uLuuka 4:7 - ULufingwi uLupwa

⁷ Inga wampuuta, vwonti kwe vivhe vwaho.”

Tesitamenti Umupwa 1965

⁷ Ingʼukuputa kukwane lelʼiwe, pe zikuva zyaho wenewe zyonti.

uLuuka 4:7 ပူးပေါင်းရင်းမြစ်များ

Matayi 2:11

Pe vhahinjila mu nyumba, vhahamulola umwana ali nu nyina uMaliiya, vhahamusugamilila nu kumupuuta. Vhahasatula vwe vhápinyile, vhahamufumwizya ivipeelwa ivwa sahaabu ni vwa kusuushizya na mafuta ge gakununshila.

uLuuka 17:16

Lwe aafiha, ahagwa ishikupama pilongolela pa vinama ivwa Yeesu nu kumusalifwa. Umuntu uyo, áamile Musamaliya.

uLuuka 4:6

Ahamuvhuuzya ahati, “Kwe nkupe amaha aga kukonzya uvhumwene uvhu vhwonti nu vhushindamu vhwakwe, mwe pe vwonti vwane. Ine nkuumupa umuntu wonti ku lukasamo lwane.

uLuuka 4:8

UYeesu ahamwamula ahati, “Yisimviilwe mu Vhusimbe uVhufinjile kuuti, ‘Umupuutaje uMWENE waaho uMulungu weeka, havhili umuvhombelaje wuuyo weeka vhweleele.’”

uLuuka 8:28

Lwe amulola nu kumumanya uYeesu, ahahoola inkoolo, ahamusugamilila, ahayanga kwi izwi ipiti ahati, “Shooni she ukuninjiilila iwe Yeesu, we Mwana wa Mulungu uMupiti uwa ku Mwanya? Nalamba utahanjimvwe.”

Ishitushizya 22:8

Ine ne Yoohani, názivhwenyi nu kuzyivwa izi zyonti. Lwe niivwa nu kulola nkakupama pansi pa vinama ivwa havhizya ula we ándanzile izi, inga imupuute.

Ishitushizya 4:10

pe vhoope avhasongo vhaala 24 vhakukupama. Vhakukupama pilongolela lyakwe uweene we atendiime pa shitengo isha vhumwene. Vhoope vhakumupuuta uweene we mulanzi shiima shiima, havhili vhakusumba ivipambwi vwavho pilongolela ilya shitengo isha vhumwene. Vhakuti,

Ishitushizya 5:8

Lwe hanyatula ikalaata ilyo, ivipelwa viila vine pooka na vhasongo vhaala 24 vhahakupama pilongolela ilya Hagonzi aha MWENE uMulungu. Vhonti vháamile na mapango ni mbiga izya sahaabu zye zyízuuye ivwa kusuushizya vwe vikununshila. Ivwa kusuushizya ivwo zye mpuuto zya vhafinjile.