uLuuka 4:29 - ULufingwi uLupwa

²⁹ Pe vhahimiilila, vhahamufumwa uYeesu mu nkaaya yaavho ye yáamile pi igamba pamwanya. Vhahanzaga kumubunshiilila kwi ipalaazya, inga agwe pansi, afwe.

Tesitamenti Umupwa 1965

²⁹ Pe vahavuha vahamushimbizya muhaya, vahavalʼukumuviha palungalagata lwʼigamba lye vazenzilʼinkaya yavo, vahati tumubunchilizyaje pansi.

uLuuka 4:29 ပူးပေါင်းရင်းမြစ်များ

uLuuka 4:28

Avhantu vhonti vhe vháamile mwi isinagoogi, lwe vhiivwa amazwi igo, vhahaviitwa nkaani.

Yohani 8:37

Imanyile kuuti imwe mwe vha mu luho ulwa Aabulahamu, ileelo mukulondola idala ilya kungoga, mwe pe mukuhaana kuzyitiha zye nkuvhasambiilizya.

Yohani 8:40

Ileelo ishi mukulondola idala ilya kungoga, pooka nu kuuti navhavhuuzya uvhwanalyoli vhwe návhwivuuye kufuma kwa Mulungu. UAabulahamu atávhomvile inza vwe imwe mukwanza kumbombela.

Yohani 8:59

Lwe aVhayuuda vhiivwa izyo, vhahasevha amavhwe inga vhamuhome nu kumugoga, ileelo uYeesu ahazyihama nu kufuma pa Nyumba iMfinjile.

VaHebuli 13:12

Ye nongwa uYeesu woope áyimviliilwe nu kumugoga panzi iya shikwilo ishipiti isha nkaaya iya Yelusaleemu, inga avhazelufwe avhantu uvhutalamalandu vhwavho kwi idala ilya mavhanda gaakwe.