uLuuka 5:24 - ULufingwi uLupwa

²⁴ Ileelo ishi nkwanza mumanye kuuti, ne Mwana wa Aadamu indi na maha aga kuvhaswila avhantu uvhutalamalandu mu nsi.” Pe ahamuvhuuzya ula we áhataliiye ahati, “Nkukuvhuuzya kuuti, yimiliila! Nyatuula izagala lyaho, vhwelaaga kuhaaya.”

Tesitamenti Umupwa 1965

²⁴ Nkandi she nkuti mumanyʼuMwanamuntu ukuti akuswila namalandu munsʼumu,— lyʼahayanga kulʼuno wʼali nishulu ahati: Vuhaga, nyatulagʼishitala shaho, uvale kuhaya.

uLuuka 5:24 ပူးပေါင်းရင်းမြစ်များ

Matayi 16:13

Lwe uYeesu aafiha mu lutala ulwa mu nkaaya iya Kayisaaliya mu Fiilipi, ahavhavhuziilizya avhasundikwa vhaakwe ahati, “Avhantu vhakuti ine ne Mwana wa Aadamu ne naanu?”

Matayi 25:31

UYeesu ahajendeelela kuvhavhuuzya avhasundikwa vhaakwe kuuti, “Lwe ine ne Mwana wa Aadamu ninza mu vhushindamu vhwane pooka na vhahavhizya vhonti, nditendama pa shitengo shaane isha vhushindamu.

Matayi 26:64

UYeesu ahamwamula ahati, “Iwe wayanga. Ileelo nkuvhavhuuzya mwenti kuuti, kwandila ishi kwe mundole ne Mwana wa Aadamu ntendiime ku luvhazu ulwa kundiilo ulwa Mulungu uwa Maha Gonti pa vhushindamu uvhupiti nkaani. Havhili kwe mundole nkwinza mu mavhingo.”

Matayi 28:18

Pe uYeesu ahapalamila ku kwavho, ahavhavhuuzya ahati, “UMulungu ampiiye amaha gonti ku mwanya na pa nsi.

Matayi 4:24

Pe inongwa zyakwe zihakumuha nkaani mu nsi yonti iya Siiliya. Avhantu vhahavhatwalaga avhavhinu na vha ntamwo izya mavhiila mu mavhiila vhonti. Muli ivho, vháliipo avha mpepo inkandamanu na vhe vháali ni shinzilisi na vhe vháhataliiye. Woope ahavhaponiaga vhonti.

Matayi 9:6

Ileelo ishi nkwanza mumanye kuuti ne Mwana wa Aadamu indi na maha aga kuvhaswila avhantu uvhutalamalandu mu nsi.” Pe ahamuvhuuzya ula we áhataliiye ahati, “Nkukuvhuuzya kuuti, yimiliila! Nyatuula izagala lyaho, vhwelaaga kuhaaya.”

uLuuka 5:13

UYeesu ahagolosya inyoovhe yaakwe nu kumupalamansya, ahati, “Nkwanza uzelupe!” Ahavhaliilizyo hanaaho amambombo gahamwepa mu muvhili waakwe.

uLuuka 5:18

Pe vhahinza avhantu vhamo, vhamusenziinye pi izagala umuntu we áhataliiye. Vhahalinga kumwinjizya mu nyumba, inga vhamuvhiishe pa Yeesu kuuti amuponie.

uLuuka 5:23

Ishi lili kwoshi lye lipupuusu: kumuvhuuzya umuntu uno we ahataliiye kuuti, ‘Nakuswila uvhutalamalandu vhwaho,’ pamo kuuti, ‘Yimiliila ujendaje’?

uLuuka 7:14

Pe ahayipalamila imbogooso mwe ishaala sháamile, ahayipalamansya. Avhantu vhe vhávhusiizye, vhahimiilila. Ahati, “We mujaaha, nkukuvhuuzya kuuti, vhuuha!”

uLuuka 8:54

UYeesu ahamulema inyoovhe, ahamuvhilishila kwi izwi ahati, “Mwana waane, damuuha!”

Yohani 11:43

Lwe uYeesu ayanga izyo, ahavhilishila kwi izwi ipiti ahati, “We Laazalo, fuma kunzi!”

Yohani 17:2

Izyo zikuvhombeha, mwe pe umpiiye amaha aga kuvhakonzya avhantu vhonti, inga mbape vhe vhakuniitiha uvhulanzi uvhwa shiima.

Yohani 3:13

Ataliipo umuntu wonti we ahasogola ku mwanya, ileelo ine ne Mwana wa Aadamu ne nkinza kufuma ku mwanya.

Yohani 5:27

Havhili, ampiiye amaha aga kuvhalonga avhantu, mwe pe ne Mwana wa Aadamu.

iMbombo izya Vhatumwa 14:10

UPaavhuli ahayanga kwi izwi ipiti ahati, “Yimiliila! Golooha!” Pe umuntu uyo ahimiilila naluvhiilo, ahanda kujenda wuuyo weeka.

iMbombo izya Vhatumwa 5:31

Ahamuzuvwa nu kumuvhiiha ku luvhazu lwakwe ulwa kundiilo, kuvha wu Songo, havhili kuvha Muposhi, inga uMulungu atwavwe swe Vhaisilayeeli tuvhe ni idala ilya kupinduha nu kuswilwa uvhutalamalandu vhwitu.

iMbombo izya Vhatumwa 9:34

Pe uPeeteli ahamuvhuuzya ahati, “Iwe Yeneeya, uYeesu Chilisiti akukuponia. Ishi yimiliila! Zinga ishilili shaaho.” Naluvhiilo uYeneeya ahimiilila.

iMbombo izya Vhatumwa 9:40

UPeeteli ahavhafumwa vhonti panzi, ahasugamila, ahamulaavha uMulungu. Pe aheenya ku shaala shiila, ahati, “We Taabita, damuula!” UTaabita ahadaamula. Lwe amulola uPeeteli, ahatendama.

Ishitushizya 1:13

Pahati ya visajishilo nkamulola wumo we áali ngati Mwana wa Aadamu, ázwaye inkanzu intali nu kuyipinya ilamba ilya sahaabu pa shifuvha.