambu.

uLuuka 6:22

“Mulosiitwe imwe, inga avhantu vhakuvhaviitilwa nu kuvhazila nu kuvhaliga nu kuvhayanga havhiivhi, mwe pe mukuniitiha ine, ne Mwana wa Aadamu.

uLuuka 6:35

“Ileelo imwe, muvhakundaje avhalugu vhiinyu, muvhavhombelaje inyinza nu kuvhapavhila ishisita kusuuvhila kuuti vhalivhagalusizya. Inga mukuvhomba izyo, uMulungu alivhalipa ivwinji. Havhili muliivha mwe vhaana vha Mulungu uMupiti uwa ku Mwanya, mwe pe uweene mwinza poosye na ku vhe vhatakumusalifwa na vhavhiivhi.

uLuuka 8:15

Ileelo imbeyu zye zyágwiliiye pa nsi inyinza, shiholanyo isha vhantu vhe vhakwivwa izwi nu kulilema ku mwoyo umugolosu uwa mushinzi. Ivho vhe vhakupaapa amantonongwa uku vhakujimbiilila amayimba gonti.”

uLuuka 8:18

Pe ishi, mutejelezyaje ahinza, mwe pe umuntu we akulema insambiilizyo zyane, kuuti zimwonjezye uvhumanyi. Ileelo we atakulema, nu vhumanyi uvhunsi vhwe akusiivha kuuti ali navhwo, vhwope alifwulwa.”

uLuuka 8:8

Izyamwavho zihagwila pa nsi inyinza, zihamela nu kukula, zihapaapa ahinza nkaani, zyonti zihapaapa amantonongwa amashumi ishumi shumi.” UYeesu lwe aamala kuyanga izyo, ahayanga kwi izwi ipiti ahati, “We ali na makutwi, atejeelezye!”

iMbombo izya Vhatumwa 10:38

Kwe kuuti mumanyile vwe uMulungu ámusavhuuye uYeesu uwa ku Naazaleeti kwi idala ilya kuumupa uMupepo uMufinjile na maha. Ahavha pooka nawo, ahamuvhiiha kuuti avhombaje inyinza mu vhantu ponti, ahaponia vhonti vhe vhahayimvilwaga na maha aga Mukwalanzi.

iMbombo izya Vhatumwa 16:28

Ileelo uPaavhuli ahamuvhilishila kwi izwi ipiti, ahati, “Utahayigoje! Swenti tuliipo umu.”

iMbombo izya Vhatumwa 7:60

Pe ahasugamila pansi, ahahoola kwi izwi ahati, “We Mwene, utahavhalonje ku vhutalamalandu uvhu vhwe vhavhomba.” Lwe ayanga izyo, ahafwa. Woope uSaavhuli ahalola hinza kumugoga.

VaGalati 6:10

Pe ishi, ahavhaliilizyo honti he tuli naho, tuvhavhombelaje inyinza avhantu vhonti, inkaani avhiitisi avhamwitu.

1 VaTesaloniki 5:15

Yeenyi, umuntu wonti atamulanduzyaje uwamwavho ku mbiivhi. Amanda gonti muvhombelanaje inyinza mweneemwe nu kuvhavhombela avhantu vhonti.

3 Yohani 1:11

We nkundwa waane, utavhalandataje avhanji kuvhomba uvhutalamalandu, nkandi inyinza. Wonti we akuvhomba inyinza, muntu wa Mulungu. Ileelo wonti we akuvhomba uvhutalamalandu, atamanyile kuuti uMulungu wu naanu.