uLuuka 4:34 - ULufingwi uLupwa

³⁴ “Shooni she ukutwinjiilila, iwe Yeesu wa ku Naazaleeti? Uyinzile kutulovwa? Imanyile kuuti iwe we Mufinjile uwa Mulungu!”

Tesitamenti Umupwa 1965

³⁴ Ye! tuli vuli naswe nawe we Yesu wa mu-Nazaleti? Uyinzilʼukututupula? Nkumanyilʼine, she we Mufinjile wa Mulungu iwe.

uLuuka 4:34 ပူးပေါင်းရင်းမြစ်များ

Matayi 8:29

Pe vhahahoola nkaani, vhahati, “Shooni she ukutwinjiilila iwe we Mwana wa Mulungu? Vhuli, uyinzile kutulovwa she ahavhaliilizyo hashiili?”

Maliko 1:24

Ahahoola inkoolo ahati, “Shooni she ukutwinjiilila, iwe Yeesu wa ku Naazaleeti? Uyinzile kutulovwa? Imanyile kuuti iwe we Mufinjile uwa Mulungu.”

Maliko 1:34

Ahavhaponia avhantu vhonti avha mavhinu aga mavhiila mu mavhiila. Havhili, ahazyefwa impepo inyinji, ileelo ahazihaana kuuti zitamutahaje, mwe pe zyámumanyile kuuti wu naanu.

Maliko 5:7

ahahoola kwi izwi ipiti ahati, “Shooni she ukuninjiilila iwe Yeesu, we Mwana wa Mulungu uMupiti uwa ku Mwanya? Nalamba nkaani kwi izina ilya Mulungu utahanjimvwe!”

uLuuka 1:35

Uhavhizya ahamwamula ahati, “UMupepo uMufinjile kuuti akwishile, na maha aga Mulungu uMupiti uwa ku Mwanya kuuti gakugwinshile inza ahanzundila. Pe umwana we ulipaapa aliivha mufinjile, havhili avhantu vhalitinji Mwana wa Mulungu.

uLuuka 4:33

Mwi isinagoogi ilyo, mwáli umuntu wumo we álemwilwe ni mpepo inkandamanu, ahahoola kwi izwi ipiti, ahati,

uLuuka 4:41

Havhili, ahazyefwaga impepo inkandamanu inyinji, zyope zihazumaga ahalanga zihatinji, “Iwe we Mwana wa Mulungu!” Ileelo ahazihaanaga kuuti zitamutahaje, mwe pe zyámumanyile kuuti wu Chilisiti.

uLuuka 8:28

Lwe amulola nu kumumanya uYeesu, ahahoola inkoolo, ahamusugamilila, ahayanga kwi izwi ipiti ahati, “Shooni she ukuninjiilila iwe Yeesu, we Mwana wa Mulungu uMupiti uwa ku Mwanya? Nalamba utahanjimvwe.”

uLuuka 8:37

Pe avhantu vhonti avha mu nsi iya Vhagelaasi, vhahalemwa ni lyoga. Pe vhahamulambiilizya uYeesu kuuti avhwele ku mwavho. Woope ahinjila mwi ivhooti, ahavhwela.

iMbombo izya Vhatumwa 16:39

Vhahinza kuvhalambiilizya, vhahavhafumwa mu jeela, vhahavhalaavha kuuti, vheepe mu nkaaya yiila.

iMbombo izya Vhatumwa 2:27

mwe pe te uhandeshe ku vhuzimu, poosye kwitishila kuuti umuvhili waane vhufishile kuvhola, ine ne Mufinjile waaho.

iMbombo izya Vhatumwa 3:14

Imwe muhamuhaana uYeesu, we Mufinjile wa Mulungu havhili Mugolosu. Ileelo muhalaavha kuuti, umuntu we mugozi we asatulwe!

iMbombo izya Vhatumwa 4:27

Nalyoli vwe zili! Umwene uHeelodi nu Pontiyo uPilaato pooka na Vhaisilayeeli na vhantu avha nsi izinji vhavhungiine mu nkaaya ino, kuzya Yeesu umuvhomvi waaho umufinjile. Havhili uyo we wámusevile kuuti avhe wu Chilisiti.

VaHebuli 2:14

Mwe pe avhaana ivho vhali na mavhili na mavhanda, woope uYeesu áyinzile nu muvhili na mavhanda inza avheene. Ávhomvile vhwevhulo, inga kwi idala ilya vhufwe vhwakwe agapoote amaha aga Mukwalanzi we ali na maha aga kuleeta uvhufwe.

Yakobu 2:19

Ukwitiha kuuti uMulungu ali wooka. Mwe muumwo! Zyope impepo inkandamanu zikwitiha vhwevhulo nu kutetema kwi lyoga!

1 Yohani 3:8

Ileelo umuntu we avheleleeye kuvhomba uvhutalamalandu, we mwana wa Mukwalanzi. Nkuyanga vhwevhulo, mwe pe uMukwalanzi avheleleeye kuvhomba uvhutalamalandu kufuma ku vhwandilo uvhwa vintu vwonti. Ye nongwa uMwana wa Mulungu ahinza mu nsi, kuzinanganya imbombo izya Mukwalanzi.

Ishitushizya 20:2

Ahalilema iyoha ilyo, injoha iya hali, ye wu Mukwalanzi, poosye wu Seetano, ahalikunga ku havhaliilizyo aha maaha 1,000.

Ishitushizya 3:7

“Uhavhizya uwa shivhanza isha ku Filadelufiya, musimbile uti: Iga mazwi kufuma kwa Yeesu, ula we mufinjile, havhili uwa nalyoli, we ali ni shigulilo isha maha isha mwene uDaavhudi. Uweene we inga ayiigula nuumo uwa kwigalila, havhili inga agalila nuumo uwa kwigula: