uLuuka 5:26 - ULufingwi uLupwa

²⁶ Pe vhonti vhahasukumila nu kumutiima uMulungu, vhahavha ni lyoga nkaani, vhahati, “Ileelo ili twazilola izya kusukumizya!”

Tesitamenti Umupwa 1965

²⁶ Pe vahatentwa nkani vonti, vahamutinihʼuMulungu. Shʼishitetemwi shihavagwila, vahati: Zye tuziwenyi musanyʼuno zili payo.

uLuuka 5:26 ပူးပေါင်းရင်းမြစ်များ

Matayi 12:23

Ivhungaana ilya vhantu lihasukumila nu kuyanga kuuti, “Vhuli, uno te Mwana wa mwene uDaavhudi?”

Matayi 28:8

Pe avhantanda vhaala vhaheepa naluvhiilo pa mbiipa kwi lyoga nu luseshelo ulupiti. Vhahashimbila kusogola kuvhavhuuzya avhasundikwa avha Yeesu inza vwe uhavhizya uyo ávhavhuziizye.

Matayi 9:8

Ivhungaana ilya vhantu lwe lyalola izyo, lihoogopa nkaani. Lihamutiima uMulungu we ávhapiiye avhantu amaha igo.

Maliko 2:12

Pepaala ahimiilila, ahanyatula izagala lyakwe, aheepa she avhantu vhonti vhakumulola. Avhantu vhe vháliipo paala lwe vhaalola vhahasukumila nkaani, vhahamutiima uMulungu, vhahati, “Tutahalola naalumo amafindango inza iga!”

uLuuka 1:65

Pe avhapalamani vhonti avha Zakaliya, vhahoogopa nkaani. Inongwa izi zihajendeelela kukumuha mu nsi yonti iya mu magamba aga mu Yudeeya.

uLuuka 5:8

USiimoni we izina ilyamwavho vhahatinji uPeeteli, lwe aalola izyo, ahamusugamilila uYeesu ahati, “We Mwene, nkulaavha uyeepe pa kwane, mwe pe ine ne mutalamalandu.”

uLuuka 7:16

Avhantu vhonti, ilyoga lihavhalema! Vhahanda kumutiima uMulungu, vhahati, “Umukuvhwi umupiti afumiiye muli iswe! UMulungu ayinzile kuvhaavwa avhantu vhaakwe!”

uLuuka 8:37

Pe avhantu vhonti avha mu nsi iya Vhagelaasi, vhahalemwa ni lyoga. Pe vhahamulambiilizya uYeesu kuuti avhwele ku mwavho. Woope ahinjila mwi ivhooti, ahavhwela.

iMbombo izya Vhatumwa 4:21

Avhapiti vhaala vhahavhasoha ku vhuhali, pe vhahavhaleha. Vháposiitwe kuuvhapa isunde, mwe pe avhantu vhonti vhahamutiimaga uMulungu nkaani ku mafindango ge avha Peeteli nu Yoohani vhávhomvile kwa muntu ula.

VaGalati 1:24

Pe vhahamutiima uMulungu ku zye nkavhombaga.