uLuuka 6:22 - ULufingwi uLupwa

²² “Mulosiitwe imwe, inga avhantu vhakuvhaviitilwa nu kuvhazila nu kuvhaliga nu kuvhayanga havhiivhi, mwe pe mukuniitiha ine, ne Mwana wa Aadamu.

Tesitamenti Umupwa 1965

²² Mwe vasangalusʼimwe, ingʼavantu vakuvapatʼimwe, inga vakuvavingʼimwe, inga izina lyinyu avantu vakuliyanjilʼahavivi nukulipalasila kunzi inga vakuti lye livivi, she mwe vantu wa Mwanamuntu.

uLuuka 6:22 ပူးပေါင်းရင်းမြစ်များ

Matayi 10:18

Vhalivhatwalaga ku vhamwene na ku vhantu avhanji vhe vhali na maha, mwe pe imwe mwe vhasundikwa vhaane. Ileelo kuli imwe, iho he haliivha havhaliilizyo aha kufumwa uvhwahoome uvhwa lwitiho lwinyu ku kwavho, na ku vhe te Vhayuuda.

Matayi 10:22

Avhantu vhonti vhalivhavitilwaga, mwe pe mukundandata ine. Ileelo we alijimbiilila kufishila ku vhusililishilo we aliipokwa.

Matayi 10:39

Umuntu wonti we akwanza kuvhupoha uvhulanzi vhwakwe, alivhulovwa. Ileelo umuntu wonti we akuvhulovwa uvhulanzi vhwakwe ku zyane, alivhupoha.”

uLuuka 20:15

Vhahamukwesela kunzi ku mugunda, vhahamugoga.” Pe uYeesu ahavhavhuziilizya ahati, “Ishi umuhaata mugunda ula alivhavhomba ishooni avhalimi ivho?

uLuuka 21:17

Avhantu vhonti, vhalivhavitilwaga, mwe pe mukundandata ine.

uLuuka 6:21

Mulosiitwe imwe, mwe muli ni nzala ahavhaliilizyo iha, mwe pe muliyiikuta. Mulosiitwe imwe, mwe mukukuuta ahavhaliilizyo iha, mwe pe muliseshela.

Yohani 12:42

Poosye vhwevhulo, avhinji mu vhapiti avha Vhayuuda vhámwitisile uYeesu, ileelo vhatahayangaga apazelu kuuti vhamwitisile, mwe pe vhahogopaga kuuti aVhafalisaayi vhatahavhashimbizye mwi isinagoogi.

Yohani 16:2

Yeenya, vhalivhashimbizyaga imwe mu masinagoogi. Havhili, ahavhaliilizyo hakwinza he inga umuntu amugoga wumo muli imwe, alisiivhaga kuuti akuvhomba mbombo ya Mulungu.

Yohani 17:14

Mbavhuziizye izwi lyaho, ileelo avhantu avha mu nsi vhavhavitiliilwe, mwe pe te vha mu nsi umu, inza vwe niine te ne wa mu nsi umu.

Yohani 7:7

Nkuyanga vhwevhulo, mwe pe avhantu avha mu nsi umu vhatangavhaviitilwa imwe, nkandi vhakumviitilwa ine, mwe pe nkuvhavhuuzya kuuti, zye vhakuvhomba mbiivhi.

Yohani 9:34

Avheene vhahamwamula vhahati, “Iwe uhapaapwa mu vhutalamalandu. Pe ungatusambiilizya vhuli iswe?” Pe vhahamushimbizya mwi isinagoogi.

iMbombo izya Vhatumwa 22:22

Avhantu vhahamutejelezyaga uPaavhuli, ileelo lwe ayanga izyo, pe vhahanda kuzuma ahalanga kuuti, “Mugoji! Umuntu uno akwanzilwa kufwa!”

iMbombo izya Vhatumwa 24:5

“Umuntu uno tuvhwenyi kuuti mutamwe nkaani. Akuleeta uvhusambusu mu Vhayuuda avha nsi zyonti. Uweene mupiti uwa shipuuto isha Vhanaazaleeti she te sha muumwo.

iMbombo izya Vhatumwa 9:16

Ine kuuti mulanje vwe yikwanzilwa kuuti ayimbe nkaani kuzya izina lyane.”

Yakobu 1:12

Alosiitwe umuntu we akujimbiilila mu ndingo, mwe pe inga ayitishilwa, uMulungu aliimupa ishipambwi she vhulanzi uvhwa shiima vhwe áfinzile ku vhaala vhe vhakumukunda.

1 Peteli 3:14

Ileelo poosye inga mukuyimba kuzya kuvhomba ingolosu, uMulungu akuvhaloota. Kuli izyo, mutogopaje, poosye kusagaanya kufumiilana nu kwogofwa kwavho.