uLuuka 6:19 - ULufingwi uLupwa

¹⁹ Avhantu vhonti vhahanzaga kumupalamansya uYeesu, mwe pe amaha gahafumaga mu muvhili waakwe nu kuvhaponia vhonti.

Tesitamenti Umupwa 1965

¹⁹ Ilelo vontʼimpuga yonti vahati tumupalamansye. She vazilʼamaha gakufuma mumwakwe aga kuvazuzuvushizya vonti.

uLuuka 6:19 ပူးပေါင်းရင်းမြစ်များ

Matayi 14:36

Vhahamulambiilizya uYeesu kuuti avhavhinu vhaleme poosye lye likoopi ilya mwenda waakwe vhweleele. Pe avhavhinu vhonti vhe vhálemile, vhahapona.

Maliko 3:10

Ávhavhuziizye avhasundikwa isho, mwe pe ávhaponiizye avhavhinu avhinji na vhonti avha mpungo vhahabunshilanaga, vhahanzaga kumupalamansya.

Maliko 5:30

UYeesu ahamanya pepaala kuuti amaha gaakwe gamo aga kuponia gamwepa. Ahagalunkana aheenya imbazu zyonti, ahati, “Wu naanu we apalamansya amenda gaane?”

Maliko 6:56

Kwonti kwe ahasogolaga mu nkaaya, mu ntala na mu magunda vhahavhavhiihaga avhavhinu mu nsokooni. Vhahamulambiilizya uYeesu kuuti avhavhinu vhaleme poosye lye likoopi ilya mwenda waakwe vhweleele. Pe avhavhinu vhonti vhe vhálemile, vhahapona.

Maliko 8:22

UYeesu na vhasundikwa vhaakwe vhahafiha mu nkaaya iya Betisaayida. Avhantu vhamo vhahamuleetela untonko, vhahamulambiilizya kuuti amuleme inga amuponie.

uLuuka 5:17

Isiku limo, uYeesu ahavhasambilizyaga avhantu mu nyumba yimo. Muli ivho vháliipo aVhafalisaayi na vhasambiilizi avha ndajizyo izya Moose, kufuma mu ntala zyonti izya mu Galilaaya ni zya mu Yudeeya, na mu nkaaya iya Yelusaleemu. Amaha aga MWENE uMulungu gáamile pooka nawo kuvhaponia avhavhinu.

uLuuka 6:18

Vhoope vhe vhahayimvilwaga ni mpepo inkandamanu, ahavhaponiaga.

iMbombo izya Vhatumwa 19:12

Avhantu vhahanyatulaga utwenda utwa kusyumulila amatwinsi na menda aganji ge uPaavhuli ahapalamansyaga, vhahavitwalaga ku vhavhinu, vhoope vhahaponaga amavhinu gaavho, havhili vhe vháamile ni mpepo imbiivhi zihafumaga.

1 Peteli 2:9

Ileelo uMulungu ávhasavhuuye imwe kuvha mwe vhantu vhaakwe. Imwe mwe vhapuuti mu vhumwene vhwakwe, havhili mwe vhantu avhafinjile. UMulungu ávhasavhuuye imwe, inga mukumusyaje imbombo zyakwe impiti. Uweene ávhiisite kufuma mu shiisi nu kuvhinjizya mu vhuzelu vhwakwe uvhupiti.