uLuuka 4:35 - ULufingwi uLupwa

³⁵ UYeesu ahayipilila impepo yiila ahati, “Ahalanga! Fuma mwa muntu uno!” Impepo iyo yihamugwisya umuntu uyo pilongolela lyavho, yihafuma ishisita kumuvwalazya.

Tesitamenti Umupwa 1965

³⁵ UwenʼuYesu ahayipilila ahati: Pumaga, ufume mumuntʼuno. Pʼimpepʼimbivi ihamupamizya pahati, ihafuma kukwakwe nakumuṿulazya napamo.

uLuuka 4:35 ပူးပေါင်းရင်းမြစ်များ

Matayi 17:18

Lwe vhamuleeta, uYeesu ahayipilila impepo inkandamanu ye yáamile muhati yaakwe, yoope yihafuma. Panaapo umulumendo uyo ahapona.

Matayi 8:26

UYeesu ahavhaamula ahati, “Shooni she mukwogopa, imwe mwe vha lwitiho ulunsi?” Pe ahimiilila, ahayipilila inkungu nu sumbi, vihapuuma mwaa.

Maliko 1:26

Impepo iyo yihamutetemesya umuntu ula, ahahoola nkaani, yihafuma.

Maliko 4:39

Ahadaamula, ahayipilila inkungu nu kumuvhuuzya usumbi kuuti, “Puuma!” Pepaala, inkungu yihaleha kuvugula, usumbi ahapuuma mwaa!

Maliko 9:26

Impepo inkandamanu yiila yihahoola nu kumugalagaasya ku maha nkaani, pe yiheepa. Umwana ula ahiima ngati afuuye, avhantu avhinji vhahatinji aafwa.

uLuuka 11:22

Ileelo inga ayinza umuntu uwa maha kuluusya uweene, akumugoma nu kumupoota. Pe akumufwula ivilwilo vwonti vwe asuvhilaga, nu kupumula ivintu vwonti vwe vili mu nyumba nu kuvhagavhila avhanji.

uLuuka 4:23

UYeesu ahavhavhuuzya ahati, “Nalyoli kwe mumbuuzye ku miivhi kuuti, ‘Iwe muganga, yiponie weneewe!’ Kwe muti, ‘Imbombo zye twivuuye uvhomvile mu nkaaya iya Kapelanawuumu, ishi uzivhombe na pa nkaaya ipa pa mwinyu weneewe.’”

uLuuka 4:39

Pe ahimiilila papiipi nu muvhinu, ahayipilila inzegema iyo. Panaapo inzegema yihapona, woope ahavhuuha, ahataliha kuvhavhombela.

uLuuka 4:41

Havhili, ahazyefwaga impepo inkandamanu inyinji, zyope zihazumaga ahalanga zihatinji, “Iwe we Mwana wa Mulungu!” Ileelo ahazihaanaga kuuti zitamutahaje, mwe pe zyámumanyile kuuti wu Chilisiti.

uLuuka 8:24

Pe avhasundikwa vhahasogola kumudaamusya, vhahati, “We Mwene! Tukufwa!” UYeesu ahadaamula, ahayipilila inkungu na mavhilingwa, naluvhiilo vihapuuma mwaa!

uLuuka 9:39

Ulwinji impepo inkandamanu yikumulema, lwe yikumulema akuhoolaga nkaani. Havhili yikumuyinzanyaaga nu kumugwisya pansi. Yikumuletelaga ishinzilisi na matatafula gakumufumaga mwi ilomu. Impepo iyo yikumuhomezyaga nkaani, yitakumuleshelaga naluvhiilo.

uLuuka 9:42

Umwana uyo lwe akusogola kwa Yeesu, impepo iyo yihamugwisya pansi nu kumugalagaasya. Pe uYeesu ahayipilila, ahamuponia umwana uyo nu kumugalusya kwa yise.

Ishitushizya 12:12

Ishi pe seshelaaji, imwe mwe mwanya, na mwe mukutendama muumwo! Yasheela insi nu sumbi! Mwe pe uMukwalanzi ayiisile kuli imwe nu mulaha umupiti nkaani, amanyile kuuti ali na havhaliilizyo hansi vhweleele.”