uLuuka 4:43 - ULufingwi uLupwa

⁴³ Ileelo uweene ahalivhuuzya ahati, “Nkwanzilwa kulumbiilila Izwi iLyinza ilya vhumwene uvhwa Mulungu na mu nkaaya izinji mwope, mwe pe vhansonteleziizye kuvhomba vhwevhulo.”

Tesitamenti Umupwa 1965

⁴³ Uwene nyene ahavavuzya ahati: Munkaya mwonti nakunji nziyangajʼinongwʼinyinza zya vumwene vwa Mulungu, she zye zizyo ntumilwe.

uLuuka 4:43 ပူးပေါင်းရင်းမြစ်များ

Matayi 4:23

UYeesu ahazyunguulaga mu shigavho isha nsi shonti isha Galilaaya. Ahinjilaga mu masinagoogi gaavho, umwo ahasambilizyaga avhantu nu kukumusya Izwi iLyinza ilya vhumwene uvhwa Mulungu nu kuvhaponia amavhinu gonti nu vhuyeyevhazu uvhwa mavhiila mu mavhiila.

Maliko 1:35

Indaavhi yaakwe inzanshi lwe kushiili kusha uYeesu ahadaamula, aheepa mu nyumba, ahasogola pe patáali avhantu kulaavha.

Yohani 20:21

UYeesu ahavhavhuuzya havhili ahati, “Uvhutehamu vhuvhe pooka niimwe! Inza vwe uTaata ánsonteleziizye ine, vhwevhulo niine nkuvhasonteelezya imwe.”

Yohani 9:4

Tukwanzilwa kuvhomba imbombo iya Mulungu we ansonteleziizye she musanya. Uvhusiku vhukwinza vhwe umuntu nuumo atangavhomba imbombo izi.

iMbombo izya Vhatumwa 10:38

Kwe kuuti mumanyile vwe uMulungu ámusavhuuye uYeesu uwa ku Naazaleeti kwi idala ilya kuumupa uMupepo uMufinjile na maha. Ahavha pooka nawo, ahamuvhiiha kuuti avhombaje inyinza mu vhantu ponti, ahaponia vhonti vhe vhahayimvilwaga na maha aga Mukwalanzi.

2 Timoti 4:2

Uvhakumusizyaje avhantu izwi ilya Mulungu, yivhe kwe ku havhaliilizyo he hahondeeye, poosye he hatahondeeye. Havhili uvhasohaje nu kuvhapilila nu kuvhagomwa amooyo nu kuvhasambiilizya vhujimbiilizu vhwonti.