uLuuka 4:23 - ULufingwi uLupwa

²³ UYeesu ahavhavhuuzya ahati, “Nalyoli kwe mumbuuzye ku miivhi kuuti, ‘Iwe muganga, yiponie weneewe!’ Kwe muti, ‘Imbombo zye twivuuye uvhomvile mu nkaaya iya Kapelanawuumu, ishi uzivhombe na pa nkaaya ipa pa mwinyu weneewe.’”

Tesitamenti Umupwa 1965

²³ Ahavavuzya ahati: Imwe mulimbuzyʼumwivʼuno wʼakuti: We muganga, uyikantule wewe weka. Inza she gugo twiṿuyʼukuti upezile namu-Kapelinahumu ungatupelela gamo naswe swe va munumu mwʼukuliye.

uLuuka 4:23 ပူးပေါင်းရင်းမြစ်များ

Matayi 13:54

Lwe aafiha mu nkaaya iya ku mwavho, ahataliha kuvhasambiilizya avhantu mwi isinagoogi lyavho. Avhantu ivho vhahasukumila nu kuvhuzilizanya kuuti, “Umuntu uno avhwazile kwoshi uvhushindamu uvhwa njeele na maha aga kuvhomba amafindango iga?

Matayi 4:13

Lwe uYeesu ali mu Galilaaya, aheepa mu nkaaya iya Naazaleeti, ahasogola kutendama mu nkaaya iya Kapelanawuumu. IKapelanawuumu nkaaya ye yili mu luvhazu mwa sumbi uwa Galilaaya, ku luvhazu ulwa nsi iya Zaabulooni ni ya Naafutaali.

Matayi 4:23

UYeesu ahazyunguulaga mu shigavho isha nsi shonti isha Galilaaya. Ahinjilaga mu masinagoogi gaavho, umwo ahasambilizyaga avhantu nu kukumusya Izwi iLyinza ilya vhumwene uvhwa Mulungu nu kuvhaponia amavhinu gonti nu vhuyeyevhazu uvhwa mavhiila mu mavhiila.

Maliko 6:1

UYeesu na vhasundikwa vhaakwe vhahafuma ukwo, vhahafiha ku nsi iya ku mwavho kwe ákuliiye.

uLuuka 2:39

Avha Yoosefu nu Maliiya vhahamala kuvhomba zyonti inza vwe zyámile mu ndajizyo izya MWENE uMulungu. Pe vhahagaluha mu nkaaya yaavho iya Naazaleeti mu shigavho isha nsi isha Galilaaya.

uLuuka 2:51

Pe ahagaluha na vhapaafi vhaakwe ku Naazaleeti, ahavhashindihaga. Unyina ahavhanga akuzisivhiilila zyonti izyo nu kuzivhiiha mu mwoyo.

uLuuka 4:16

Isiku limo, uYeesu ahafiha mu Naazaleeti, inkaaya ye ákuliiye. Isiku ilya Sabaato ahinjila mwi isinagoogi, inza vwe gáamile amaata gaakwe. Ahimiilila inga avhaazye uVhusimbe uVhufinjile.

uLuuka 4:31

Pisinda, uYeesu ahasogola mu nkaaya iya Kapelanawuumu ye yáamile mu shigavho isha nsi isha Galilaaya. Isiku ilya Sabaato, ahinjila mwi isinagoogi, ahanda kuvhasambiilizya avhantu.

uLuuka 4:35

UYeesu ahayipilila impepo yiila ahati, “Ahalanga! Fuma mwa muntu uno!” Impepo iyo yihamugwisya umuntu uyo pilongolela lyavho, yihafuma ishisita kumuvwalazya.

uLuuka 6:42

Havhili ungamuvhuuzya vhuli uwamwinyu kuuti, ‘Wamwitu, leha inkwefwe ahababazula he hali mwi lyinso lyaho,’ ileelo iwe weneewe utakwenya ulupaliho lwe luli mwi lyinso lyaho? We washifumbo iwe! Uyeefwe suuti ulupaliho lwe luli mwi lyinso lyaho, pe kwe ulole ahinza nu kwefwa ahababazula he hali mwi lyinso ilya wamwinyu.”

Yohani 4:28

Umwantanda uyo ahayileha insonta yaakwe iya minzi pepaala, ahasogola mu nkaaya iya Sikaali. Lwe aafiha mu nkaaya iyo, ahavhavhuuzya avhantu ahati,

2 VaKolinti 5:16

Ishi, kufuma ahavhaliilizyo iha, tutakumumanya umuntu ku njeele izya vhantu. Poosye she ahavhaliilizyo hamo twámumanyile uChilisiti ku njeele izya vhantu, ileelo ishi tutamumanyile inza isho.