uLuuka 5:30 - ULufingwi uLupwa

³⁰ Avhasambiilizi avha ndajizyo izya Moose na Vhafalisaayi, vhahanda kuvhakwinkwina avhasundikwa avha Yeesu, vhahatinji, “Shooni she mukulya nu kumwela pooka na vhasonchezya musonko na vhatalamalandu?”

Tesitamenti Umupwa 1965

³⁰ AvenʼavaFalisayi navamanyakalata vavo vahumana navasundikwa vakwe vahati: Mukulya nakungʼwela shonu navasonkolamusonko avatalamalandu?

uLuuka 5:30 ပူးပေါင်းရင်းမြစ်များ

Matayi 5:46

Inga mukuvhakunda vhe vhe vhakuvhakunda imwe, pe muliposheela malipilo vhuli? Avhasonchezya musonko vhoope vhakuvhakunda vhaala vhe vhakuvhakunda avheene!

Matayi 9:11

Lwe aVhafalisaayi vhazilola izyo, vhahavhakwinkwina avhasundikwa vhaakwe vhahati, “Shooni she umusambiilizi wiinyu akulya pooka na vhasonchezya musonko na vhatalamalandu?”

Maliko 2:16

Avhasambiilizi avha ndajizyo izya Moose vhe vháali Vhafalisaayi, lwe vhaalola uYeesu akulya na vhantu vhaala, vhahavhakwinkwina avhasundikwa vhaakwe vhahati, “Shooni she akulya na vhasonchezya musonko na vhatalamalandu?”

Maliko 7:3

AVhafalisaayi na Vhayuuda vhonti vhatahalyanga ishaakulya inga vhatágeezile mu nyoovhe, mwe pe vhálemile amaata aga vhataata vhaavho avha hali.

Maliko 9:16

UYeesu ahavhavhuziilizya avhantu vhaala ahati, “Mukudalinkana ishooni navho?”

uLuuka 18:11

“UMufalisaayi uyo ahimiilila kulaavha. Ahalaavha mu mwoyo waakwe, ahati, ‘We Mulungu, nkukusalifwa, mwe pe ine ntali inza avhantu avhanji, avhapumula vintu na vhatalamalandu na vhavhembu, poosye inza umusonchezya musonko uno!

uLuuka 19:7

Avhantu vhonti vhe vhámuvhwenyi uYeesu lwe akwinjila muula, vhahanda kukwinkwina, vhahati, “Shooni she asogola kutendama mwa muntu umutalamalandu!”

uLuuka 5:17

Isiku limo, uYeesu ahavhasambilizyaga avhantu mu nyumba yimo. Muli ivho vháliipo aVhafalisaayi na vhasambiilizi avha ndajizyo izya Moose, kufuma mu ntala zyonti izya mu Galilaaya ni zya mu Yudeeya, na mu nkaaya iya Yelusaleemu. Amaha aga MWENE uMulungu gáamile pooka nawo kuvhaponia avhavhinu.

uLuuka 5:21

Pe avhasambiilizi avha ndajizyo na Vhafalisaayi vhaala vhahanda kuvhuzilizanya kuuti, “Ishi wu naanu uno we akumusaamula uMulungu? Ataliipo umuntu we angavhaswila avhantu uvhutalamalandu, nkandi we Mulungu weeka!”

uLuuka 7:34

Niine ne Mwana wa Aadamu ninzile, nkulya nu kumwela. Imwe mukuti, uno mupafu, havhili wu shimwela! Havhili mukuti, mumanyani uwa vhasonchezya musonko na vhatalamalandu avhanji!

uLuuka 7:39

Pe uMufalisaayi ula lwe aalola izyo, ahasiivha mu mwoyo waakwe ahati, “Umuntu uno, inga nalyoli aamile mukuvhwi, nkandi amanyile kuuti umwantanda uno we akumupalamansya ali vhulivhuli, nkandi amanyile kuuti uno mutalamalandu!”

iMbombo izya Vhatumwa 23:9

Pe kuhavha amadali amapiti nkaani mu vhapiti avha lukuvhato. Avhasambiilizi vhamo avha ndajizyo aVhafalisaayi, vhahimiilila uku vhakudalinkana vhakuti, “Tutavhulola uvhunanzi kwa muntu uno. Pamo impepo, poosye uhavhizya, ayanzile nawo.”