uLuuka 5:17 - ULufingwi uLupwa

¹⁷ Isiku limo, uYeesu ahavhasambilizyaga avhantu mu nyumba yimo. Muli ivho vháliipo aVhafalisaayi na vhasambiilizi avha ndajizyo izya Moose, kufuma mu ntala zyonti izya mu Galilaaya ni zya mu Yudeeya, na mu nkaaya iya Yelusaleemu. Amaha aga MWENE uMulungu gáamile pooka nawo kuvhaponia avhavhinu.

Tesitamenti Umupwa 1965

¹⁷ Umusanya woka lelo, uwene lwʼakuvavuzyʼinongwa, lwe vatendime pupo vope navaFalisayi navasambilizyankomelezyo, ve vafumile munkaya zyonti zya mu-Galilayi nizya mu-Yudayi namu-Yelusalemu, pʼamaha ga Mwene gahava nawo aga kuzuzuvushizyʼavantu.

uLuuka 5:17 ပူးပေါင်းရင်းမြစ်များ

Matayi 11:5

Avhantonko vhakulola havhili, na vhantendya vhakujenda na vha mambombo vhakuzelupa. Havhili vhoope avhakuutwi vhakwivwa, na vhafwe vhakuzyuha na vhapiina vhakulumbiililwa Izwi iLyinza.

Matayi 15:1

Pisinda, aVhafalisaayi vhamo na vhasambiilizi avha ndajizyo izya Moose vhahinza kufuma ku Yelusaleemu. Vhahasogola kwa Yeesu, vhahamuvhuziilizya vhahati,

Maliko 1:45

Ileelo umuntu ula atahapuuma, ahajendeelela kukumusya zye uYeesu amuvhombela zyonti. Pe mu nkaaya yonti yihavha shigomu kwa Yeesu, poosye kwinjila apazelu, mwe pe avhantu vhahamuvhunganilaga, ahiima kukwilu kwe kutáali avhantu. Ileelo avhantu kufuma intala zyonti vhahamulandata kwekuula kwe áamile.

Maliko 16:18

Inga vhaalema injoha, poosye inga vhangamwela vwe vikuhola, te vivhavhombaje naashimo. Havhili kwe vhavhavhishilaje inyoovhe avhavhinu, vhoope kwe vhaponaje.”

Maliko 3:22

Avhasambiilizi avha ndajizyo izya Moose vháfumile ku Yelusaleemu vhahafiha kwa Yeesu, vhahati, “Alemwilwe nu Belizabuuli umupiti uwa mpepo inkandamanu. Akushimbizya impepo inkandamanu ku maha aga Belizabuuli!”

Maliko 5:30

UYeesu ahamanya pepaala kuuti amaha gaakwe gamo aga kuponia gamwepa. Ahagalunkana aheenya imbazu zyonti, ahati, “Wu naanu we apalamansya amenda gaane?”

Maliko 7:1

Pe aVhafalisaayi na vhasambiilizi avha ndajizyo izya Moose vhahafuma ku Yelusaleemu, vhoope vhahavhungaana kwilongolela kwa Yeesu.

uLuuka 15:2

Pe aVhafalisaayi na vhasambiilizi avha ndajizyo vhahanda kukwinkwina kuuti, “Yeenya umuntu uno! Akuvhaposheela avhatalamalandu nu kulya pooka navho.”

uLuuka 2:46

Lwe zyatuuha insiku zitatu kufuma pe vhéefile ku Yelusaleemu, vhahamwaga pa Nyumba iMfinjile. Átendiime pahati pa vhasambiilizi avha ndajizyo izya Moose, ahavhatejelezyaga nu kuvhavhuziilizya.

uLuuka 5:21

Pe avhasambiilizi avha ndajizyo na Vhafalisaayi vhaala vhahanda kuvhuzilizanya kuuti, “Ishi wu naanu uno we akumusaamula uMulungu? Ataliipo umuntu we angavhaswila avhantu uvhutalamalandu, nkandi we Mulungu weeka!”

uLuuka 5:30

Avhasambiilizi avha ndajizyo izya Moose na Vhafalisaayi, vhahanda kuvhakwinkwina avhasundikwa avha Yeesu, vhahatinji, “Shooni she mukulya nu kumwela pooka na vhasonchezya musonko na vhatalamalandu?”

uLuuka 6:19

Avhantu vhonti vhahanzaga kumupalamansya uYeesu, mwe pe amaha gahafumaga mu muvhili waakwe nu kuvhaponia vhonti.

uLuuka 7:30

Ileelo aVhafalisaayi na vhasambiilizi avha ndajizyo vháhaanile ulukasamo ulwa Mulungu ku kwavho, mwe pe vhatózeliilwe nu Yoohani.

uLuuka 8:46

Ileelo uYeesu ahati, “Aliipo umuntu we ampalamansya, mwe pe nkuyilola kuuti amaha aga kuponia ganeepa.”

Yohani 3:10

UYeesu ahamwamula ahati, “Iwe we musambiilizi uwa vhantu avha mu nsi iya Isilayeeli we ukushindikwa, utazimanyile vhuli zyonti izi?

Yohani 3:21

Ileelo avhantu vhonti vhe vhakuvhomba izya nalyoli vhakusogola ku vhuzelu uvhwo, inga imbombo zyavho ziloleshe apazelu kuuti zikuvhombwa inza vwe uMulungu akwanza.”

iMbombo izya Vhatumwa 19:11

Ahavhaliilizyo iho, uMulungu ahavhombaga amafindango aga kusukumizya kutuushila kwa Paavhuli.

iMbombo izya Vhatumwa 4:30

Lwe tukulumbiilila, ulolesyaje amaha gaaho aga kuvhaponia avhavhinu nu kuvhomba ivilolesyo ni zya kusukumizya kutuushila kwi izina ilya Yeesu umuvhomvi waaho umufinjile.”

iMbombo izya Vhatumwa 5:34

Ileelo áliipo uMufalisaayi wumo, izina lyakwe vhahatinji uGamaliyeeli. Uyo áamile musambiilizi uwa ndajizyo izya Moose, we avhantu vhonti vhahamushindihaga. Pe uweene ahimiilila pa lukuvhato luula ulwa vhalongozi, ahalajizya kuuti, vhavhafumwe panzi avhatumwa vhaala ku havhaliilizyo hansi.