uLuuka 6:14 - ULufingwi uLupwa

¹⁴ Avhatumwa 12 ivho vhe vhano: uSiimoni (we uYeesu ámupiiye izina ilya Peeteli) nu Andeleeya umunine waakwe nu Yaakobu nu Yoohani nu Fiilipo nu Batolomaayo.

Tesitamenti Umupwa 1965

¹⁴ Ve vaSimoni, wʼamupiye nilya Peteli, nuAndeleya umuzuna wakwe, nuYakobu nuYohani nuFilipu nuBalitolomayi

uLuuka 6:14 ပူးပေါင်းရင်းမြစ်များ

Matayi 10:2

Amazina aga vhatumwa ivho 12 ge gano: uwa kwanda wu Siimoni (we izina ilyamwavho vhahatinji uPeeteli), nu Andeleeya umuzuuna waakwe nu Yaakobu umwana wa Zebedaayi nu Yoohani umunine waakwe.

Matayi 10:3

Avhamwavho wu Fiilipo nu Batolomaayo nu Toomasi nu Mataayi umusonchezya musonko nu Yaakobu umwana uwa Alufaayo nu Tadaayo nu

Matayi 4:18

Lwe uYeesu akujenda mu luvhazu mwa sumbi uwa Galilaaya, ahavhalola avhavuvhi avha nswi vhavhili, uSiimoni we izina ilyamwavho vhahatinji uPeeteli nu munine waakwe uAndeleeya. Vhahasumbilaga inyeelo zyavho mwa sumbi.

Matayi 4:21

Lwe uYeesu asogola pilongolela, ahavhalola avhanine avhamwavho vhavhili, uYaakobu nu munine waakwe uYoohani, avhaana vha Zebedaayi. Vháali mwi ivhooti pooka nu taata waavho uZebedaayi, vhahalinganyaaga inyeelo zyavho. UYeesu ahavhiita vhoope,

Maliko 1:19

Lwe uYeesu asogola pilongolela hansi ahavhalola avhanine avhamwavho vhavhili, uYaakobu nu munine waakwe uYoohani, avhaana vha Zebedaayi. Vháali mwi ivhooti, vhahalinganyaaga inyeelo zyavho.

Maliko 1:29

Lwe vhaafuma mwi isinagoogi, uSiimoni nu Andeleeya vhahamuposheela uYeesu nu Yaakobu nu Yoohani ku nyumba yaavho.

Maliko 14:33

Ahamunyatula uPeeteli nu Yaakobu nu Yoohani, ahataliha kuswimiililwa nkaani nu kupulupuuta mu mwoyo.

Maliko 3:16

Ivha 12 amazina gaavho ge gano: uSiimoni (ahamwita izina ilya Peeteli),

Maliko 5:37

UYeesu ahavhahaana avhantu avhanji kumulandata, nkandi we Peeteli nu Yaakobu nu Yoohani umunine uwa Yaakobu.

Maliko 9:2

Lwe zyatuuha insiku 6, uYeesu ahavhanyatula avha Peeteli nu Yaakobu nu Yoohani. Ahazuvha navho kukwilu pi igamba itali, vhahavha vheeka. Pe uYeesu ahagalunkana pa minso pilongolela lyavho.

uLuuka 5:10

Vhoope avhaana avha Zebedaayi, uYaakobu nu Yoohani, vhe vhahavuvhaga pooka nu Siimoni, vhahasukumila nkaani. Pe uYeesu ahamuvhuuzya uSiimoni ahati, “Siimoni utogopaje! Kufuma ileelo ili kuuti uvuvhaje avhantu.”

uLuuka 5:8

USiimoni we izina ilyamwavho vhahatinji uPeeteli, lwe aalola izyo, ahamusugamilila uYeesu ahati, “We Mwene, nkulaavha uyeepe pa kwane, mwe pe ine ne mutalamalandu.”

uLuuka 6:13

Lwe kwasha, ahavhiita avhasundikwa vhaakwe. Muli ivho ahavhasevha 12, ahaavhapa izina ilya vhatumwa.

uLuuka 6:15

Avhamwavho wu Mataayi nu Toomasi nu Yaakobu umwana wa Alufaayo nu Siimoni we ahayikungulaga kulwila insi yaakwe,

Yohani 1:45

UFiilipo ahamulola uNasaniyeeli, ahamuvhuuzya ahati, “Twamulola umuntu ula we uMoose ásimvile inongwa zyakwe mwi ikalaata ilya ndajizyo na we avhakuvhwi vhásimvile inongwa zyakwe. Umuntu uyo izina lyakwe wu Yeesu umwana wa Yoosefu we akufuma mu nkaaya iya Naazaleeti.”

Yohani 14:8

Pe uFiilipo ahamuvhuuzya uYeesu ahati, “We Mwene, tukukulaavha utulanje uTaata. Inga watulanga, lwe waamala zyonti.”

Yohani 6:5

Lwe uYeesu ali pi igamba, aheenya, ahalola ivhungaana ilya vhantu likwinza ku kwakwe. Pe ahamuvhuziilizya uFiilipo ahati, “Vhuli, tungaakala kwoshi ishaakulya isha kuvhaliisya avhantu vhonti ivha?”

Yohani 6:8

Pe uAndeleeya we áamile wooka mu vhasundikwa vhaala, havhili we áali munine nu Siimoni uPeeteli, ahamwamula uYeesu ahati,

iMbombo izya Vhatumwa 1:13

Lwe vhinjila mu nkaaya, vhahazuvha mu shumba isha pamwanya mu nyumba injelenkanu, vhahinjila mu shumba isho, mwe vhahatendamaga. Ivho vháamile vhe vha Peeteli nu Yoohani nu Yaakobu nu Andeleeya nu Fiilipo nu Toomasi nu Batolomaayo nu Mataayi. Avhamwavho vháamile vhe vha Yaakobu umwana wa Alufaayo nu Siimoni we ahayikungulaga kulwila insi yaakwe nu Yuuda umwana wa Yaakobu.

iMbombo izya Vhatumwa 12:2

Ahamugoga ni ipanga uYaakobu, umunine uwa Yoohani.

2 Peteli 1:1

Ukalaata uno nsimvile neene ne Peeteli, ne muvhomvi, havhili ne mutumwa uwa Yeesu Chilisiti. Nkuvhasimbila imwe mwe muposheleeye ulwitiho luula ulwa nsavho, lwe niiswe tuluposheleeye. Muluposheleeye ulwitiho ulwo kwi idala ilya vhugolosu uvhwa Mulungu wiitu uMuposhi uYeesu Chilisiti.